Псалтыр 141 - Коми Библия 2023

141 Псалом

1 Давидлӧн сьыланкыв. Изкыртаын дзебсясигас кевмысьӧм.

¹ Давидлӧн сьыланкыв. Изкыртаын дзебсясигас кевмысьӧм. Ме гораа шыася Господь дінӧ, гораа кевмыся Господьлы.

² Ме восьта Сылы ассьым сьӧлӧмӧс, висьтала Сылы ассьым шогӧс.

³ Ме ловнам дзикӧдз усьӧма, но Тэ аддзан менсьым олан туйӧс. Ветлан туй вылӧ меным пуктӧма нальк.

⁴ Видзӧд, некод оз кӧсйы тӧдны менӧ, меным некытчӧ пышйыны, ме вӧсна некод оз тӧждысь.

⁵ Ме шыася Господь дінӧ, шуа, мый Тэ – менам сайӧдчаніныс, менам пайыс ловъяяслӧн му вылын.

⁶ Господьӧй, кыв менсьым бӧрдӧмӧс, ме дзикӧдз жуялӧма! Мезды менӧ дзескӧдысьясысь, ӧд найӧ меысь вынаджыкӧсь.

⁷ Петкӧд менсьым лолӧс пемыдінысь, медым ме верми ошкыны Тэнсьыд нимтӧ. Кор Тэ петкӧдлан ме дінӧ Ассьыд бурлунтӧ, сэки ме гӧгӧр чукӧртчасны веськыда олысьяс.