Ездра 10 - Коми Библия 2023

Мукӧд войтырысь гӧтыръясӧс бӧр ыстӧм

¹ Кор Енлӧн крам водзын Ездра бӧрдӧмӧн да муас уськӧдчӧмӧн кевмысис да висьтасис войтырыслӧн мыжъясысь, сы дінӧ чукӧртчис Израиль войтырысь зэв уна йӧз – айулов, аньяс и челядь. Ставныс найӧ тшӧтш ёна бӧрдісны.

² Элам рӧдысь Ехиэллӧн Шеканий пиыс шыасис Ездра дінӧ: «Ми эновтім ассьыным Енмӧс, кор босьтім гӧтыръяснымӧс мукӧд войтырысь. Но Израиль войтырлӧн эм на лачаыс.

³ Ми кӧрталам йитӧд асланым Енкӧд да кӧсйысям ыстыны ас дінысь гӧтыръяснымӧс ныв-пиныскӧд. Вӧчам тайӧс, ыджыдӧй, тэнсьыд кывзысьӧмӧн да миян Енлысь тшӧктӧмъяссӧ пыдди пуктысьяслысь кывзысьӧмӧн. Мед ставыс лоӧ Индӧд серти.

⁴ Чеччы, тэныд колӧ тайӧс вӧчны. Ми тэкӧд. Вӧч повтӧг».

⁵ Ездра чеччис да тшӧктіс попъяслӧн, левитъяслӧн да став Израиль войтырлӧн веськӧдлысьяслы кыв сетны, мый найӧ вӧчасны шуӧм сертиныс. Найӧ кыв сетісны.

⁶ Сэсся Ездра муніс Енлӧн крам водзысь Эльяшив Иохананлӧн вежӧсӧ. Сэні сійӧ эз сёй и эз ю, а бӧрдіс Вавилонысь локтӧмаяслӧн мыж вӧчӧмысь.

⁷ Став Иуда да Ерусалим пасьталаысь корисны чукӧртчыны Ерусалимӧ Вавилонысь локтӧмаясӧс.

⁸ А коді куим лун чӧжӧн оз лок, сійӧс веськӧдлысьяслӧн да юрнуӧдысьяслӧн шуӧм серти киритасны локтӧмаяслӧн котырысь да сылысь овмӧс-эмбурсӧ сиасны Господьлы.

⁹ Куим лунӧн Иуда да Венямин чужанкотырысь став айуловыс чукӧртчис Ерусалимӧ. Тайӧ вӧлі ӧкмысӧд тӧлысьлӧн кызьӧд лунӧ. Йӧзыс полӧмнысла тіралӧмӧн пукалісны зэр улын Енлӧн крам водзын изэрд вылын.

¹⁰ Ездра поп сувтіс да шуис налы: «Ті босьтінныд аслыныд гӧтыръястӧ мукӧд войтырысь, тайӧн ті мыж вӧчинныд, содтінныд Израильлы мыжсӧ.

¹¹ Ӧні висьтасьӧй асланыд мыж вӧчӧмысь Господь водзын, батьясныдлӧн Ен водзын. Сылӧн кӧсйӧм серти торйӧдчӧй мукӧд войтыръясысь да налӧн аньясысь».

¹² Став чукӧртчӧм йӧзыс гораа шуисны: «Вӧчам, кыдзи тэ шуан.

¹³ Но ми тані зэв унаӧнӧсь, да и зэран кад ӧні, та вӧсна огӧ вермӧй сулавны ывлаас. Тайӧс он вермы туявны ӧти-кык лунӧн, ӧд миян пӧвстын унаӧн мыжмисны тайӧ пежсьыс.

¹⁴ Веськӧдлысьясным мед сувтасны миян пыдди. А миян каръясын олысьяс, кодъяс босьтісны гӧтыръяссӧ мукӧд войтырысь, мед локтасны урчитӧм кадӧ асланыс карса юрнуӧдысьяскӧд да ёрдысьяскӧд. Гашкӧ, татшӧм ногӧн Енмыс вештас миян вылысь мыжным вӧсна ыпъялысь скӧрлунсӧ».

¹⁵ Сӧмын Асаиллӧн Ионафан пиыс да Тиквайлӧн Яхзей пиыс паныд сувтісны талы, на дор вӧліны тшӧтш Мешуллам да Шаббетай левит.

¹⁶ Пленысь локтӧмаяс вӧчисны, кыдзи вӧлі вӧзйӧма. Тайӧ уджсӧ вӧчны Ездра поп пуктіс быд рӧдысь рӧдкутысьӧс, быдӧнӧс индіс нимнас. Дасӧд тӧлысьлӧн медводдза лунӧ найӧ чукӧртчисны, мед тӧдмавны,

¹⁷ кодъяс босьтӧмаӧсь гӧтыръяссӧ мукӧд войтырысь. Медводдза тӧлысьлӧн медводдза лунӧ тӧдмалӧм-туялӧмсӧ вӧлі эштӧдӧма.

¹⁸ Мукӧд войтырысь гӧтыръясӧс вӧлі босьтӧмаӧсь тшӧтш тайӧ попъясыс: Иоседек Исуслӧн да сылӧн вокъяс рӧдысь Маасей, Элизер, Ярив да Гедалий.

¹⁹ Найӧ кыв сетісны, мый бӧр ыстасны гӧтыръяснысӧ да быдӧн аслас мыж вӧсна ваяс вись пыдди межӧс.

²⁰ Мукӧд войтырысь гӧтыръяссӧ вӧлі босьтӧмаӧсь нӧшта Иммер рӧдысь Ханани да Зевадай попъяс,

²¹ Харим рӧдысь Маасей, Илля, Шемай, Ехиэл да Озей попъяс,

²² Пашхур рӧдысь Элионай, Маасей, Измаил, Нафанаил, Иозавад да Элас попъяс,

²³ Иозавад, Шимей, Келай-Келит, Петахий, Иуда да Элизер левитъяс,

²⁴ Эльяшив сьылысь, Шаллум, Телем да Ури – дзиръя видзысьяс.

²⁵ Мукӧд войтырысь гӧтыръяссӧ вӧлі босьтӧмаӧсь тшӧтш тайӧ израильсаяс: Парош рӧдысь Рамай, Иззай, Малкий, Миямин, Элазар, Малкий да Бенай,

²⁶ Элам рӧдысь Маттанай, Закар, Ехиэл, Авди, Еремот да Илля,

²⁷ Затту рӧдысь Элионай, Эльяшив, Маттанай, Еремот, Завад да Азиз,

²⁸ Бебай рӧдысь Иоханан, Хананей, Заббай да Атлай,

²⁹ Бани рӧдысь Мешуллам, Маллук, Адай, Яшув, Шеал да Еремот,

³⁰ Пахат-Моав рӧдысь Аднай, Келал, Бенай, Маасей, Маттанай, Безалел, Биннуй да Манассей,

³¹ Харим рӧдысь Элизер, Ишший, Малкий, Шемай, Симеон,

³² Венямин, Маллук да Шемарай,

³³ Хашум рӧдысь Маттенай, Маттат, Завад, Элипелет, Еремай, Манассей да Шимей,

³⁴ Бани рӧдысь Мадай, Амрам, Уэл,

³⁵ Бенай, Бедей, Келух,

³⁶ Ваней, Меремот, Эльяшив,

³⁷ Маттанай, Маттенай, Ясай,

³⁸ Бани, Биннуй, Шимей,

³⁹ Шелемей, Нафан, Адай,

⁴⁰ Макнадбай, Шашай, Шарай,

⁴¹ Азарэл, Шелемей, Шемарай,

⁴² Шаллум, Амарей да Ӧсип,

⁴³ Нево рӧдысь Евэл, Маттитай, Завад, Зевин, Яддай, Йоиль да Бенай.

⁴⁴ Ставныс найӧ вӧлі босьтӧмаӧсь гӧтыръяснысӧ мукӧд войтырысь, и гӧтыръясныс вӧлі чужтӧмаӧсь налы челядьӧс.