1 Каднебӧг 25 - Коми Библия 2023

Сьылысь-ворсысьяс

¹ Давид да тышкайӧзӧн веськӧдлысьяс торйӧдісны кесъялӧм вылӧ Асафлысь, Еманлысь да Едутунлысь пиянсӧ, медым найӧ Енмӧс ошкӧмӧн ворсісны гуслиӧн, арфаӧн да кимвалӧн. Кесъявны индӧм йӧзлӧн нимъясныс татшӧмӧсь:

² Асафлӧн пиянысь вӧліны Заккур, Ӧсип, Нетаний да Асарел. Наӧн веськӧдліс ачыс Асаф. Сійӧ ошкис Енмӧс ӧксылӧн туйдӧдӧм серти.

³ Едутунлӧн пиянысь вӧліны Гедалий, Цери, Исай, Шимей, Хашавий да Маттитай. Ставнас – квайт морт. Наӧн веськӧдліс налӧн Едутун батьыс, коді ворсіс гуслиӧн да ошкис-аттьӧаліс Господьӧс.

⁴ Еманлӧн пиянысь вӧліны Буккий, Маттанай, Узиэл, Шевуэл, Еримот, Хананей, Ханани, Элиат, Гиддалти, Ромамти-Эзер, Иошбекаш, Маллоти, Хотир да Махазиот.

⁵ Ставныс найӧ – Еманлӧн пиян. Еман вӧлі ӧксылӧн тӧдысь-аддзысь. Енмыс кӧсйис кыпӧдны Еманӧс, и сетіс сылы дас нёль пиӧс да куим нылӧс.

⁶ Пияннас веськӧдліс налӧн батьныс. Господьлӧн крамын кесъялӧм дырйи найӧ сьылісны-ворсісны кимвалӧн, арфаӧн да гуслиӧн ӧксылӧн тшӧктӧм серти. Найӧ сьылісны-ворсісны Асафлӧн, Едутунлӧн да Еманлӧн веськӧдлӧм улын.

⁷ Налӧн да налӧн вокъяслӧн лыдыс вӧлі кыксё кӧкъямысдас кӧкъямыс морт. Найӧс вӧлі велӧдӧма сьывны Господьлы, найӧ вӧліны сьывны кужысь йӧз.

⁸ Найӧ пудъясисны, кодлы кор кесъявны. Ыджыдджыкъяс и томджыкъяс, велӧдысьяс и велӧдчысьяс пудъясисны ӧтмоза.

⁹ Медводз мойвиис кесъявны Асаф рӧдысь Ӧсиплы. Мӧдӧн вӧлі Гедалий вокъясыскӧд да пияныскӧд, дас кык морт,

¹⁰ коймӧдӧн вӧлі Заккур пияныскӧд да вокъясыскӧд, дас кык морт,

¹¹ нёльӧдӧн вӧлі Ицри пияныскӧд да вокъясыскӧд, дас кык морт,

¹² витӧдӧн вӧлі Нетаний пияныскӧд да вокъясыскӧд, дас кык морт,

¹³ квайтӧдӧн вӧлі Буккий пияныскӧд да вокъясыскӧд, дас кык морт,

¹⁴ сизимӧдӧн вӧлі Есарел пияныскӧд да вокъясыскӧд, дас кык морт,

¹⁵ кӧкъямысӧдӧн вӧлі Исай пияныскӧд да вокъясыскӧд, дас кык морт,

¹⁶ ӧкмысӧдӧн вӧлі Маттанай пияныскӧд да вокъясыскӧд, дас кык морт,

¹⁷ дасӧдӧн вӧлі Шимей пияныскӧд да вокъясыскӧд, дас кык морт,

¹⁸ дас ӧтикӧдӧн вӧлі Азарэл пияныскӧд да вокъясыскӧд, дас кык морт,

¹⁹ дас кыкӧдӧн вӧлі Хашавий пияныскӧд да вокъясыскӧд, дас кык морт,

²⁰ дас коймӧдӧн вӧлі Шуваэл пияныскӧд да вокъясыскӧд, дас кык морт,

²¹ дас нёльӧдӧн вӧлі Маттитай пияныскӧд да вокъясыскӧд, дас кык морт,

²² дас витӧдӧн вӧлі Еремот пияныскӧд да вокъясыскӧд, дас кык морт,

²³ дас квайтӧдӧн вӧлі Хананей пияныскӧд да вокъясыскӧд, дас кык морт,

²⁴ дас сизимӧдӧн вӧлі Иошбекаш пияныскӧд да вокъясыскӧд, дас кык морт,

²⁵ дас кӧкъямысӧдӧн вӧлі Ханани пияныскӧд да вокъясыскӧд, дас кык морт,

²⁶ дас ӧкмысӧдӧн вӧлі Маллоти пияныскӧд да вокъясыскӧд, дас кык морт,

²⁷ кызьӧдӧн вӧлі Элиат пияныскӧд да вокъясыскӧд, дас кык морт,

²⁸ кызь ӧтикӧдӧн вӧлі Хотир пияныскӧд да вокъясыскӧд, дас кык морт,

²⁹ кызь кыкӧдӧн вӧлі Гиддалти пияныскӧд да вокъясыскӧд, дас кык морт,

³⁰ кызь коймӧдӧн вӧлі Махазиот пияныскӧд да вокъясыскӧд, дас кык морт,

³¹ кызь нёльӧдӧн вӧлі Ромамти-Эзер пияныскӧд да вокъясыскӧд, дас кык морт.