Emiganzo 26 - AMASAKO ABOYTRTRE WA NYAMUHANGA AWAKAHULAWA MO BIBLIA

Eriganzwa lyʼabandu

¹ Neryo enyũma wʼekĩhũnzo Omwami Mukulu mwabũga na Musa na Eleazarĩ mugala wʼomũhererĩ Harũnĩ, ati,

² Mugunze endeko yosĩ yʼabana ba Ĩsraelĩ, erĩtsũka oko myaka makũmĩ abiri nʼabakulu kwʼaho, oko bĩtũnga byʼabotata wabo, abosĩ abangatoka eriyalwa omo Baĩsraelĩ.

³ Neryo Musa na Eleazarĩ omũhererĩ mobakanĩa nabo omo bwerere bwʼeMoabũ hakũhĩ nʼeYorodanĩ eYerĩko, bati,

⁴ Wĩmaye emiganzo yʼabandu erĩtsũka emyaka makũmĩ abiri nʼabakulu kwʼaho; ngoko Mwami Mukulu abirihana Musa.

⁵ Nĩkwa abagala ba Ĩsraelĩ abalũa omo kihugo kyʼeMĩsĩrĩ babya: Rũbenĩ, akambere ka Ĩsraelĩ; nʼabagala ba Rũbenĩ. Hanokĩ, ekihanda kyʼAbahanokĩ; Palũ, ekihanda kyʼAbapalũ;

⁶ Hezĩronĩ, ekihanda kyʼAbahezĩronĩ; Karmĩ, ekihanda kyʼAbakarmĩ.

⁷ Ebĩ bye bihanda byʼAbarũbenĩ; nʼabaganzawa ba kubo babya elfu makũmĩ ani nʼĩsatu nʼamagana alinda nʼamakũmĩ asatu (43,730).

⁸ Nʼomugala wa Palũ: ye Elĩabũ.

⁹ Nʼabagala ba Elĩabũ: Nemũelĩ, na Datanĩ na Abĩramũ. Aba bo Datanĩ oyo na Abĩramũ, ababirikirawa omo ndeko, abalwa na Musa na Harũnĩ omo mulondo wa Kora, omugulu balwa nʼOmwami Mukulu,

¹⁰ nʼekitaka mokyatanda obuno bwakyo, mokyamerabo haguma na Kora, omugulu omulondo oyo ahola; omugulu omuliro abuga abalume amagana abiri nʼamakũmĩ atanu (250), nabo mobabya kiminyikalo.

¹¹ Nĩkwa, abagala ba Kora mobatahola.

¹² Abagala ba Sĩmeonĩ oko bihanda byabo; Nemũelĩ, ekihanda kyʼAbanemũelĩ; Yamĩnĩ: ekihanda kyʼAbayamĩnĩ; Yakĩnĩ, ekihanda kyʼAbayakĩnĩ;

¹³ Zera, ekihanda kyʼAbazera; Saũlĩ, ekihanda kyʼAbasaũlĩ.

¹⁴ Ebĩ bye bihanda byʼAbasĩmeonĩ, abandu elfu makũmĩ abiri nʼĩbĩrĩ nʼamagana abiri (22,200).

¹⁵ Nʼabagala ba Gadĩ oko bihanda byabo; Zefonĩ, ekihanda kyʼAbazefonĩ; Hagĩ, ekihanda kyʼAbahagĩ; Sũnĩ, ekihanda kyʼAbasũnĩ;

¹⁶ Osĩnĩ, ekihanda kyʼAbaosĩnĩ; Erĩ, ekihanda kyʼAbaerĩ;

¹⁷ Arodĩ, ekihanda kyʼAbaarodĩ; Arelĩ, ekihanda kyʼAbaarelĩ.

¹⁸ Ebĩ bye bihanda byʼabagala ba Gadĩ ngʼabaganzawa kubo, elfu makũmĩ ani nʼamagana atanu (40,500).

¹⁹ Abagala ba Yũda; Erĩ na Onanũ; na Erĩ na Onanũ mobaholera omo kihugo kyʼeKanana.

²⁰ Nʼabagala ba Yũda oko bihanda byabo babya; Sela, ekihanda kyʼAbasela; Peresĩ, ekihanda kyʼAbaperesĩ; Zera, ekihanda kyʼAbazera.

²¹ Nʼabagala ba Peresĩ babya; Hesĩronĩ ekihanda kyʼAbahesĩronĩ; na Hamũlĩ, ekihanda kyʼAbahamũlĩ.

²² Ebĩ byo bihanda bya Yũda ngʼabaganzawa kubo, elfu makũmĩ alinda nʼendatu nʼamagana atanu (76,500).

²³ Abagala ba Ĩsakarĩ oko bihanda byabo; Tola, ekihanda kyʼAbatola; Pũva, ekihanda kyʼAbapũva;

²⁴ aba Yasũbĩ, ekihanda kyʼAbayasũbĩ; Sĩmũronĩ, ekihanda kyʼAbasĩmũronĩ.

²⁵ Ebĩ byo bihanda bya Ĩsakarĩ ngʼabaganzawa kubo elfu makũmĩ ndatu nʼĩnĩ nʼamagana asatu (64,300).

²⁶ Nʼabagala ba Zebũlũnĩ oko bihanda byabo; Seredĩ, ekihanda kyʼAbaseredĩ; Elonĩ, ekihanda kyʼAbaelonĩ; Yalelĩ, ekihanda kyʼAbayalelĩ.

²⁷ Ebĩ byo bihanda bya Zebũlũnĩ ngʼabaganzawa kubo, elfu makũmĩ ndatu nʼamagana atanu (60,500).

²⁸ Nʼabagala ba Yosefũ oko bihanda byabo; Manase na Efũraĩmũ.

²⁹ Abagala ba Manase; Makĩrĩ, ekihanda kyʼAbamakĩrĩ; na Makĩrĩ mwabuta Gĩleadĩ; Gĩleadĩ, ekihanda kyʼAbagĩleadĩ.

³⁰ Aba bo bagala ba Gĩleadĩ; Ezerĩ, ekihanda kyʼAbaezerĩ; Helekĩ, ekihanda kyʼAbahelekĩ;

³¹ Asrĩelĩ, ekihanda kyʼAbaasrĩelĩ; Sekemũ, ekihanda kyʼAbasekemũ;

³² Semĩda, ekihanda kyʼAbasemĩda; Heferĩ, ekihanda kyʼAbaheferĩ.

³³ Na Zelofehadĩ, mugala wa Heferĩ mwatabya nʼabagala, nĩkwa abali basa; nʼamena wʼabali ba Zelofehadĩ babya Mala, na Noa, Hogla, Mĩlka, na Tĩrza.

³⁴ Ebĩ byo bihanda bya Manase; nʼabaganzawa kubo babya elfu makũmĩ atanu nʼĩbĩrĩ nʼamagana alinda (52,700).

³⁵ Aba bo bagala ba Efũraĩmũ oko bihanda byabo; Sũtela ekihanda kyʼAbasũtela; Bekerĩ, ekihanda kyʼAbabekerĩ; Tahanĩ, ekihanda kyʼAbatahanĩ.

³⁶ Aba bo bagala ba Sũtela; Eranĩ, ekihanda kyʼAbaeranĩ.

³⁷ Ebĩ byo bihanda byʼabagala ba Efũraĩmũ ngʼabaganzawa kubo, elfu makũmĩ asatu nʼĩbĩrĩ, nʼamagana atanu (32,500). Aba bo bagala ba Yosefũ oko bihanda byabo.

³⁸ Nʼabagala ba Benyamĩnĩ oko bihanda byabo; Bela, ekihanda kyʼAbabela; Asĩbelĩ, ekihanda kyʼAbaasĩbelĩ; Ahĩramũ, ekihanda kyʼAbaahĩramũ;

³⁹ Sefũfamũ, ekihanda kyʼAbasefũfamũ; Hũfamũ, ekihanda kyʼAbahũfamũ.

⁴⁰ Abagala ba Bela babya Ardĩ na Namanĩ; Ardĩ, ekihanda kyʼAbaardĩ; Namanĩ, ekihanda kyʼAbanamanĩ.

⁴¹ Aba bo bagala ba Benyamĩnĩ oko bihanda byabo; nʼabaganzawa ba kubo babya elfu makũmĩ ani nʼĩtanu nʼamagana ndatu (45,600).

⁴² Aba bo bagala ba Danĩ oko bihanda byabo; Sũhamũ, ekihanda kyʼAbasũhamũ. Ebĩ byo bihanda bya Danĩ oko bihanda byabo.

⁴³ Ebihanda byosĩ bya Sũhamũ ngʼabaganzawa kubo, babya elfu makũmĩ ndatu nʼĩnĩ nʼamagana ani (64,400).

⁴⁴ Nʼabagala ba Aserĩ oko bihanda byabo; Ĩmũna, ekihanda kyʼAbaĩmũna; Ĩswĩ, ekihanda kyʼAbaĩswĩ; Berĩa, ekihanda kyʼAbaberĩa.

⁴⁵ Aba bo bagala ba Berĩa; Heberĩ, ekihanda kyʼAbaheberĩ; Malkĩelĩ, ekihanda kyʼAbamalkĩelĩ.

⁴⁶ Nʼerĩna lya mwali wa Aserĩ lyabya Sera.

⁴⁷ Ebĩ byo bihanda byʼabagala ba Aserĩ ngoko baganzawa kubo, elfu makũmĩ atanu nʼĩsatu nʼamagana ani (35,400).

⁴⁸ Abagala ba Nafũtalĩ oko bihanda byabo; Yazeelĩ, ekihanda kyʼAbayazeelĩ; Agũnĩ, ekihanda kyʼAbaagũnĩ;

⁴⁹ Yeserĩ, ekihanda kyʼAbayeserĩ; Sĩlemũ, ekihanda kyʼAbasĩlemũ.

⁵⁰ Ebĩ bye bihanda bya Nafũtalĩ oko bihanda byabo, nʼabaganzawa kubo babya elfu makũmĩ ani nʼĩtanu nʼamagana ani (45,400).

⁵¹ Aba ba baganzawa oko bana ba Ĩsraelĩ, elfu magana ndatu nʼenguma nʼamagana alinda nʼamkũmĩ asatu (601,730).

⁵² Neryo Omwami Mukulu mwabũga na Musa, ati,

⁵³ Ekihugo kyasyagabirwa Ukwʼaba eribya mwandu ngʼemiganzo yʼamena kwʼiri.

⁵⁴ Oko bangi wasyaha omwandu mungi, nʼoko bake wasyahabo omwandu muke; oko buli mundu ngʼabaganzirawa kwiye; kwʼasyahabwa omwandu wuwe wʼatya.

⁵⁵ Nĩkwa ekihugo kyasyagabwa omwʼigereka, ngʼamena wʼebihanda byʼabotata wabo basyalyakyo mo mwandu.

⁵⁶ Ngoko erigereka lyasyabya, omwandu wabo kwʼasyagabwa atya omo katĩkatĩ kʼabangi nʼabake.

⁵⁷ Nʼaba ba baganzawa omo Balawĩ oko bihanda byabo; Gersonĩ, ekihanda kyʼAbagersonĩ; Kohatĩ, ekihanda kyʼAbakohatĩ; Merarĩ, ekihanda kyʼAbamerarĩ.

⁵⁸ Ebĩ bye bihanda bya Lawĩ; ekihanda kyʼAbalĩbũnĩ, ekihanda kyʼAbahebronĩ, ekihanda kyʼAbamalĩ, ekihanda kyʼAbamũsĩ, ekihanda kyʼAbakora. Na Kohatĩ mwabuta Amũramũ.

⁵⁹ Nʼerĩna lyʼomũkalĩ wa Amũramũ lyabya Yokebedĩ, mwali wa Lawĩ, oyo Lawĩ abutira eMĩsĩrĩ; naye mwabutira Amũramũ, Harũnĩ na Musa, na Mĩrĩamũ mwali wabo.

⁶⁰ Na Harũnĩ mwabuta Nadabũ na Abĩhũ, Eleazarĩ, na Ĩtamarĩ.

⁶¹ Na Nadabũ na Abĩhũ mobahola, omugulu baherera embere syʼOmwami Mukulu omuliro wʼehandi.

⁶² Nʼabaganzawa kubo babya elfu makũmĩ abiri nʼĩsatu (23,000), obuli mulume erĩtsũka oko mukera muguma nʼabakulu kwʼaho; kusangwa mobataganzirwa oko bana ba Ĩsraelĩ, kusangwa mobatahabwa omwandu omo bana ba Ĩsraelĩ.

⁶³ Aba bo baganzawa na Musa na Eleazarĩ omũhererĩ, abaganza abana ba Ĩsraelĩ omo bwerere bwʼeMoabũ hakũhĩ nʼeYorodanĩ eYerĩko.

⁶⁴ Nĩkwa umwʼaba sihabya mundu nʼomuguma oyo waganzawa na Musa nʼomũhererĩ Harũnĩ, abaganza abana ba Ĩsraelĩ omo mbwarara yʼeSĩnaĩ.

⁶⁵ Kusangwa Omwami Mukulu ĩnĩabĩrĩbũga busana nabo ati, Kwenene basyaholera omo mbwarara. Kandi mohatasĩgala mundu kubo, nina Kalebũ mugala wa Yefũne, na Yosũa mugala wa Nũnĩ.