Псалтыр 137 - Коми Библия 2023

137 Псалом

1 Давидлӧн псалом.

¹ Давидлӧн псалом. Господьӧй, ме ошка Тэнӧ став сьӧлӧмсянь, сьылӧмӧн ошка Тэнӧ енэжвывса олысьяс водзын. [Тэ кылін став менсьым кывйӧс.]

² Ме копыртча Тэнад вежа крамлань да ошка Тэнсьыд нимтӧ Тэнад буралӧмысь да збыльысь. Ассьыд нимтӧ да кывтӧ Тэ кыпӧдін ставсьыс вылӧ.

³ Сійӧ лунӧ, кор ме шыаси Тэ дінӧ, Тэ вочавидзин меным, сетін меным повтӧмлун да ёнмӧдін менсьым лолӧс.

⁴ Господьӧй, мед ошкасны Тэнӧ мувывса ӧксыяс, кор кыласны Тэнсьыд кывъястӧ.

⁵ Найӧ мед сьыласны Господьлӧн туйяс йылысь, ӧд Господьлӧн дзирдлуныс ыджыд.

⁶ Господь олӧ выліын, но рам сьӧлӧмаӧс Сійӧ аддзӧ и вылӧ кыпӧдчысьӧс ылісянь тӧдӧ.

⁷ Кор ме пикӧ воа, Тэ ловзьӧдан менӧ, Тэ нюжӧдан китӧ да доръян менӧ мустӧмтысьяслӧн скӧрлунысь, веськыд кинад Тэ мездан менӧ.

⁸ Господь мынтысяс ме пыдди. Господьӧй, Тэнад буралӧмыд оз помасьлы. Аслад киӧн вӧчӧмтортӧ эн эновт!