TAUNET 10 - Bukuit Ne Tilil

Piigap Ooreetap Noah

¹ Chu isubi ko piigap ooreetap weeriigap Noah: Shem, Ham ak Japhet. Ak ki sich icheek weeriik ye kingo pata maraneet.

² Weeriigap Japhet ko; Gomer, Magog, Madai, Javan, Tubal, Meshek ak Tiras.

³ Weeriigap Gomer ko; Ashkenas, Riphath ak Togarmah.

⁴ Weeriigap Javan ko; Elisha, Tarsis, Kitim ak Dodanik.

⁵ Ki kipchechi icheek emotinwek che neegitee nyanjosyek che po pororyosyek eng' emotinwekwak; chii age tugul eng' kutinnyi, ko uu ortinwekwak ak eng' pororyosyekwak.

⁶ Weeriigap Ham ko chu: Kush, Misiri, Put ak Kanaan.

⁷ Weeriigap Kush ko: Seba, Havilah, Sabtah, Raamah ak Sabteka. Weeriigap Raamah ko: Sheba ak Dedan.

⁸ Ki sich `Kush Nimrod, ne ineendet ko ki ek chiito ne nyigan eng' ng'wony.

⁹ Ki kiplogotyot ne nyigan eng' taitap Kamuktaindet ne Toroor. Ko uu nooto anyun kemwae keele, “Ko uu Nimrod, kiplogotyot ne nyigan eng' taitap Kamuktaindet ne Toroor.”

¹⁰ Taunetap laitornatennyi ko ki Babel, Erek, Akat, ak Kalne eng' emetap Shinar.

¹¹ Ki manda eng' emonooto kwo Assyria, si koteech Nineveh, ak nganaseetap Rehoboth-ir, Kala,

¹² ak Resen ne mi kwenutap Nineveh ak Kala ne nooto ko nganaseet ne oo.

¹³ Ki sich `Misiri Ludik, Anamik, Lehabik, Naptuik,

¹⁴ Patrusik, Kasluhik ak Kaptorik che icheeget kwanisyegap Philistiik.

¹⁵ Ki sich `Kanaan Sidon weeriinnyi ne po tai, ak Het,

¹⁶ ak Jebusik, Amorik, Girgasiik,

¹⁷ Hibiik, Arkiik, Siniik,

¹⁸ Aribadiik, Semariik ak Hamatiik. Kingo pata ko ki uot ooreetap kap Kanaan koyom emet.

¹⁹ Kiwotetap Kanaanik ko ki taunegei Sidon, ak kotokyigei Gerar agoi Gaza, ak kotokyigei Sodom ak Gomorah, Atma ak Seboim, agoi Lasa.

²⁰ Chuuto ko weeriigap Ham, ko uu ortinwekwak ak kutusweekwak eng' emotinwekwak, ak eng' pororyosyekwak.

²¹ Ki sich Shem agine lagok, ineendet ko ki kwandap lagok tugul che po Eber, ng'eetap kamet ne oo eng' Japhet.

²² Weeriigap Shem chu: Elam, Ashur, Arbaksat, Luk ak Aram.

²³ Weeriigap Aram ko: Us, Hul, Gether ak Mas.

²⁴ Ak ki sich `Arbaksat Shelah, ak kosich `Shelah Eber.

²⁵ Ki sich `Eber weeriik aeng', ne kainetap age ko ki Peleg amu ki kipchei ng'wony eng' peetuusyekyik, ak kainetap ng'eetap kamet ko ki Joktan.

²⁶ Ki sich `Joktan Almodad, Shaleph, Hatsarmaveth, Jerah,

²⁷ Hadoram, Usal, Diklah,

²⁸ Obal, Abimael, Sheba,

²⁹ Opir, Havilah ak Jobab. Chuuto tugul ko ki weeriigap Joktan.

³⁰ Ak ki iboch meng'ootennywa Mesha, kotokyingei Sepharah, tulweetap kong'asiis.

³¹ Chuuto anyun weeriigap Shem, ko uu ortinwekwak, kutusweekwak eng' emotinwekwak ak ko uu pororyosyekwak.

³² Chuuto ko ortinwegap weeriigap Noah, ko uu ibinwekwak ak ko uu pororyosyekwak. Ak eng' chuuto ko kipcheunegei pororyosyek tugul eng' ng'wony ye kingo kagobata maraneet.