Олӧм 36 - Коми Библия 2023

Исавсянь чужысьяс

¹ Исавлӧн рӧд йылысь. Исавлӧн мӧд нимыс – Эдом.

² Сійӧ босьтіс гӧтырӧ ханаанса нывъясысь Адаӧс да Охоливамаӧс. Ада вӧлі хеттей Элонлӧн нылыс, а Охоливама – хивей Цивеонлӧн Ан пилӧн нылыс.

³ Исав нӧшта босьтіс гӧтырӧ Измаиллысь Васемата нывсӧ, Невайотлысь чойсӧ.

⁴ Исавлы Ада чужтіс Элифазӧс, Васемата чужтіс Регуэлӧс.

⁵ Охоливама чужтіс Еушӧс, Яламӧс да Корейӧс. Тайӧ Исавлӧн пияныс, кодъяс чужисны Ханаан муын.

⁶ Исав босьтіс гӧтыръяссӧ, ныв-писӧ, гортсьыс став йӧзсӧ, став ыж-мӧссӧ, став овмӧссӧ, мый нажӧвитіс Ханаан муын, да мӧдӧдчис Яков вок дінсьыс мӧд муӧ.

⁷ Вокъяслӧн овмӧсныс вӧлі зэв ыджыд, та вӧсна ӧтлаын овны лои дзескыд. Ыж-мӧсныс эз нин тӧрны налӧн оланінас.

⁸ Исав, мӧд ногӧн кӧ, Эдом, овмӧдчис Сеир керӧсвыв муӧ.

⁹ Исав – Сеир керӧсвыв муын олысь эдом войтырлӧн бать.

¹⁰ Исав пиянлӧн нимъясыс: Элифаз – Исавлӧн Ада гӧтырлӧн пиыс, Регуэл – Исавлӧн Васемата гӧтырлӧн пиыс.

¹¹ Элифазлӧн пияныс: Теман, Омар, Цефо, Гатам да Кеназ.

¹² Элифазлӧн Тимна нима кесйӧг-гӧтырыс чужтіс сылы Амаликӧс. Тайӧ вӧліны Исавлӧн Ада гӧтырсянь чужысьяс.

¹³ Регуэллӧн вӧліны Нахат, Зерах, Шаммей да Миззай пиян. Тайӧ вӧліны Исавлӧн Васемата гӧтырсянь чужысьяс.

¹⁴ Исавлӧн Охоливама гӧтырыс, Цивеон Анлӧн нылыс, чужтіс сылы Еуш, Ялам да Корей пиянӧс.

^15-16 Исавсянь чужысьяс йылысь. Исавлӧн медводдза пиыс вӧлі Элифаз. Элифазсянь Эдом муын чужисны Теманлӧн, Омарлӧн, Цефолӧн, Кеназлӧн, Корейлӧн, Гатамлӧн да Амаликлӧн чужанкотыръяс. Тайӧ вӧліны Исавлӧн Ада гӧтырсянь чужысьяс.

¹⁷ Исавлӧн Регуэл писянь Эдом муын чужисны Нахатлӧн, Зерахлӧн, Шаммейлӧн да Миззайлӧн чужанкотыръяс. Тайӧ вӧліны Исавлӧн Васемата гӧтырсянь чужысьяс.

¹⁸ Исавлӧн Охоливама гӧтырсянь, Ан нывсянь, чужисны Еушлӧн, Яламлӧн да Корейлӧн чужанкотыръяс.

¹⁹ Тайӧ Исавлӧн, мӧд ногӧн кӧ, Эдомлӧн, пияныс да эдомса чужанкотыръяслӧн юралысьяс.

Сеирсянь чужысьяс

²⁰ Со, хори войтырысь Сеирлӧн пияныс, кодъяс олісны Эдом муын: Лотан, Шовал, Цивеон, Ан,

²¹ Дишон, Эцер да Дишан. Тайӧ хори чужанкотыръяслӧн юралысьяс, Сеирсянь чужысьяс.

²² Лотанлӧн вӧліны Хори да Геман пиян. Лотанлӧн вӧлі Тимна нима чой.

²³ Шоваллӧн вӧліны Алван, Манахат, Эвал, Шефо да Онам пиян.

²⁴ Цивеонлӧн вӧліны Аей да Ан пиян. Буретш тайӧ Аныс аслас Цивеон батьыслысь осёлъяссӧ видзигӧн овтӧминысь аддзис пӧсь ва петанінъяс.

²⁵ Анлӧн вӧлі Дишон пи да Охоливама ныв.

²⁶ Дишонлӧн вӧліны Хемдан, Эшбан, Итран да Керан пиян.

²⁷ Эцерлӧн вӧліны Билган, Заван [да Укам] да Акан пиян.

²⁸ Дишанлӧн вӧліны Уц да Аран пиян.

^29-30 Сеир муын хори чужанкотыръяслӧн юралысьяс: Лотан, Шовал, Цивеон, Ан, Дишон, Эцер да Дишан.

Эдомса ӧксыяс

³¹ Израиль войтырлӧн ӧксыясӧдз Эдом муын вӧліны нин ӧксыяс.

³² Медводдза ӧксыӧн Эдом муын вӧлі Веорлӧн Белай пиыс, коді юраліс Дингава карын.

³³ Сэсся Белай кулӧм бӧрын кутіс ӧксыавны Восораысь Зерахлӧн Иовав пиыс.

³⁴ Иовав кулӧм бӧрын пуксис ӧксыавны Теман муысь Хушам.

³⁵ Хушам кулӧм бӧрын пуксис ӧксыавны Бедадлӧн Хадад пиыс, коді Моав ласта вылын вермис мадиансаясӧс. Сійӧ юраліс Авит карын.

³⁶ Хадад кулӧм бӧрын пуксис ӧксыавны Масрекаысь Самла.

³⁷ Самла кулӧм бӧрын пуксис ӧксыавны юбердса Реховотысь Саул.

³⁸ Саул кулӧм бӧрын пуксис ӧксыавны Акборлӧн Баал-Ханан пиыс.

³⁹ Баал-Ханан кулӧм бӧрын пуксис ӧксыавны Хадад [Варадлӧн пиыс]. Сійӧ ӧксыаліс Пау карын. Сылӧн гӧтырыс вӧлі Матредлӧн Мегетавель нылыс, а Матред вӧлі Мезагавлӧн нылыс.

⁴⁰ Чужанкотыр да оланін серти Исавсянь чужысьяслӧн нимъясыс: Тимней, Алвей, Етет,

⁴¹ Охоливам, Элай, Пинон,

⁴² Кеназ, Теман, Мивсар,

⁴³ Магдиэл да Ирам. Тайӧ эдомса чужанкотыръяслӧн юралысьяс оланін сертиныс. Исав вӧлі эдом войтырлӧн бать.