1 Каднебӧг 3 - Коми Библия 2023

Давидсянь чужысьяс

¹ Хевронын Давидлӧн чужисны пиян. Медводдза писӧ, Амнонӧс, чужтіс Изреельысь Ахиноама. Мӧд писӧ, Даниилӧс, чужтіс Кармилысь Авигея.

² Коймӧдсӧ, Авессаломӧс, чужтіс Маака, гешурса Талмай ӧксылӧн нылыс. Нёльӧдсӧ, Адонийӧс, чужтіс Агита;

³ витӧдсӧ, Шефатайӧс, чужтіс Авитала. Квайтӧд писӧ, Итрамӧс, чужтіс Давидлӧн Эгла нима гӧтырыс.

⁴ Тайӧ квайтнан пиыс Давидлӧн чужисны Хевронын. Хевронын Давид ӧксыаліс сизим во да квайт тӧлысь, а Ерусалимын сійӧ ӧксыаліс комын куим во.

⁵ Ерусалимын сылӧн чужисны Шимей, Шовав, Нафан да Соломон. Тайӧ нёльнан писӧ чужтіс Вирсавия, Аммиэллӧн нылыс.

⁶ Нӧшта Ерусалимын чужисны Ивхар, Элишам, Элипелет,

⁷ Ногах, Нефег, Яфий,

⁸ Элишам, Элиад да Элипелет – ӧкмыс пи.

⁹ Ставныс найӧ – Давидлӧн пиян. Налӧн нӧшта вӧлі Фамар нима чой. Давидлӧн тшӧтш вӧліны сылӧн кесйӧг-гӧтыръясӧн чужтӧм пиян.

¹⁰ Соломонлӧн вӧлі Ровоам нима пи, Ровоамлӧн – Авий, Авийлӧн – Аса, Асалӧн – Иосафат,

¹¹ Иосафатлӧн – Иорам, Иорамлӧн – Ахазий, Ахазийлӧн – Йоас,

¹² Йоаслӧн – Амасей, Амасейлӧн – Азарий, Азарийлӧн – Иотам,

¹³ Иотамлӧн – Ахаз, Ахазлӧн – Езекей, Езекейлӧн – Манассей,

¹⁴ Манассейлӧн – Амон, Амонлӧн – Иосей.

¹⁵ Иосейлӧн медводдза пиыс вӧлі Иоханан, мӧдыс – Ехояким, коймӧдыс – Седекей, нёльӧдыс – Шаллум.

¹⁶ Ехоякимлӧн вӧліны Еконей да Седекей пиян.

¹⁷ Еконейлӧн вӧліны Асир, Шеалтиэл,

¹⁸ Малкирам, Педай, Шенацар, Екамий, Гошам да Недавий пиян.

¹⁹ Педайлӧн вӧліны Зоровавель да Шимей пиян. Зоровавельлӧн вӧліны Мешуллам да Хананей пиян, налӧн вӧлі Шеломит нима чой.

²⁰ Нӧшта Зоровавельлӧн вӧлі вит пи: Хашув, Охел, Берек, Хасадий да Юшав-Хесед.

²¹ Хананейлӧн вӧліны Пелатий да Исай пиян. Исайлӧн вӧлі Рефай пи, Рефайлӧн – Арнан, Арнанлӧн – Авдий, Авдийлӧн – Шеканий.

²² Шеканийлӧн вӧлі Шемай нима пи. Шемайлӧн вӧліны Хаттуш, Игал, Бариах, Неарий да Шафат нима пиян. Но ставнас Шемайлӧн вӧлі квайт пи.

²³ Неарийлӧн вӧлі куим пи: Элионай, Езекей да Азрикам.

²⁴ Элионайлӧн вӧлі сизим пи: Ходавий, Эльяшив, Пелай, Аккув, Иоханан, Делай да Анани.