Осий 3 - Коми Библия 2023

Господь радейтӧ эскытӧм Израильӧс

¹ Господь шуис меным: «Мун да бара радейт гӧтыртӧ, коді мусукыскӧд пежалӧ гозъякост олӧмнытӧ. Радейт, кыдзи Ме, Господь, радейта Израиль войтырӧс, коді кежис мукӧд енъяс дінӧ и окотапырысь сёйӧ идолъяслы вайӧм изюм».

² Ме ньӧби ассьым гӧтырӧс, сеті сыысь дас вит эзысь сьӧм, нӧшта ӧти да джын хомер мында ид.

³ Ме шуи сылы: «Ов ме ордын дыр кад чӧж. Эн кырсав, мукӧдъяс дінӧ эн ветлы – и ме лоа тэнад».

⁴ Израиль войтыр дыр кад чӧж кутас овны ӧксытӧг да юралысьтӧг. Висьяс, юрбитан изъяс, ефод да гортса бӧлбанъяс оз лоны налӧн.

⁵ Но сэсся Израиль войтыр бӧр бергӧдчас да корсяс ассьыс Господь Енсӧ да Давид ӧксысӧ. Бӧръя лунъясӧ найӧ пондасны полӧмӧн пыдди пуктыны Господьӧс да Сылысь бурлунсӧ.