Emiganzo 33 - AMASAKO ABOYTRTRE WA NYAMUHANGA AWAKAHULAWA MO BIBLIA

Olungendo lwa Ĩsraelĩ

¹ Olũ lo lugendo lwʼabana ba Ĩsraelĩ, omugulu balũa omo kihugo kyʼeMĩsĩrĩ omo milondo yabo omo byala bya Musa na Harũnĩ.

² Neryo Musa mwasaka erihongoka lyabo ngʼolugendo lwabo busana nʼerihana lyʼOmwami Mukulu; kandi olũ lo lugendo lwabo ngʼerihongoka lyabo ko lyabya.

³ Mobahongoka erĩlũa eRamesesĩ oko mukera wʼerĩtsũka, oko kiro kyʼerĩkũmĩ nʼebitanu kyʼomukera wʼerĩtsũka; engyakya enyũma wʼErikiruka, abana ba Ĩsraelĩ mobahongoka nʼobulume-lume omo meso wʼAbanya Mĩsĩrĩ bosĩ,

⁴ omugulu Abanya Mĩsĩrĩ babya bakata ehimbere hyabo hyosĩ, ehyo Mwami Mukulu ĩta omo katĩkatĩ kabo; kandi Omwami Mukulu mwatswera esyonyamuhanga syabo.

⁵ Kandi abana ba Ĩsraelĩ mobahongoka erĩlũa eRamesesĩ, mobalalirira eSũkotĩ.

⁶ Kandi mobahongoka erĩlũa eSũkotĩ, mobalalirira eEtamũ, eyiri oko mutano wʼembwarara.

⁷ Kandi mobahongoka erĩlũa eEtamũ, mobasuba enyũma oko Pĩhahĩrotĩ, eyiri embere syʼeBalĩzefonĩ; neryo mobalalirira embere syʼeMĩgĩdolĩ.

⁸ Kandi mobagenda erĩlũa embere syʼeHahĩrotĩ, mobalaba omo katĩkatĩ kʼengetsi eriya omo mbwarara; mobagenda olugendo lwʼebiro bisatu omo mbwarara yʼeEtamũ, mobalalirira eMara.

⁹ Mobahongoka erĩlũa eMara, mobahĩka eElĩmũ; nʼeElĩmũ habya esĩsoko syʼamagetsi erĩkũmĩ nʼesĩbĩrĩ, nʼamabondo makũmĩ alinda; neryo mobalaliriraho.

¹⁰ Kandi mobahongoka erĩlũa eElĩmũ, mobalalirira hakũhĩ nʼeNgetsi yʼEngula.

¹¹ Kandi mobahongoka erĩlũa oko Ngetsi yʼEngula, mobalalirira omo mbwarara yʼeSĩnĩ.

¹² Kandi mobahongoka erĩlũa omo mbwarara yʼeSĩnĩ, mobalalirira eDofũka.

¹³ Kandi mobahongoka erĩlũa eDofũka mobalalirira eAlũsĩ.

¹⁴ Kandi mobahongoka erĩlũa eAlũsĩ, mobalalirira eRefidĩmũ, ahatabya magetsi wʼerĩpũlya busana nʼabandu.

¹⁵ Kandi mobahongoka erĩlũa eRefidĩmũ, mobalalirira omo mbwarara yʼeSĩnaĩ.

¹⁶ Kandi mobahongoka erĩlũa omo mbwarara yʼeSĩnaĩ, mobalalirira eKĩbũrotĩ-hatawa.

¹⁷ Kandi mobahongoka erĩlũa eKĩbũrotĩ-hatawa, mobalalirira eHazarotĩ.

¹⁸ Kandi mobahongoka erĩlũa eHazarotĩ, mobalalirira eRĩtĩma.

¹⁹ Kandi mobahongoka erĩlũa eRĩtĩma, mobalalirira eRĩmonĩ-peresĩ.

²⁰ Mobahongoka erĩlũa eRĩmonĩ-peresĩ, mobalalirira eLĩbũna.

²¹ Kandi mobahongoka erĩlũa eLĩbũna, mobalalirira eRĩsa.

²² Mobahongoka erĩlũa eRĩsa, mobalalirira eKehelata.

²³ Mobahongoka erĩlũa eKehelata, mobalalirira oko kitwa kyʼeSeferĩ.

²⁴ Kandi mobahongoka erĩlũa eSeferĩ, mobalalirira eHarada.

²⁵ Mobahongoka erĩlũa eHarada, mobalalirira eMakelotĩ.

²⁶ Mobahongoka erĩlũa eMakelotĩ, mobalalirira eTahatĩ.

²⁷ Kandi mobahongoka erĩlũa eTahatĩ, mobalalirira eTera.

²⁸ Mobahongoka erĩlũa eTera, mobalalirira eMĩtĩka.

²⁹ Mobahongoka erĩlũa eMĩtĩka, mobalalirira eHasĩmona.

³⁰ Kandi mobahongoka erĩlũa eHasĩmona, mobalalirira eMoserotĩ.

³¹ Mobahongoka erĩlũa eMoserotĩ, mobalalirira eBeneyakanĩ.

³² Mobahongoka erĩlũa eBeneyakanĩ, mobalalirira eHorĩ-hagĩdĩgadĩ.

³³ Mobahongoka erĩlũa eHorĩ-hagĩdĩgadĩ, mobalalirira eYotĩbata.

³⁴ Kandi mobahongoka erĩlũa eYotĩbata, mobalalirira eAbarona.

³⁵ Mobahongoka erĩlũa eAbarona, mobalalirira eSĩonĩ-geberĩ.

³⁶ Kandi mobahongoka erĩlũa eSĩonĩgeberĩ mobalalirira omo mbwarara yʼeSĩnĩ eyo ye Kadesĩ.

³⁷ Kandi mobahongoka erĩlũa eKadesĩ, mobayalalirira oko kitwa kyʼeHorĩ, oko mũsĩke wʼekihugo kyʼeEdomũ.

³⁸ Na Harũnĩ omũhererĩ mwahetukira omo kitwa kyʼeHorĩ busana nʼerihana lyʼOmwami Mukulu, mwaholerayo, omo mwaka wa makũmĩ ani, abana ba Ĩsraelĩ ĩbamabĩlũa omo kihugo kyʼeMĩsĩrĩ, oko mukera wʼakatanu oko kiro kyʼerĩtsũka kyʼomukera.

³⁹ Na Harũnĩ abya wʼemyaka erĩgana nʼamakũmĩ abiri nʼeyĩsatu, omugulu aholera oko kitwa kyʼeHorĩ.

⁴⁰ Nĩkwa omwami wʼeAradĩ, Omukanana, oyo wabya ĩkere eLutambi lwʼeyĩkwa omo kihugo kyʼeKanana, mowa engulu yʼeriasa lyʼabana ba Ĩsraelĩ.

⁴¹ Kandi mobahongoka erĩlũa oko kitwa kyʼeHorĩ, mobalalirira eSalmona.

⁴² Mobahongoka erĩlũa eSalmona, mobalalirira ePũnonĩ.

⁴³ Kandi mobahongoka erĩlũa ePũnonĩ, mobalalirira eObotĩ.

⁴⁴ Mobahongoka erĩlũa eObotĩ, mobalalirira eĨyeAbarĩmũ, oko mutano wʼeMoabũ.

⁴⁵ Kandi mobahongoka erĩlũa eĨyeAbarĩmũ mobalalirira eDĩbonĩgadĩ.

⁴⁶ Mobahongoka erĩlũa eDĩbonĩgadĩ, mobalalirira eAlmonĩ-dĩblataĩmũ.

⁴⁷ Mobahongoka erĩlũa eAlmonĩ-dĩblataĩmũ, mobalalirira oko bitwa byʼeAbarĩmũ, embere syʼeNebo.

⁴⁸ Kandi mobahongoka erĩlũa oko bitwa byʼeAbarĩmũ, mobalalirira omo bwerere bwʼeMoabũ hakũhĩ nʼeYorodanĩ eYerĩko.

⁴⁹ Neryo mobalalirira hakũhĩ nʼeYorodanĩ, erĩlũa eBete-yesĩmotĩ erĩhĩka Abelĩ-sĩtĩmũ omo bwerere bwʼeMoabũ.

⁵⁰ Neryo Omwami Mukulu mwabũga na Musa omo bwerere bwʼeMoabũ hakũhĩ nʼeYorodanĩ eYerĩko, ati,

⁵¹ Ũbũge nʼabagala ba Ĩsraelĩ, ubwirebo, uti, Omugulu mukasoka eYorodanĩ eriya omo kihugo kyʼeKanana,

⁵² mwasyahiga esyondũlanĩ syosĩ syʼekihugo embere syenyũ, nʼerĩherya amabwe gosĩ awabatsĩrwe mwʼesyosanamu, nʼerĩherya esyosanamu syabo syosĩ syʼerĩnũnĩa, nʼeritulanga emisaka ahayĩsũmbĩre hosĩ.

⁵³ Kandi mwasyĩmya omo kihugo ekyo mwʼesyombibi, nʼerĩĩkalamo; kusangwa nabiribaha ekihugo eribya kyenyũ.

⁵⁴ Nenyũ mwasyalya ekihugo ekyo mo mwandu omwʼigereka omo bĩtũnga byenyũ; oko bandu bangi mwasyaha omwandu mungi, nʼoko bake mwasyahabo omwandu muke kwʼaho; ehosĩ omugereko akawira oko mundundi, ekyo kyasyabya kiwe; mwasyalyakyo mo mwandu ngʼebihanda byʼabotata wenyũ.

⁵⁵ Nĩkwa mwamatindahiga esyondũlanĩ syʼekihugo erĩlũa embere syenyũ, neryo abo mũkasĩganaya kubo basyabya ngʼemisakisaki omo meso wenyũ, kandi ngʼamahwa omo syonganga syenyũ, basyabendererya omo kihugo ekyo mwĩkeremo.

⁵⁶ Neryo kyasyabya ngoko naganĩraya erikolabo, ko nasyabakola nenyũ nyitya.