Emiganzo 1 - AMASAKO ABOYTRTRE WA NYAMUHANGA AWAKAHULAWA MO BIBLIA

Eriganza bandu bʼamalwa

¹ Kandi Omwami Mukulu mwabũga na Musa omo mbwarara yʼeSĩnaĩ, omo Hema yʼerĩhĩndanamo, oko kiro kyʼerĩtsũka kyʼomukera wʼakabiri, nʼomwaka wʼakabiri ĩbamabĩlũa omo kihugo kyʼeMĩsĩrĩ, ati,

² Uganze endeko yosĩ yʼabana ba Ĩsraelĩ, oko bĩtũnga byabo, nʼoko bihanda byʼabotata wabo, ngʼeriganza lyʼamena; obuli mulume, muguma muguma;

³ erĩtsũka oko myaka makũmĩ abiri nʼomukulu kwʼaho, abosĩ bʼoko ba Ĩsraelĩ abangatoka eriyalwa, uwe na Harũnĩ mwasyaganzirabo oko milondo yabo.

⁴ Nʼomundu muguma oko buli kihanda asyabya haguma nenyũ; obuli muguma omukulu wʼenyũmba yʼabotata wuwe.

⁵ Nʼaya wa mena wʼabalume abakandisyahangana haguma nenyũ. Owa Rũbenĩ; Elĩsũrĩ mugala wa Sedeũrĩ.

⁶ Owa Sĩmeonĩ: Selũmĩelĩ mugala wa Sũrĩ-Sadaĩ.

⁷ Owa Yũda: Nasonĩ mugala wa Amĩnadabũ.

⁸ Owa Ĩsakarĩ: Netanelĩ mugala wa Zũarĩ.

⁹ Owa Zebũlũnĩ: Elĩabũ mugala wa Helonĩ.

¹⁰ Oko bana ba Yosefũ; owa Efũraĩmũ; Elĩsama mugala wa Amĩhũdĩ; owa Manase: Gamalĩelĩ mugala wa Pedasũrĩ.

¹¹ Owa Benyamĩnĩ: Abĩdanĩ mugala wa Gĩdeonĩ.

¹² Owa Danĩ: Ahĩezerĩ mugala wa Amĩsadayĩ.

¹³ Owa Aserĩ: Pagĩelĩ mugala wa Okranĩ.

¹⁴ Owa Gadĩ: Elĩasafũ mugala wa Deũelĩ.

¹⁵ Owa Nafũtalĩ: Ahĩra mugala wa Enanũ.

¹⁶ Aba bo babirikirawa omo ndeko, abasondolĩ bʼebihanda byʼabotata wabo; aba babya bakulu bʼamaelfu wa Ĩsraelĩ.

¹⁷ Neryo Musa na Harũnĩ mobĩmya abalume aba abahulawa kwʼamena.

¹⁸ Neryo mobahĩndanĩa endeko yosĩ yo haguma oko kiro kyʼerĩtsũka kyʼomukera wʼakabiri; mobakangya ngoko babũtĩrwe omo bĩtũnga byabo, ngʼebihanda byʼabotata wabo, ngʼeriganza lyʼamena, erĩtsũka oko myaka makũmĩ abiri nʼomukulu kwʼaho, obuli mundu ngoko ali.

¹⁹ Ngoko Mwami Mukulu ahana Musa, kwʼaganzirabo atya omo mbwarara yʼeSĩnaĩ.

²⁰ Nʼabana ba Rũbenĩ, akambere ka Ĩsraelĩ, esyondengo syabo, oko bĩtũnga byabo, nʼoko bihanda byʼabotata wabo, ngʼeriganza lyʼamena, obuli muguma muguma, obuli mulume erĩtsũka oko myaka makũmĩ abiri nʼomukulu kwʼaho, abosĩ ababya ibangatoka eriyalwa;

²¹ abaganzawa kubo abʼekihanda kya Rũbenĩ, babya elfu makũmĩ ani na ndatu nʼamagana atanu (46,500).

²² Abʼoko bana ba Sĩmeonĩ, esyondengo syabo, oko bĩtũnga byabo, nʼoko bihanda byʼabotata wabo, abaganzawa kubo, ngʼemiganzo yʼamena, obuli mundu ngoko ali, obuli mulume erĩtsũka oko myaka makũmĩ abiri nʼomukulu kwʼaho, abosĩ abangatoka eriyalwa;

²³ abaganzawa kubo, abʼekihanda kya Sĩmeonĩ, babya elfu makũmĩ atanu na mwenda nʼamagana asatu (59,300).

²⁴ Abʼoko bana ba Gadĩ, esyondengo syabo, oko bihanda byabo, nʼoko bĩtũnga byʼabotata wabo, ngʼeriganza lyʼamena, erĩtsũka oko myaka makũmĩ abiri nʼomukulu kwʼaho, abangatoka eriyalwa.

²⁵ Abaganzawa kubo, abʼekihanda kya Gadĩ, babya elfu makũmĩ ani nʼĩtanu nʼamagana ndatu nʼamakũmĩ atanu (45,650).

²⁶ Abʼoko bana ba Yũda, esyondengo syabo, oko bihanda byabo, nʼoko bĩtũnga byʼabotata wabo, ngʼemiganzo yʼamena, erĩtsũka oko myaka makũmĩ abiri nʼomukulu kwʼaho, abosĩ abangatoka eriya oko malwa;

²⁷ abaganzawa kubo, abʼekihanda kya Yũda, babya elfu makũmĩ alinda nʼĩnĩ nʼamagana ndatu (74,600).

²⁸ Abʼoko bana ba Ĩsakarĩ, esyondengo syabo, oko bihanda byabo, nʼoko bĩtũnga byʼabotata wabo, ngʼemiganzo yʼamena, erĩtsũka oko myaka makũmĩ abiri nʼomukulu kwʼaho, abosĩ abangatoka eriya oko malwa;

²⁹ abosĩ abaganzawa kubo abʼekihanda kya Ĩsakarĩ, babya elfu makũmĩ atanu nʼĩnĩ nʼamagana ani (54,400).

³⁰ Abʼoko bana ba Zebũlũnĩ, ngʼesyondengo syabo, nʼoko bihanda byabo, oko bĩtũnga byʼabotata wabo, ngʼemiganzo yʼamena, erĩtsũka oko myaka makũmĩ abiri na kwilaba aho, abosĩ abangatoka eriya oko malwa;

³¹ abaganzawa kubo, abʼekihanda kya Zebũlũnĩ babya elfu makũmĩ atanu nʼirinda nʼamagana ani (57,400).

³² Abʼoko bana ba Yosefũ, ba bana ba Efũraĩmũ, ngʼesyondengo syabo oko bihanda byabo nʼoko bĩtũnga byʼabotata wabo, ngʼemiganzo yʼamena, erĩtsũka oko myaka makũmĩ abiri nʼomukulu kwʼaho, abosĩ abangatoka eriya oko malwa;

³³ abaganzawa kubo abʼekihanda kya Efũraĩmũ babya elfu makũmĩ ani nʼamagana atanu (40,500).

³⁴ Abʼoko bana ba Manase, ngʼesyondengo syabo oko bihanda byabo, nʼoko bĩtũnga byʼabotata wabo, ngʼemiganzo yʼamena, erĩtsũka oko myaka makũmĩ abiri nʼabakulu kwʼaho, abosĩ abangatoka eriya oko malwa;

³⁵ abaganzawa kubo, abʼekihanda kya Manase, babya elfu makũmĩ asatu nʼĩbĩrĩ nʼamagana abiri (32,200).

³⁶ Abʼoko bana ba Benyamĩnĩ, ngʼesyondengo syabo oko bihanda byabo nʼoko bĩtũnga byʼabotata wabo, ngʼemiganzo yʼamena, erĩtsũka oko myaka makũmĩ abiri nʼabakulu kwʼaho, abosĩ abangatoka eriya oko malwa;

³⁷ abaganzawa kubo, abʼekihanda kya Benyamĩnĩ, babya elfu makũmĩ asatu nʼĩtanu nʼamagana ani (35,400).

³⁸ Abʼoko bana ba Danĩ, ngʼesyondengo syabo oko bihanda byabo, nʼoko bĩtũnga byʼabotata wabo, ngʼemiganzo yʼamena, erĩtsũka oko myaka makũmĩ abiri nʼabakulu kwʼaho, abosĩ abangatoka eriya oko malwa;

³⁹ abaganzawa kubo, abʼekihanda kya Danĩ, babya elfu makũmĩ ndatu nʼĩbĩrĩ nʼamagana alinda (62,700).

⁴⁰ Abʼoko bana ba Aserĩ, ngʼesyondengo syabo oko bihanda byabo, nʼoko bĩtũnga byʼabotata wabo, ngʼemiganzo yʼamena, erĩtsũka oko myaka makũmĩ abiri nʼabakulu kwʼaho, abosĩ abangatoka eriya oko malwa;

⁴¹ abaganzawa kubo, abʼekihanda kya Aserĩ, babya elfu makũmĩ ani na nguma nʼamagana atanu (41,500).

⁴² Abʼoko bana ba Nafũtalĩ, ngʼesyondengo syabo oko bihanda byabo, oko bĩtũnga byʼabotata wabo, ngʼemiganzo yʼamena, erĩtsũka oko myaka makũmĩ abiri nʼabakulu kwʼaho, abosĩ abangatoka eriya oko malwa

⁴³ Abaganzawa kubo abʼekihanda kya Nafũtalĩ, babya elfu makũmĩatanu nʼĩsatu nʼamagana ani (53,400).

⁴⁴ Aba bo baganzawa, abo Musa na Harũnĩ baganza, nʼabakulu ba Ĩsraelĩ, ni bandu ĩkũmĩ nʼababiri; babya obuli mundu busana nʼekĩtũnga kya tata wuwe.

⁴⁵ Neryo abosĩ abaganzawa bʼabana ba Ĩsraelĩ oko bĩtũnga byʼabotata wabo, erĩtsũka oko myaka makũmĩ abiri nʼabakulu kwʼaho, abosĩ abangatoka eriya oko malwa omo Baĩsraelĩ;

⁴⁶ abosĩ abaganzawa babya elfu magana ndatu nʼĩsatu nʼamagana atanu nʼamakũmĩ atanu (603,550).

⁴⁷ Nĩkwa Abalawĩ oko kihanda kyʼabotata wabo mobataganzirwa kubo.

⁴⁸ Kusangwa Omwami Mukulu mwabũga na Musa ati,

⁴⁹ Ekihanda kya Lawĩ susyeganzakyo, kutse ĩsĩwĩmaya emiganzo yabo omo katĩkatĩ kʼabana ba Ĩsraelĩ;

⁵⁰ nĩkwa ũhĩre Abalawĩ oko Hema yʼerĩtũlago, nʼoko bindu byayo byosĩ, nʼoko byosĩ ebiriko; basyaheka eHema, nʼebindu byosĩ bya muyo; kandi basyakolerayo, kandi basyalalirira ĩbanatĩmbĩre oko Hema.

⁵¹ Nʼomugulu eHema ikahongoka, Abalawĩ bakasyahandulayo; kandi omugulu ikaswahandawa, Abalawĩ basyahandayo; nʼowʼehandi amasegera hakũhĩ nayo asyĩtwa.

⁵² Nʼabana ba Ĩsraelĩ basyahanda amahema wabo, obuli mundu omo kilaliriro kiwe, nʼobuli mundu oko bendera yiwe, ngʼemilondo yabo yʼamalwa kwʼiri.

⁵³ Nĩkwa Abalawĩ basyahanda amahema wabo erĩtĩmba oko Hema yʼerĩtũlago, Sihabye erihitana busana nʼendeko yʼabana ba Ĩsraelĩ. NʼAbalawĩ basyateya obũteya bwʼeHema yʼerĩtũlago.

⁵⁴ Abana ba Ĩsraelĩ mobakola batya ngʼebyosĩ Omwami Mukulu ahana Musa, ko bakola batya.