AbanyaKolosai 4 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Abakama, mukole oko bakobe benyũ ebitunganene nʼebĩhĩkene, ĩmũnasĩ nenyũ ko muwite Omukama elubula.

Erihana Bosĩ

² Mũyĩhĩre okwʼisaba, nʼerĩteya mulyo, imunemuha ewasĩngya oko Mukama.

³ Mubye mukatusabira nibya, muti, Nyamuhanga atũlĩbũlĩre enzira yʼEngulu Yowene, itwatoka erĩtũla erĩkũmbo lya Kristo. Kusangwa nage nyĩbohĩre busana nʼomwatsi oyũ.

⁴ Musabe inatoka erĩtũlago ndeke ngoko litolere nʼerĩowĩsyago.

⁵ Mulendere nʼamenge oko bandu abatĩkĩrĩrye, imukasonda esaa yʼeriimira Kristo.

⁶ Erĩkanĩa lyenyũ libye omo lukogo kandi ribye ryowene, imwatoka erĩsũbĩrya ndeke obuli mundu.

Erĩkerya abandi

⁷ Mũlĩkyetu mwanze ye Tĩkĩko, asyabatũlĩra emyatsi yage yosĩ. Iye ni, mugombe uteregula, oyukakola haguma netu omo mũbĩrĩ wʼOmukama.

⁸ Kikaleka inamutuma ewenyũ iniatoka erĩbamĩnyĩsya emyatsi yetu, nʼerĩsĩkya emitima yenyũ.

⁹ Oyukagenda naye ni Onesĩmo, mũlĩkyetu mwanze oyuteregula. Naye ni mundu wʼewenyũ. Basyabatũlĩra emyatsi yosĩ yetu yʼenoka.

¹⁰ Arĩstarĩko, oyũbohĩre haguma nage, akabakeraya. Na Marĩko, nyĩnyaĩlume wa Barnaba. Mwabiritegekwa busana naye, tuti, Amahĩka, ĩmwamũkokya.

¹¹ Na Yosũa, oyukahulawa mo Yũsto, akabakeraya. Ba nʼAbayũda basatu aba abakakola haguma nage omo Bwami bwa Nyamuhanga, kandi babĩrĩnyĩwatĩkya kutsibu.

¹² Epafra, wʼewenyũ, akabakeraya, lye omugombe wa Kristo Yesu. Akayitsinga eribasabira emigulu yosĩ, iniakasaba busana nenyũ ati muhangane, ĩmũhĩkene, ĩmwabĩrĩrĩga kwenene erisonda lyosĩ lya Nyamuhanga.

¹³ Ngababwira ndeke ngoko akakola kutsibu busana nenyũ, na busana nʼabandi abʼeLaodĩkĩa nʼabandu bʼeHĩerapolĩ.

¹⁴ Lũka, omunganga mwanze, na Dema bakabakeraya.

¹⁵ Mũkeraye busana netu abalĩkyetu abali eLaodokĩa, na Nĩmfa nibya, nʼekanĩsa eyĩkahĩndana omo nyũmba yiwe.

¹⁶ Mwamabisoma ebarua eyĩ omo katĩkatĩ kenyũ, isomawe omo kanĩsa eyiri eLaodĩkĩa. Nʼebarua ĩkalũa eLaodĩkĩa isomawe omo katĩkatĩ kenyũ.

¹⁷ Kandi mubwire Arkĩpo muti Ũlebaye eribuga ndeke omũbĩrĩ ogo ahabawa nʼOmukama.

¹⁸ Ĩngye Paũlo, ngasaka erĩkerya erĩ omo byala byage. Mwibuke emĩrĩkĩ yage! Olukogo lwa Nyamuhanga lubye nenyũ.