NEEMIA 12 - Bukuit Ne Tilil

Tisiik ak Lawiik

¹ Chu anyun ko Tisiik ak Lawiik che kitogosta kobooto Zerubabel weeriitap Shealtiel ak Jeshua: Seraiah, Jeremiah, Ezrah,

² Amariah, Maluk, Hatus,

³ Shekaneiah, Reum, Meremot,

⁴ Ido, Ginetoi, Abijah,

⁵ Mijamin, Maadia, Bilga,

⁶ Semaiah, Joiarib, Jedaiah,

⁷ Salu, Amok, Hilkiah, Jedaiah. Chuuto ko ki che eecheen eng' tisiik ak che po tupchosyekwak eng' peetuusyegap Jeshua.

⁸ Lawiik ko ki: Jeshua, Binui, Kadmiel, Serebia, Judah, ak Mattaniah ne ki pou kagoitoetap kongoi, ineendet kobooto tupchosyekyik.

⁹ Kitokyindos ak icheeget eng' riipsosyekwak tupchosyekwak Bakbukia ak Uno.

Iyoteetap tisiindet ne oo Joshua

¹⁰ Ki sich `Jeshua Joiakim ak kosich Joiakim Eliasib, kosich Eliasib Joiada,

¹¹ kosich Joiada Jonathan, kosich Jonathan Jadua.

Kandoigap kooriigap Tisiik

¹² Eng' peetuusyegap Joiakim, ko ki kandoigap kooriigap tisiik chu: ne po Seraiah ko Meraia, ne po Jeremiah ko Hananiah,

¹³ ne po Ezrah ko Mesulam, ne po Amariah ko Jeohanan;

¹⁴ ne po Maluki ko Jonathan, ne po Zephaniah ko Joseph,

¹⁵ ne po Harim ko Adna, ne po Meraiot ko Helkai,

¹⁶ ne po Ido ko Zekariah, ne po Gineton ko Mesulam;

¹⁷ ne po Abijah ko Zikri, ne po Miniamin, ne po Moadia ko Piltai,

¹⁸ ne po Bilga ko Samua, ne po Semaiah ko Jeonatan,

¹⁹ ne po Joiarib ko Matenai, ne po Jedaiah ko Usi,

²⁰ ne po Salai ko Kalai, ne po Amok ko Eber,

²¹ ne po Hilkai ko Hasabia, ne po Jedaiah ko Nethanel.

²² Kandoigap Lawiik che ki kisir eng' peetuusyegap koek kandoigap kooriikwak ko, Eliasib, Joiada, Johanan ak Jadua. Ki kisir tisiik ak icheek eng' laitornatetap Darius Persianindet.

²³ Ki kisirchi bukuitap ateptap peetuusyek, weeriigap Lawiik, kandoigap kooriigap kwanisyek, agoi peetuusyegap Johanan weeriitap Eliasib.

²⁴ Ki che eecheen che po Lawiik ko ki Hasabia, Serebia ak Jeshua weeriitap Kadmiel kobooto tupchosyekwak che kitokyindos ak icheeget, si kolas ak komwaei kongoi, kowaljingei ko uu eng' ng'atuutyetap Daudi chiitap Kamuktaindet.

²⁵ Che ki riibiigap kurgotik ko: Mattaniah, Bakbukia, Obadiah, Mesulam, Talmon ak Akub. Chuuto che kiriipsei eng' chogenigap ormariichok.

²⁶ Ki mi chuuto eng' peetuusyegap Joiakim weeriitap Jeshua, weeriitap Josadak, eng' peetuusyegap Nehemiah pounindet ak eng' peetuusyegap Ezrah tisiindet ak ko siriindet.

Kotabaani Nehemiah irimeetap Jerusalem

²⁷ Eng' peetuut ne ki kitabaane irimeetap Jerusalem, ko ki kicheeng' Lawiik eng' komoswekwak tugul ak kimut kobwa Jerusalem si koyai katabaanisyet eng' poiboiyet, kobooto mwaetap kongoi, eng' tyendo ak eng' sanisyegap sugunonik che kibirei, kibugandinik ak eng' ketubosyek.

²⁸ Ki iyumgei ak icheek weeriigap tyeniik kobunu warenget ne kiyiem Jerusalem ak nganasoogap Netopatik.

²⁹ Ki pun kogeny Beth-gilgal ak mbareenigap Geba ak Asmabet. Amu kiga koteekyigei tyeniik nganasook koyiem Jerusalem.

³⁰ Ye kingo kagoanyinygei Tisiik ak Lawiik, koanyiny anyun piik, ormariichok ak irimeet.

³¹ Yeityo amutu pounigap Judah kobwa irimeet parak ak alewen kweanaik aeng' che eecheen che mwaei kongoi ak koba kotendeen. Ki wo kweanet agenge komostap eutap tai kobun irimeet kotokyigei ormariichetap ng'atateek.

³² Ki isup icheek Hosaia ak kebebertap pounigap Judah,

³³ ak Azariah, Ezrah, Mesulam,

³⁴ Judah, Benjamin, Semaiah, Jeremiah,

³⁵ ak alak eng' weeriigap tisiik kotinyei iryagook. Chooto ko Zekariah weeriitap Jonathan, weeriitap Semaiah, weeriitap Mattaniah, weeriitap Mikaia, weeriitap Sakur, weeriitap Asaph,

³⁶ ak tupchosyekyik, Semaiah, Asarel, Milalai, Gilalai, Maai, Nethanel, Judah ak Hanani, kotinyei kibugandinik che po Daudi chiitap Kamuktaindet ne Toroor. Ak ki indoe icheek Ezrah siriindet.

³⁷ Ki togostae ye neegitee ormariichetap kondametut, ak koba panda ne litit, kobun lang'eiywotap nganaseetap Daudi eng' ye kitogostoe eng' irimeet, kosiir kootap Daudi kot koit ormariichetap peek eng' komostap kong'asiis.

³⁸ Ak ki wo kweanet age ne po pichooto che kimwaei kongoi, kotorookta icheek ak ki asup icheek, kobooto kebeberta ne po piik eng' irimeet parak kobun teekseet ne kooi parak ne po mastinwek che eecheen agoi irimeet ne tebees.

³⁹ Ki pun paragutap ormariichetap Ephraim ak ormariichet ne oos, ormariichetap njireenik, teekseet ne kooi ne po Hananel ak teekseet ne kooi ne po Hamea, agoi ormariichetap keechiirek. Kitononso icheek eng' ormariichetap riibiik.

⁴⁰ Ki tononso anyun kweanaichooto tuwai che po icheeget che kimwaei kongoi eng' kootap Kamuktaindet ak ki kimi tugul ak icheek kobooto kebeberta ne po pounik,

⁴¹ tisiik, Eliakim, Maaseia, Miniamin, Mikaia, Elioenai, Zekariah, ak Hananiah, che ki tinyei iryagook,

⁴² ak Maaseia, Semaiah, Eleazar, Usi, Jeohanan, Malkija, Elam ak Eser. Kityeni tyeniik eng' kutit ne oo, kondochin Jesraia kandoindennywa.

⁴³ Ak ki igoito peetuunooto tiseiywek che eecheen ak koboiboitu, amu ki igoochi Kamuktaindet icheek koboiboitu eng' poiboiyet ne oo. Kiboiboitu ak icheek kwonyiik ak lagok, kot kegasune poiboiyetap Jerusalem ole loo.

Konunoigap Kootap Kamuktaindet ne Toroor

⁴⁴ Ki kilewen eng' peetuunooto piik koriip kooriik che po oriit ole kigonoree tuguuk, kagoochinoik che kinamjin parak, tongoanik ak kebeberwegap taman. Kiyumji koorchooto kobee mbareenik che po nganasook, kebeberwek che ki king'at eng' ng'atuutyet kobunji Tisiik ak Lawiik, amu ki paibait Judah agobo Tisiik ak Lawiik che kiboisyei.

⁴⁵ Kitononji riipseetap Kamuktaindennywa ak riipseetap kaanyinyet. Ki yai anyun ko uu nooto tyeniik ak riibiik ko uu ng'atuutyetap Daudi ak ne po Solomon weeriinnyi.

⁴⁶ Amu kobooch peetuusyegap Daudi ak Asaph, ko ki mi chiito ne oo ne po tyeniik ak kimi tyenwogigap kalasunet ak kagoitoetap kongoi ne kigoochin Kamuktaindet.

⁴⁷ Ara anyun ki igoito `Israel tugul kebeberwegap tyeniik ak che po riibiigap kurgotik eng' peetuusyegap Zerubabel ak eng' peetuusyegap Nehemiah, ko uu che yamei peetuut age tugul. Ki itabaanji `piik Lawiik, ak ki itabaanji `Lawiik ak icheek weeriigap Aron.