Псалтыр 126 - Коми Библия 2023

126 Псалом

1 Крамӧ мунігӧн сьылӧм. Соломонлӧн сьыланкыв.

¹ Крамӧ мунігӧн сьылӧм. Соломонлӧн сьыланкыв. Господь кӧ оз лэпты керкатӧ, весьшӧрӧ мырсьӧны керка лэптысьяс. Господь кӧ оз видз картӧ, весьшӧрӧ войсӧ узьтӧг олӧны карсӧ видзысьяс.

² Ті весьшӧрӧ водз чеччанныд да сёрӧн воданныд, весьшӧрӧ мырсянныд нянь вӧсна, ӧд Аслас мусаяслы Господь сетӧ чӧскыд ун.

³ Челядьыд – Господьсянь, кагаыд – Сысянь козин.

⁴ Том пияныд – вына морт киын ньӧвъяс кодьӧсь.

⁵ Шуда сійӧ мортыс, коді татшӧм ньӧвъяснас тыртӧ вӧралан нопсӧ. Сылы оз ло яндзим, кор мустӧмтысь кутас мыжавны сійӧс карса дзиръя дорын.