Псалтыр 69 - Коми Библия 2023

69 Псалом

¹ Сьылысьясӧн веськӧдлысьлы. Давидлӧн псалом. Сьылӧны казьтылан вись вайигӧн.

² Енмӧй, мезды менӧ, Господьӧй, тэрмась отсавны меным!

³ Мед яналасны да лоӧны серамтуйынӧсь менсьым олӧмӧс корсьысьяс. Мед бӧр бергӧдчасны да лоӧны серамтуйынӧсь меным лёксӧ кӧсйысьяс.

⁴ Мед яналасны да бӧр пышъясны найӧ, кодъяс шуалӧны, тадзи пӧ тэныд и колӧ.

⁵ Господьӧй, Тэнӧ корсьысьяс мед долыда нимкодясясны, Тэсянь воӧм мездӧмсӧ радейтысьяс мед дугдывтӧг шуаласны: «Енмыс ыджыд!»

⁶ Ме гӧль да коньӧр морт. Енмӧй, тэрмась локны ме дінӧ! Тэ меным отсӧг сетысьыс да менӧ Мездысьыс. Господьӧй, эн ньӧжмась! Ошкӧм.