TIENWOGIKAL 45 - Bukuit Ne Tilil

Tyendap katunisyet ne po kap laitoryat

¹ Ing'irtogei tuguuk che myach eng' muguleldanyu; amwaitoi eng' kaitosyegap tyendo agobo laitoryat; kergei ng'elyeptanyu ak kalametap siriindet ne ng'oom.

² Isiire weeriigap piik eng' korooronindo; kiroong'jin kuting'ung' myeeindo; eng' nooto anyun ki koberuurin Kamuktaindet koigeny.

³ Rat rotweng'ung' po chok, inyee ne kiim, kobooto konding'ung' ak etunateng'ung'.

⁴ Eng' etunateng'ung' iwendote eng' katerteerisyet, agobo imanit ak iriip imanda. Ak ineetin eung'ung' ne po tai poisyosyek che imuisei.

⁵ Ng'atiben kipchaboniguk; eng' mugulelwegap puunigap laitoryat; ak kobutyin piik keelyeguk.

⁶ Ee Kamuktaindet, tebyei koigeny ak koigeny ng'echereeng'ung' ne po laitornatet. Kirokto ne po pounateng'ung' ko kirokto ne po imanda.

⁷ Ichame imanda ak iweche tengekto. Eng' nooto anyun, ki koiilin Kamuktaindet, Kamuktaindeng'ung' eng' mwaita ne po poiboiyet kosiir siritoiguk.

⁸ Ng'uu ngoroiguk tugul nyamdutyet ne po tuguuk che uu igomoik, ak ahalot ak kasia; ki ibaibain eng' kibugandinigap inoik che mi kooriigap laitorinik che ki kilelesanjine kelegap peeleek.

⁹ Mi tiibiigap laitorinik kobooto kwonyiik che konyitotiin; tononi osotyotap laitoryat eng' eung'ung' ne po tai kolaachi tuguugap thahabu che punu Opir.

¹⁰ Kas, ee chebi, ak iruchi, ak iep iit; utye piiguk ak piigap kootap kwandang'ung',

¹¹ ak kocham anyun laitoryat karaaranindang'ung'. Amu ineendet ko kiptaiyandeng'ung'; igutung'ji anyun ineendet.

¹² Tuun cheeng'ei chamet piigap Tyro kotinyei konunoik; ak kosaisain mogoreek.

¹³ Tinyei cheptap laitoryat teegisto miising' eng' ko; ki kinapchi ngoroikyik thahabu.

¹⁴ Kimutyin laitoryat kolaachi ngoroik che ki kinde lelesta, kimutu pergeinik che choronokyik che isubu ineendet, kimutu kobwa oldang'ung'.

¹⁵ Kimutu eng' kagasetapkei ak poiboiyet, agoi koba kootap laitoryat oriit.

¹⁶ Ee laitoryat, isiche lagok che chaang' pounisyei icheek ne kata kwanisyeguk, iyae weeriiguk koek pounik eng' ng'wony komugul.

¹⁷ Ayae kaineng'ung' koek ne kibwaati eng' ibinwek tugul; ak kolasun pororyosyek koigeny ak koigeny eng' nooto.