Emiganzo 29 - AMASAKO ABOYTRTRE WA NYAMUHANGA AWAKAHULAWA MO BIBLIA

Ekiro kikulu kyʼesyongubi

¹ Oko mukera wʼakalinda, oko kiro kyʼerĩtsũka omukera, mwasyabya nʼerĩhĩndana lĩbũyĩrĩre; simusyekola mũbĩrĩ wʼendũhĩ; ni kiro busana nenyũ eribuha esyongubi.

² Mwasyahonga obuhere bwʼerĩokererya eribya erikumba lĩsĩhĩre oko Mwami Mukulu; enume nguma yʼende, embangale nguma, ehibangale hirinda hyʼomwaka muguma ehite ko bulema;

³ nʼobuhere bwasyo bwʼeyĩsyano yʼengano, eyĩsyano yʼenzelele eyĩtũlũngene nʼamagũta, ebihande bisatu byʼolũlengĩ byʼomwĩkũmĩ busana nʼenume, ebihande bibiri byʼolũlengĩ byʼomwʼĩkũmĩ busana nʼembangale.

⁴ Nʼekihande kiguma kyʼolũlengĩ kyʼomwʼĩkũmĩ busana nʼobuli kyana kyʼembũlĩ yʼoko hyana hirinda hyʼembũlĩ.

⁵ Kandi muhere embaya nguma busana nʼobuhere bwʼebibi, eriyira endĩhĩ yʼembanulo busana nenyũ;

⁶ Kandi obuhere bwʼerĩokererya obwʼomukera muhya-muhya, nʼobuhere bwago bwʼeyĩsyano yʼengano, nʼobuhere bwʼerĩokererya emigulu yosĩ nʼobuhere bwʼeyĩsyano yʼengano bwabo, nʼamahere wago wʼerĩũtũlĩra ahisi, ngʼerihamula lyago, eribya ekikumbo kĩsĩhĩre, obuhere obũkokĩbawa oko muliro busana nʼOmwami Mukulu.

Ebilayiro byʼamahere

⁷ Nʼoko kiro kyʼerĩkũmĩ kyʼomukera wʼeyirinda mwasyabya nʼerĩhĩndana lĩbũyĩrĩre; kandi mwasyayĩkehya; Simwendisyakola mũbĩrĩ nʼomuke.

⁸ Nĩkwa mwasyaletera Omwami Mukulu yʼobuhere bwʼerĩokererya eribya erikumba lĩsĩhĩre; mwasyaleta enume nguma yʼende, embangale nguma, ehibangale hirinda hyʼomwaka muguma; hyasyabya ehite ko bulema.

⁹ Nʼobuhere bwahyo bwʼengano, eyĩsyano yʼenzelele eyĩtũlũngene nʼamagũta, ebihande bisatu byʼakalengĩ byʼomwʼĩkũmĩ busana nʼenume, nʼebihande bibiri byʼakalengĩ byʼomwʼĩkũmĩ busana nʼembangale nguma,

¹⁰ nʼekihande kiguma kyʼolulengo kyʼomwʼĩkũmĩ busana nʼobuli kyana oko hyana hirinda hyʼembũlĩ.

¹¹ Embaya nguma busana nʼobuhere bwʼebibi; kandi obuhere bwʼebibi bwʼendĩhĩ yʼembanulo, nʼobuhere bwʼerĩokererya bwʼemigulu yosĩ, nʼobuhere bwago bwʼeyĩsyano yʼengano nʼamahere wago wʼerĩũtũlĩra ahisi.

¹² Nʼoko kiro kyʼerĩkũmĩ nʼebitanu oko mukera wʼakalinda mwasyabya nʼerĩhĩndana lĩbũyĩrĩre; simusyekola mũbĩrĩ nʼomuke wʼendũhĩ, mwasyategerya Omwami Mukulu ebiro bikulu birinda.

¹³ Kandi mwasyaleta obuhere bwʼerĩokererya, obuhere obũkokĩbawa oko muliro, obumba obũsĩhĩre busana nʼOmwami Mukulu; esyonume syʼesyonde erĩkũmĩ nʼesĩsatu, nʼesyombangale ĩbĩrĩ, nʼehibangale ĩkũmĩ nʼehini hyʼomwaka muguma; hyasyabya butsira bulema;

¹⁴ nʼobuhere bwasyo bwʼeyĩsyano yʼengano, eyĩsyano yʼenzelele eyĩtũlũngene nʼamagũta, ebihande bisatu byʼolulengo byʼomwʼĩkũmĩ busana nʼobuli nume yʼoko syonume ĩkũmĩ nʼesĩsatu, nʼebihande bibiri byʼolulengo byʼomwʼĩkũmĩ busana nʼobuli mbangale yʼoko mbangale ĩbĩrĩ.

¹⁵ Ekihande kiguma kyʼolulengo kyʼomwʼĩkũmĩ busana nʼobuli kyana kyʼembũlĩ kyʼoko hibangale ĩkũmĩ na hini;

¹⁶ nʼembaya nguma busana nʼobuhere bwʼebibi; kandi obuhere bwʼemigulu yosĩ bwʼerĩokererya, nʼobuhere bwʼeyĩsyano yʼengano bwasyo nʼobuhere bwasyo bwʼerĩũtũlĩra ahisi.

¹⁷ Nʼoko kiro kyʼakabiri: mwasyahonga esyonume syʼesyonde erĩkũmĩ nʼesĩbĩrĩ, esyombangale ĩbĩrĩ, nʼehibangale hirere ĩkũmĩ na hini hyʼomwaka muguma ehite ko bulema;

¹⁸ nʼobuhere bwahyo bwʼeyĩsyano yʼengano nʼobuhere bwasyo bwʼerĩũtũlĩra ahisi busana nʼesyonume na busana nʼesyombangale, na busana nʼehyana hyʼesyombũlĩ, ngʼemiganzo yasyo kwʼiri ngʼerihamula.

¹⁹ Embaya nguma eribya buhere bwʼebibi; kandi obuhere bwʼerĩokererya emigulu yosĩ, nʼobuhere bwasyo bwʼeyĩsyano yʼengano nʼamahere wasyo wʼerĩũtũlĩra ahisi.

²⁰ Nʼoko kiro kyʼebisatu: esyonume syʼesyonde ĩkũmĩ nʼenguma, esyombangale ĩbĩrĩ, nʼehibangale ĩkũmĩ na hini hyʼomwaka muguma ehite ko bulema.

²¹ Nʼobuhere bwasyo bwʼeyĩsyano yʼengano, nʼamahere wasyo wʼerĩũtũlĩra ahisi busana nʼesyonume, na busana nʼesyombangale, na busana nʼehyana hyʼembũlĩ, ngʼemiganzo yasyo ko yiri, ngʼerihamula;

²² nʼembaya nguma eribya buhere bwʼebibi; kandi obuhere bwʼerĩokererya emigulu yosĩ, nʼobuhere bwasyo bwʼeyĩsyano yʼengano, nʼobuhere bwago bwʼerĩũtũlĩra ahisi.

²³ Nʼoko kiro kyʼebini: esyonume ĩkũmĩ, syʼesyonde esyombangale ĩbĩrĩ, nʼehibangale ĩkũmĩ na hini hyʼomwaka muguma ehite ko bulema;

²⁴ obuhere bwasyo bwʼeyĩsyano nʼamahere wasyo wʼerĩũtũlĩra ahisi busana nʼesyonume, busana nʼesyombangale, na busana nʼehibangale hyʼembũlĩ, ngʼemiganzo yasyo, ngʼerihamula.

²⁵ Nʼembaya nguma busana nʼobuhere bwʼebibi; kandi obuhere bwʼerĩokererya bwʼemigulu yosĩ nʼobuhere bwago bwʼeyĩsyano yʼengano, nʼobuhere bwago bwʼerĩũtũlĩra ahisi.

²⁶ Nʼoko kiro kyʼebitanu: esyonume mwenda syʼesyonde, esyombangale ĩbĩrĩ, nʼehibangale hirere ĩkũmĩ nʼehini hyʼomwaka muguma ehite ko bulema.

²⁷ Nʼobuhere bwasyo bwʼeyĩsyano yʼengano, nʼamahere wasyo wʼerĩũtũlĩra ahisi busana nʼesyonume, na busana nʼesyombangale, na busana nʼehyana hyʼembũlĩ, ngʼemiganzo yasyo, ngʼerihamula.

²⁸ Nʼembaya nguma busana nʼobuhere bwʼebibi; kandi obuhere bwʼerĩokererya bwʼemigulu yosĩ, nʼobuhere bwayo bwʼeyĩsyano yʼengano, nʼobuhere bwayo bwʼerĩũtũlĩra ahisi.

²⁹ Nʼoko kiro kyʼendatu: esyonume munani syʼesyonde, nʼesyombangale ĩbĩrĩ, nʼehibangale ĩkũmĩ nʼehini hyʼomwaka muguma ehite ko bulema.

³⁰ Nʼobuhere bwahyo bwʼeyĩsyano yʼengano, nʼamahere wasyo wʼerĩũtũlĩra ahisi busana nʼesyonume, na busana nʼesyombangale na busana nʼehyana hyʼembũlĩ, ngʼemiganzo yasyo kwʼiri, ngʼerihamula.

³¹ Nʼembaya nguma busana nʼobuhere bwʼebibi; kandi obuhere bwʼerĩokererya bwʼemigulu yosĩ, obuhere bwʼeyĩsyano bwayo bwʼengano, nʼamahere wayo wʼerĩũtũlĩra ahisi.

³² Nʼoko kiro kyʼebirinda: esyonume syʼesyonde sirinda, nʼesyombangale ĩbĩrĩ, nʼotubangale erĩkũmĩ nʼotuni ehyʼomwaka muguma ehite ko bulema.

³³ Nʼobuhere bwasyo bwʼeyĩsyano nʼamahere wasyo wʼerĩũtũlĩra ahisi busana nʼesyonume syʼesyonde, na busana nʼesyombangale, na busana nʼehyana hyʼesyombũlĩ, ngʼeriganza lyasyo ko liri, ngʼerihamula;

³⁴ nʼembaya nguma busana nʼobuhere bwʼebibi, kandi obuhere bwʼerĩokererya bwʼemigulu yosĩ, obuhere bwayo bwʼeyĩsyano yʼengano, nʼobuhere bwayo bwʼerĩũtũlĩra ahisi.

³⁵ Nʼoko kiro kyʼomunani: mwasyabya nʼerĩhĩndana lĩbũyĩrĩre; simusyekola mũbĩrĩ nʼomuke wʼendũhĩ;

³⁶ nĩkwa mwasyahonga obuhere bwʼerĩokererya, obuhere obũkokĩbawa oko muliro, obwʼekikumbo kĩsĩhĩre oko Mwami Mukulu; enume nguma yʼende embangale nguma, ehibangale hirinda ehyʼomwaka muguma ehite ko bulema.

³⁷ Obuhere bwasyo bwʼeyĩsyano nʼamahere wasyo wʼerĩũtũlĩra ahisi busana nʼenume yʼende na busana nʼembangale, na busana nʼehyana hyʼembũlĩ, syasyabya ngʼemiganzo yasyo kwʼiri, ngʼerihamula.

³⁸ Nʼembaya nguma busana nʼobuhere bwʼebibi; kandi obuhere bwʼerĩokererya bwʼemigulu yosĩ, nʼobuhere bwayo bwʼeyĩsyano yʼengano, nʼobuhere bwayo bwʼerĩũtũlĩra ahisi.

³⁹ Esĩ syo mwasyaletera Omwami Mukulu omo biro bikulu byenyũ haguma nʼerĩlahĩrya lyenyũ, nʼolũsũnzo lwenyũ lwʼerianza lyʼomutima, busana nʼamahere wenyũ wʼerĩokererya, na busana nʼamahere wenyũ wʼeyĩsyano yʼengano, nʼamahere wenyũ wʼerĩpũlya wʼerĩũtũlĩra ahisi, na busana nʼamahere wenyũ wʼobuholo.

⁴⁰ Neryo Musa mwabwira bagala ba Ĩsraelĩ ngʼebyosĩ ebyo Mwami Mukulu amuhana.