Emĩsyo 1 - AMASAKO ABOYTRTRE WA NYAMUHANGA AWAKAHULAWA MO BIBLIA

Eryubaha Nyamuhanga nĩ nzũko yʼamenge

¹ Emĩsyo ya Solomono mugala wa Dawĩdĩ Omwami wa Ĩsraelĩ.

² Eriminya amenge nʼerĩkangĩrĩrĩbwa; Eriminya ebĩnywa byʼamenge;

³ Busana nʼeriangirira erĩkangĩrĩrya lyʼamenge, Omo litunganene nʼomwʼĩbanza lyʼekwenene;

⁴ Eriha abakĩrũ bʼamenge, Nʼeriha omũlwana yʼamenge nʼerisombola omwatsi.

⁵ Omundu wʼamenge owe, nʼerikanyirira omwʼiga; Nʼomundu wʼeriminya abane erĩhĩka oko mahano wʼekwenene.

⁶ Eriminya omũsyo, nʼerĩkũmbũlago, Nʼebĩnywa byʼabʼamenge, nʼesyondekerano.

⁷ Eryubaha Omwami Mukulu nĩ nzũko yʼeriminya; Nĩkwa abakĩrũ bakapona amenge nʼerĩkangĩrĩrĩbwa.

⁸ Mugala wage, uhulikirire erĩkangĩrĩrya lya tata wawe, Sũsĩganaye erihana lya koyo wawe.

⁹ Kusangwa byasyabya kakĩra kabuya kʼolukogo oko mutwe wawe, Nʼamahulula akasũga ebĩkya byawe.

¹⁰ Mugala wage, abakola-nabi bamakuhana erĩtobo, Ĩsĩwalĩga.

¹¹ Bamabũga bati, Wase haguma netu, Tũlĩmbaye busana nʼomusasi; Tũlĩmbaye bũbĩso-bĩso abate ko lubanza ahate ekikaleka;

¹² Tumerebo ibaneho ngʼeKũlĩmũ, Omũbĩmba, ngʼabakandagalira omo buhya;

¹³ Tukandisyabana obũsokĩ bwʼobũgũlĩ bunene; Tũkandĩsyũsũlya amanyũmba wetu mwʼebyahũngawa.

¹⁴ Wasyasangira netu; Twasyabya nʼengunza nguma.

¹⁵ Mugala wage, sulendere omo nzira haguma nabo; Ũkakĩraye ekisando kyawe oko nzira yabo.

¹⁶ Kusangwa ebisando byabo bikanguhira ebibi, Kandi bakayangũhĩrĩraya erĩũta omusasi.

¹⁷ Omuguli akategawa busa Omo meso wʼenyonyũ yahi.

¹⁸ Nĩkwa abandu ngʼaba bakatega ekitego busana nabo ĩbobene. Bakalĩmbaya bũbĩso-bĩso busana nʼesyongebe syabo.

¹⁹ Ko siri sitya esyonzira syʼobuli mundu oyũkayĩtsũtsa ebindu; Lĩkalũsaya engebe yʼabenyeyo.

Olubanza lwʼabakagana amenge

²⁰ Amenge akatũla endulo omo nzira; Akowĩsaya omulenge wago omo bibuga;

²¹ Akabirikirira omo mahwa wʼesyonzira; Oko mingiro yʼesyongyo, Omo mũyĩ, akatũla ebĩnywa byago.

²² Erĩhĩka oko mugulu wahi, mwasyanza obũkĩrũ, ĩnywe bakĩrũ kwehĩ? Nenyũ abasekanĩ mũkayĩtsemesaya omwʼĩsekererya, Nʼabakĩrũ bakapona eriminya kwehĩ?

²³ Mubinduke okwʼikunga lyage. Lebaya, nasyabũtũlĩra ekĩrĩmũ kyage; Nasyabamĩnyĩsya ebĩnywa byage.

²⁴ Kusangwa nabiribirikira, nenyũ mwabirigana; Nabirisanza ebyala byage, sihali omundu oyukatsomana;

²⁵ Nĩkwa ĩnywe mwabirigana erihana lyage ryosĩ, Kandi sĩmwanzĩre erikunga lyage nʼahake.

²⁶ Nage nasyaseka omo kiro kyʼerĩkwa lyenyũ; Nasyasekererya omugulu eriubaha lyenyũ lyasyasa;

²⁷ Omugulu eriubaha lyenyũ lyasyabahĩkako ngʼomuyaga, Nʼerĩkwa lyenyũ lĩkahĩka ngʼakanyabungu; Omugulu obũlĩge nʼerisegetula bĩkabahĩkako.

²⁸ Oko mugulu oyo mwasyanyilakira, nĩkwa sĩndĩendĩsyasũbya; Basyanyisonda-sondya nʼomũhwa, nĩkwa sibendisyanyibana.

²⁹ Kusangwa bakwa eriminya lyʼekĩnĩga, Kandi mobatayisoga eriubaha lyʼOmwami Mukulu.

³⁰ Mobagana erihana lyage, Mobapona erikunga lyage ryosĩ;

³¹ Busana nʼekyo basyalya oko bĩgũma byʼenzira yabo, Basyũgũta erĩyĩtsũtsa lyabo.

³² Kusangwa erisuba enyũma lyʼabakĩrũ lyasyĩtabo. Nʼerĩyĩsyandira lyʼeritindatsomana lyʼabakĩrũ lyasyaheryabo.

³³ Nĩkwa oyũkanyowa asyĩkala ndeke, Kandi asyabya buholo butsira eriubaha lyʼebibi.