1 AbanyaKorinto 8 - AMASAKO ABOYTRTRE WA NYAMUHANGA AWAKAHULAWA MO BIBLIA

Omwatsi wʼakalyo akakaherawa oko syosanamu

¹ Neryo busana nʼomwatsi wʼebyalya ebikaherawa oko sanamu. Tũnasĩ ĩtwe bosĩ tuti tuwite eriminya, nĩkwa eriminya likaleta eriyiheka, nĩkwa olwanzo kĩkahĩmba.

² Omundu amaganĩrya ati anasĩ ndeke, isialitaminya nga litolere akaminya.

³ Nĩkwa omundu oyo wanzĩre Nyamuhanga, Nyamuhanga abirimuminya ndeke.

⁴ Neryo busana nʼomwatsi wʼakalyo akakahererawa oko syosanamu, tũnasĩ ngoko esanamu si kindu muna-kihugo, kandi tũnasĩ ko hali Nyamuhanga muguma musa.

⁵ Nomo hangabya esikahulawa mo nyamuhanga omo lubula kutse omo kihugo, kandi ngoko abandu bawite esyonyamuhanga nyingi, nʼabakama bangi,

⁶ nĩkwa busana netu hali Nyamuhanga muguma, ye Tata. Kandi emyatsi yosĩ, ĩkalũa ukwʼiye, netu tuliho busana naye. Kandi hali Omukama muguma ye Yesu Kristo, oyo wahangika emyatsi yosĩ, kandi akaleka itwabyaho.

⁷ Kandi abandu bosĩ sibaliminya ebĩ. Abandi ababiribegera esyosanamu omugulu bakalya akalyo akabirihererwa oko sanamu bakalyako ngʼobuhere bwʼesyosanamu. Nʼobunya-mutima bwabo bolo bukatsanda.

⁸ Nĩkwa akalyo sikalituleta hakũhĩ na Nyamuhanga. Sĩtwendĩherya twamatendiryako, kandi sitwendibana endũndĩ twamalyako.

⁹ Nĩkwa mũyĩtegaye, simuleke ehamũlĩ yenyũ yʼerirya ebyosĩ, ĩkatwĩkalya abandu bolo-bolo omwʼĩkĩrĩrya lyabo.

¹⁰ Kusangwa omundu oyuwite Obunya-mutima bolo-bolo amakulolako uwe mundu wʼeriminya ndeke inukalira omo hekalũ yʼesyosanamu; iye siendisyasonda erirya ebyalya ebikaherawa oko sanamu kwehĩ?

¹¹ Neryo omundu mũlĩkyenyũ molo-molo, oyo Kristo aholera, asyahera busana nʼeriminya lyawe.

¹² Neryo mukakola Kristo yo nabi, kundi mukakola balĩkyenyũ bo nabi, nʼerĩhũtalya Obunya-mutima bolo-bolo bwabo.

¹³ Neryo ebyalya byamaleka mũlĩkyetu akakola ebibi, sindiendisyaswalya esĩswĩ na kera, ngasyakolesya mũlĩkyetu yʼebibi.