TIENWOGIKAL 14 - Bukuit Ne Tilil

Abusnatetap chii ak yaityennyi

Po ne oo eng' putiik. Tyendap Kalasunet ne po Daudi.

¹ Ki komwa ne perber eng' muguleldanyi, kole, “Ma mi Kamuktaindet.” Kigong'emogis, ak koyai yautik che kiwechei; ma mi ne yaei ne myee.

² Keerei Kamuktaindet ne Toroor eng' kipsengwet weeriigap piik, kole kogeer ngo mi ne utaat, ne cheeng'ei Kamuktaindet.

³ Ki komasta tugul, ki kosamisitu tugul; ma mi ne yaei ne myee agot agenge.

⁴ Ma tinyei kaguiyet yaigap tengekto? Amei piikyuk ko uu ye amei amitwogik, ama kuurei Kamuktaindet ne Toroor.

⁵ Ki iyweis miising' eng' olooto, amu mi Kamuktaindet kobooto ibindap che po imanda.

⁶ Ki oteweer ng'aleegap kibananiat, ago Kamuktaindet ne Toroor ole mwechin ineendet.

⁷ Kita myee nda kiga pun yetunetap Israel Zion! Ye tuun iweechi `Kamuktaindet ne Toroor piikyik che ki kiluul, kogaskei anyun Jakobo ak koboiboitu Israel.