KAITOSYEK 33 - Bukuit Ne Tilil

Panda kong'etee Misiri agoi Moab

¹ Chu panwegap piigap Israel, ye kingo manda eng' emetap Misiri eng' lugosyekwak kondochin Musa ak Aron.

² Ki sir Musa agobo mandaennywa ye kingo naam panwekwak ko uu ng'atuutyetap Kamuktaindet ne Toroor. Ki uu chu panwekwak ko uu mandaennywa.

³ Ki pa anyun kong'eetyee Rameses eng' arawet ne po tai, peetuutap taman ak muut, kimanda piigap Israel eng' peetuut ne ki isubi paska eng' eutap kimnateet kogeeroti Misiriik tugul,

⁴ kota kotubei Misiriik weeriikwak tugul che po tai, che kiga kobar Kamuktaindet ne Toroor eng' kwenunnywa. Ki irwookyi `Kamuktaindet ne Toroor kamuktaikwak ak icheek.

⁵ Ki pa piigap Israel eng' Rameses ak koba komuung'e Sukoth.

⁶ Ki pa eng' Sukoth ak komuung'e Etam ne mi ole pooch surkwen.

⁷ Ak ki pa eng' Etam, koweigei agoi Pi-hairot, ne toorchindos ak Baal-sepon, ak ki imuung'ee taitap Migdol.

⁸ Ki pa eng' Pi-Hairot, ak ki pun kwenutap nyanjet agoi surkwen. Ye kingo kagoba pandap peetuusyek somok eng' surkwen ne po Etam, ak komuung'e Marah.

⁹ Ki pa eng' Marah ak kiit Elim. Ki mi Elim kong'igap peek tamanu ak aeng' ak tiironigap sosik tamanwogik tisap; ak ki imuung'ee icheek olooto.

¹⁰ Ki pa eng' Elim ak komuung'e ole neegitee Araraita ne Piriir.

¹¹ Ki pa eng' Araraita ne Piriir ak ki imuung'ee surkwen ne po Sin.

¹² Ki pa eng' surkwen ne po Sin ak komuung'e Dobka.

¹³ Ak ki pa eng' Dobka, yeityo komuuny eng' Alus.

¹⁴ Ki pa eng' Alus ak komuung'e Rephidim, ole ki ma komi peek che eei piik.

¹⁵ Ki pa eng' Rephidim ak ki imuung'ee surkwen ne po Sinai.

¹⁶ Ki pa eng' surkwen ne po Sinai ak ki imuuny eng' Kibrot-hataaba.

¹⁷ Ak ki pa eng' Kibrot-hataaba, ak komuung'e Haserot.

¹⁸ Ki pa eng' Haserot ak komuung'e Ritma.

¹⁹ Ki pa kogeny eng' Ritma ak ki imuung'ee Rimon-peres.

²⁰ Ak ki pa eng' Rimon-peres kot komuung'e Libna.

²¹ Kingo pa eng' Libna ko ki imuung'ee Risa.

²² Ki pa eng' Risa ak ki imuung'ee Kehelata.

²³ Ki pa eng' Kehelata ak ki imuung'ee tulweetap Seper.

²⁴ Ki pa eng' tulweetap Seper ak ki imuuny eng' Harada.

²⁵ Ki pa eng' Harada ak ki imuuny eng' Makelot.

²⁶ Ki pa eng' Makelot ak ki imuuny eng' Tahat.

²⁷ Ki pa anyun eng' Tahat ak ki imuuny eng' Tera.

²⁸ Ki pa eng' Tera ak ki imuuny eng' Mitka.

²⁹ Ki pa kogeny eng' Mitka ak komuuny eng' Hasmona.

³⁰ Ki pa eng' Hasmona ak ki imuung'ee Moserot.

³¹ Ki pa eng' Moserot ak ki imuung'ee Bene-jaakan.

³² Ki pa eng' Bene-jaakan ak ki imuung'ee Horagidgad.

³³ Ki pa anyun eng' Horagidgad ak ki imuung'ee Jotbata.

³⁴ Ki pa icheek eng' Jotbata ak ki imuung'ee Abrona.

³⁵ Ki pa eng' Abrona ak ki imuung'ee Esion-geber.

³⁶ Ki pa eng' Esion-geber ak ki imuung'ee surkwen ne po Sin (nooto Kadesh).

³⁷ Ki pa eng' Kadesh ak ki imuung'ee tulweetap Hor, ole poochin kiwotetap emetap Edom.

³⁸ Ki togosta anyun Aron tisiindet tulweetap Hor, eng' ng'atuutyetap Kamuktaindet ne Toroor ak ki mechi olooto eng' kenyiitap artam kobooch ngap komang'une piigap Israel emetap Misiri eng' arawetap muut, eng' peetuut ne po tai eng' arawanooto.

³⁹ Kiga kotar Aron kenyiisyek pogol ak tiptem ak somok ye kingo meei eng' tulweetap Hor.

⁴⁰ Ki kas anyun laitoryatap Arad kanaanindet ne ki menyei murot tai eng' emetap Kanaan, kole pwoonei piigap Israel.

⁴¹ Ki pa icheek eng' tulweetap Hor ak komuung'e Salmona.

⁴² Ki pa eng' Salmona ak ki imuung'ee Bunon.

⁴³ Ki pa eng' Bunon ak ki imuung'ee Obot.

⁴⁴ Ki pa eng' Obot ak ki imuung'ee Iyeabarim, eng' kiwotetap Moab.

⁴⁵ Ki pa eng' Iyim ak ki imuung'ee Dibon-gad.

⁴⁶ Ki pa eng' Dibon-gad ak ki imuung'ee Almon-diblataim.

⁴⁷ Ki pa eng' Almon-diblataim ak ki imuung'ee tuloonoogap Abarim, ole tokyingei Nebo.

⁴⁸ Ki pa eng' tuloonoogap Abarim ak ki imuung'ee warengetap Moab ole neegitee Jordan eng' Jeriko.

⁴⁹ Ak ki imuung'ee ole neegitee Jordan, kobooch Bet Jesimot ak Abel Shitim, eng' warengetap Moab.

Keng'atei piigap Israel si kochutei Kanaan

⁵⁰ Ki mwachi `Kamuktaindet ne Toroor Musa eng' warengetap Moab, ole neegit Jordan eng' Jeriko koleenji,

⁵¹ “Mwachi piigap Israel leenjin: Ye olandoe Jordan obe emetap Kanaan,

⁵² oon anyun piik tugul che menyei emonooto koba eng' taing'wong'. Ong'em koikwak che saaei, ong'em kanamonikwak che ki kitaanyi ak obut oldinwekwak tugul che torooreen.

⁵³ Yeityo onam emet kobunjook ak omeny, amu ki agoonok emonooto kobunjook.

⁵⁴ Opchechigei emonooto onyabani eng' seretap parbareek ko uu ortinwekwok. Ogoochini che chaang' poroteet ne oo ak ogoochini che ng'ering' poroteet ne ming'in. Oldo tugul ole kaibutyi parbaryatap chii koek nenyi nooto. Onyabani ko uu pororyosyegap kwanisyekwok.

⁵⁵ Ago ngo moon piik che menyei emet koba eng' taing'wong', kogergeitu eng' konyekwok ak tuguuk che toorei piich ak katook eng' karaaswekwok ak konyaliilak eng' emet ne omenye.

⁵⁶ Ak tuun ayaiywok okweek ko uu ye ki abwaati ale ayachini icheek.”