Emĩsyo 17 - AMASAKO ABOYTRTRE WA NYAMUHANGA AWAKAHULAWA MO BIBLIA

Abatunganene sibali ngʼabʼebibi

¹ Akatole akũmĩre haguma nʼeriyibombeka kowene, Kwilaba enyũmba eyoswĩre mwʼerirya ĩnene haguma nʼamalwa.

² Omugombe oyukakola nʼamenge asyatabalira omugala oyukahemula, Kandi asyasangira omwandu haguma nʼabagala bʼenyũmba.

³ Enyungu yʼerĩerya ni busana nʼebĩtsĩpa, nʼerĩko ni busana nʼesyamagetsi; Nĩkwa Omwami Mukulu akalenga emitima.

⁴ Omukola-nabi akahulikirira emĩnywa mibi; Nʼomũbehĩ akatega okũtũ busana nʼolulimi lwʼomwaga.

⁵ Oyukaseka abera akatsuma omũhangĩkĩ wabo; Nʼoyukatsemera erĩkwa siendisyabula erisuyira.

⁶ Abitsikulu nĩ mbĩta yʼabasyakulu; Nʼolukengerwa lwʼabana nĩ ĩse wabo.

⁷ Erĩbũga ndeke siritolere omũkĩrũ; Kwilaba aho, emĩnywa yʼeribiha siyitolere omunya-mwami.

⁸ Eribuku liri ngʼerĩbwe lyʼobũgũlĩ omo meso wʼoyuwiteryo; Ehosĩ likaya likaleta omũyĩsa.

⁹ Oyũkakũnĩngĩra erĩlolo akasonda olwanzo; Nĩkwa oyukasubirira omo mwatsi akagaba abĩra bʼekihango.

¹⁰ Erikunga likingira hali omo yuwite amenge Kwilaba emĩgo erĩgana oko mũkĩrũ.

¹¹ Omundu mubi akasonda erihona lisa; Busana nʼekyo, omukwenda ũkalĩre asyatumwa kwiye.

¹² Lyowene omundu erĩhĩndana nʼedubu eyabĩrĩhũngwa kwʼekyana kyayo Kwilaba erĩhĩndana nʼomũkĩrũ omo bũkĩrũ buwe.

¹³ Oyũkatũhũlaya ebibi busana nʼebibuya Ekibi sikyendĩsyalũa omo nyũmba yiwe.

¹⁴ Erĩtsũka lyʼamalwa liri ngʼomugulu omundu akalĩbũla enzira yʼamagetsi; Busana nʼekyo, gũmbaye oko buhaka bute bwabya malwa.

¹⁵ Oyukimira omubi ati atunganene, nʼoyukatswera oyutunganene yo lubi, Ababiri bosĩ ni nye oko Mwami Mukulu.

¹⁶ Neryo enzwere yʼerigula amenge iri omo byala byʼomũkĩrũ kwehĩ? Kusangwa siawite menge.

¹⁷ Omwĩra akanza emigulu yosĩ; Nʼomugala wabo akabutawa busana nʼobũlĩge.

¹⁸ Omundu oyutawite amenge akakangama ebyala, Kandi akabya muwato embere sya mũlĩkyabo.

¹⁹ Oyukanza amalwa akanza erĩhalya; Oyukasumba olũkyo luwe lwʼendata akasonda erĩherĩbwa.

²⁰ Oyuwite omutima wʼeriganga-ganga sialibana kibuya; Nʼoyuwite olulimi lwʼeriyiririra akawa omo mwaga.

²¹ Oyukabuta omũkĩrũ nĩ bũlĩge buwe; Kandi tata wʼomũkĩrũ siawite eritsema.

²² Omutima wʼeritsema ni busaki bowene; Nĩkwa ekĩrĩmũ ekĩbũnĩkĩre kĩkũmaya amakũha.

²³ Omundu mubi akangirira esigulo eyĩbĩsamĩre; Akaheraya esyonzira syʼerĩbanza.

²⁴ Amenge ali embere syʼobũsũ bwʼoyuwite eriminya; Nĩkwa ameso wʼomũkĩrũ ali omo ndũlĩ syʼekihugo.

²⁵ Omugala mũkĩrũ nĩ bũlĩge bwʼĩse wuwe; Nʼerikaliha lyʼoyo wamubuta.

²⁶ Nibya erisuyira omutunganene sĩryowene; Kutse erĩswĩrya abakulu busana nʼobutunganene bwabo.

²⁷ Oyũkakakĩraya ebĩnywa biwe awite eriminya; Nʼoyuli nʼekĩrĩmũ kihehere ni mundu wʼamenge.

²⁸ Omũkĩrũ naye, omugulu akahuna, akaganzawa mo wʼamenge; Omugulu akakũmba emĩnywa yiwe, akaganzawa mo gʼobũgerekanĩa.