NEEMIA 10 - Bukuit Ne Tilil

¹ Chu anyun che king'ooch: Pouninindet Nehemiah, weeriitap Hakalia ak Zedekiah,

² Seraiah, Azariah, Jeremiah,

³ Pasur, Amariah, Malkija,

⁴ Hatus, Sebania, Maluk,

⁵ Harim, Meremot, Obadiah,

⁶ Daniel, Gineton, Baruk,

⁷ Mesulam, Abijah, Mijamin,

⁸ Maasia, Bilgai ak Semaiah: ki tisiik chuuto tugul.

⁹ Lawiik ko ki: Jeshua, weeriitap Asania, Binui ne po weeriigap Henadad, Kadmiel,

¹⁰ ak tupchosyekwak, Sebania, Hodia, Kelita, Pelaiah, Hanan,

¹¹ Mikah, Rehob, Hasabia,

¹² Sakur, Serebia, Sebania,

¹³ Hodia, Bani ak Beninu.

¹⁴ Kandoigap piik ko ki: Paros, Pahat-moap, Elam, Satu, Bani,

¹⁵ Buni, Askad, Bebai,

¹⁶ Adonijah, Bigbai, Adin,

¹⁷ Ater, Hezekiah, Ashur,

¹⁸ Hodia, Asum, Besai,

¹⁹ Arib, Anatoth, Nobai,

²⁰ Magpias, Mesulam, Hesir,

²¹ Mesesabel, Zadok, Jadua,

²² Pelatiah, Anan, Anaia,

²³ Hoshea, Hananiah, Hasub,

²⁴ Haloes, Pila, Sobek,

²⁵ Reum, Hasabna, Maaseia,

²⁶ ak Ahia, Hanan, Anan,

²⁷ Maluk, Harim ak Baanah.

Koyastos piik

²⁸ Piik chuun alak: tisiik, Lawiik, riibiigap kurgotik, tyeniik, otwogigap Hekaluut ak tugul che kiga kotabaanegei piigap emotinwek, kotabaanjigei Ng'atuutigap Kamuktaindet kobooto osotikwak, weeriikwak ak tiibiikwak, chii tugul ne ki tinyei naet ak kaguiyet,

²⁹ koginamgei ak tupchosyekwak, piikwak che taagunotiin ak ki iyasyo eng' chubisyet ak kayasyoet, kole kobendatee ng'atuutigap Kamuktaindet che ki kigoon eng' Musa otwogindetap Kamuktaindet. Ki iyasyo koriip ak koyai kayomisutik tugul che po Kamuktaindet ne Toroor Kiptaiyandennyo, kobooto kirwoogutikyik ak katigonutikyik.

³⁰ Ki le ma kigoochini tiibiikyok piigap emet anan kotun weeriikyok tiibiikwak.

³¹ Ak ngot koip piigap emet, tuguuk che ki aldoi anan ko amitwogik eng' peetuutap sabato kole koalda, koma ki ale eng' peetuutap sabato anan ko eng' peetuut ne itabaanat. Ki metoi kenyiitap tisap ak kemete yaaksetap pesendo age tugul.

³² Ki kiyachigei anyun ng'atuutik keele kigoite eng' kenyiit age tugul kebeberta agenge eng' somok ne po shekel kobunji otisyetap kootap Kamuktaindennyo,

³³ che po magatinigap kabartaet, che po kagoochinet ne po kotugul ne po peek, kagoochinet ne po kotugul ne kibeelei, che po sabatoisyek ak che po ye kaleel arawet, che po igoorwek che ki king'at, che po tuguuk che itabaanatiin ak che po kagoochinoigap tengekto, si keyachine Israel kagaigaet ak che po poisyet tugul ne po kootap Kamuktaindennyo.

³⁴ Ki kiseer acheek parbareek, kobooto tisiik, Lawiik ak piik, agobo kagoochinetap kweenik, si kobiit keip kobwa kootap Kamuktaindennyo, ko uu kooriigap kwanisyekyok, eng' peetuusyek che ki king'at eng' kenyiit age tugul, si kebeel eng' kaptisisyetap Kamuktaindet ne Toroor, Kamuktaindennyo, ko uu ye siraat eng' Ng'atuutik.

³⁵ Ki kimwa kora keele keibu tongoanigap mbareenikyok ak tongoanigap logoek tugul che po keetiik alak tugul eng' kenyiit age tugul kobwa kootap Kamuktaindet ne Toroor.

³⁶ Ko uu ye siraat eng' Ng'atuutik, kimutu kogeny kiboretook che po weeriikyok ak kegetu che twatei tuukyok, ak che po akwotisyekyok, che po akwotisyegap keechiirekyok kobwa kootap Kamuktaindennyo, ole mi tisiik che poisyei eng' kootap Kamuktaindennyo.

³⁷ Ki ibuu magatiinik che tuonen che po tongoanik, kagoochinoikyok che kinamjin parak, logoegap keetiik alak tugul, divaik ak mwanik kobwa ole mi tisiik agoi kooriik che po oriit che po kootap Kamuktaindennyo. Ki ipchini Lawiik kebeberwegap taman che po tuguugap mbareenikyok, amu iyumi Lawiik kebeberwegap taman che po kabatisyennyo eng' nganasook tugul.

³⁸ Ak magaat komi tisiindet weeriitap Aron kobooto Lawiik, ye iyumi Lawiik kebeberwegap taman. Ibu Lawiik kebebertap taman ne po kebeberwegap taman kobwa kootap Kamuktaindennyo; ibu agoi kooriik che po oriit che kigonoree tuguuk.

³⁹ Ibu anyun piigap Israel ak lagogap Lawi kagoochinet ne kinamjin parak ne po peek, ne po divaik ak mwanik, kobwa kooriik che po oriit, ole mi tuguuk che po ole-tiliil ak tebee tisiik che poisyei, riibiigap kurgotik ak tyeniik. Ma kibagaaktoi kootap Kamuktaindennyo.