TIENWOGIKAL 100 - Bukuit Ne Tilil

Otyenji Kamuktaindet

¹ Otyenji Kamuktaindet ne Toroor eng' kutitap poiboiyet, okweek emotinwek tugul.

² Oboisyechi Kamuktaindet ne Toroor eng' kagasetapkei; obwa tainnyi otyenonu.

³ Onai ole Kamuktaindet ne Toroor ko Kamuktaindet. Ineendet ne kiyaech, ak ki chechiik; ki piikyik, ak ki keechiiregap akweennyi.

⁴ Oba kurgotikyik kobooto mwaetap kongoi, ak obe seremusyekyik olasunoti. Oweekyi kongoi ineendet, ak oberuur kainennyi.

⁵ Amu myee Kamuktaindet ne Toroor; tebyei rireenennyi koigeny, ak imandanyi eng' ibinwek tugul.