KAITOSYEK 26 - Bukuit Ne Tilil

Ki iti piik ne po aeng'

¹ Kingo pata koroyooto, komwachi `Kamuktaindet ne Toroor Musa ak Eleazar weeriitap Aron tisiindet koleenji,

² “Oit piigap Israel ko uu kooriigap kwanisyekwak, kobooch che po kenyiisyek tiptem ak kwo tai, tugul che imuuchi koba lugeet eng' Israel.”

³ Ki mwachi `Musa ak Eleazar icheek eng' warengetap Moab ole neegitee Jordan ole po Jeriko, koleenji,

⁴ “Oiit piik kobooch che po kenyiisyek tiptem ak kwo tai, ko uu ye ki ng'at `Kamuktaindet ne Toroor Musa.” Chu piigap Israel che ki mang'une emetap Misiri:

⁵ Reuben, weeriit ne po tai ne po Israel. Weeriikyik ko chu: Hanok, che ooreetap Hanogik, che po Palu, che ooreetap Paluik;

⁶ Hesron, che ooreetap Hesronik, che po Karmi, che ooreetap Karmik.

⁷ Che ki kiit eng' ortinwegap piigap Reuben ko ki ek tugul eliphuusyek artam ak somok ak pogol tisap ak sosom.

⁸ Weeriitap Palu ko ki Eliap.

⁹ Weeriigap Eliap chu: Nemuel, Datan, ak Abiram. Chooto Datan ak Abiram che ki kiguur che po tuiyet, che kibortos kobooto Musa ak Aron eng' tuiyetap Kora, ye kingo ngelelji Kamuktaindet ne Toroor.

¹⁰ Ki yaat `ng'wony kutinnyi ak kolugui icheek kobooto Kora, ye ki pek kogeny kasubikwak peetuunooto kogabeel maat piik pogol aeng' ak konom. Ak ki ek icheek kaboorunet ne po kateunet.

¹¹ Nganda ki ma pek weeriigap Kora.

¹² Weeriigap Simion chu ko uu ortinwekwak: Nemuel, che ooreetap Nemuelik; che po Jamin, che ooreetap Jaminik; che po Jakin, che ooreetap Jakinik;

¹³ che po Zerah, che ooreetap Zeraik; ak Saulo, che ooreetap Saulik.

¹⁴ Chuuto ortinwegap piigap Simion, ki ek icheek tugul eliphuusyek tiptem ak aeng' ak pogol aeng'.

¹⁵ Weeriigap Gad ko uu ortinwekwak ko chu: che po Sepon, che ooreetap Seponik; che po Hagik, che ooreetap Hagitik; che po Suni, che ooreetap Sunitik;

¹⁶ che po Osni, che ooreetap Osnik; che po Eri, che ooreetap Eritik;

¹⁷ che po Arod, che ooreetap Arodik; che po Areli, che ooreetap Arelitik.

¹⁸ Chuuto ortinwegap weeriigap Gad; ki ek icheek tugul eliphuusyek artam ak pogol muut.

¹⁹ Weeriigap Judah chu: Er ak Onan, ago ki pekyi icheek emetap Kanaan.

²⁰ Weeriigap Judah ko uu ortinwekwak ko ki: che po Shelah, che ooreetap Shelahnik; che po Peres, che ooreetap Peresik; che po Zerah, che ooreetap Seraik.

²¹ Weeriigap Peres ko ki: Hesron, che ooreetap Hesronik; che po Hamul, che ooreetap Hamulik.

²² Chuuto ortinwegap Judah; ki ek icheek tugul eliphuusyek tamanwogik tisap ak lo ak pogol muut.

²³ Weeriigap Issakar ko uu ortinwekwak chu: Tola, che ooreetap Tolaitik; che po Pua, che ooreetap Punitik;

²⁴ che po Jasub, che ooreetap Jasubik; che po Simron, che ooreetap Simronik.

²⁵ Chuuto ortinwegap Issakar, ki ek icheek tugul eliphuusyek tamanwogik lo ak ang'wan ak pogol somok.

²⁶ Weeriigap Zebulun chu ko uu ortinwekwak: che po Sered, che ooreetap Seredik; che po Elon, che ooreetap Elonik; che po Jaleel, che ooreetap Jaleelik.

²⁷ Chuuto ortinwegap Sebulunik; ki ek icheek tugul eliphuusyek tamanwogik lo ak pogol muut.

²⁸ Weeriigap Joseph chu ko uu ortinwekwak: Manasseh ak Ephraim.

²⁹ Weeriigap Manasseh chu: che po Makir, che ooreetap Makirik; ak ki sich `Makir Gilead; che po Gilead, che ooreetap Gileadik.

³⁰ Weeriigap Gilead chu: Ieser, che ooreetap Iesrik; che po Helek, che ooreetap Helegik;

³¹ Asriel, che ooreetap Asrielik; che po Shekem, che ooreetap Shekemik;

³² ak Shemida, che ooreetap Shemidaik; Hepher, che ooreetap Hepherik.

³³ Ak ki ma kotinyei weeriik Zelophehad weeriitap Hepher, kobatee tiibiik icheegei. Kainaigap tiibiigap Zelophehad ko ki: Mahlah, Noah, Hoglah, Milkah ak Tirzah.

³⁴ Chuuto ortinwegap Manasseh; ki ek icheek tugul eliphuusyek konom ak aeng' ak pogol tisap.

³⁵ Weeriigap Ephraim ko uu ortinwekwak chu: che po Sutela, che ooreetap Sutelaik; che po Beker, che ooreetap Bekerik; che po Tahan, che ooreetap Tahanik.

³⁶ Ak chu weeriigap Sutela: che po Eran, che ooreetap Eranik.

³⁷ Chuuto ortinwegap weeriigap Ephraim; ki ek icheek eliphuusyek sosom ak aeng' ak pogol muut. Chuuto weeriigap Joseph ko uu ortinwekwak.

³⁸ Weeriigap Benjamin chu ko uu ortinwekwak: che po Bela, che ooreetap Belaik; che po Asbel, che ooreetap Asbelik; che po Ahiram, che ooreetap Ahiramik;

³⁹ che po Sepupam, che ooreetap Supamik; che po Hupam, che ooreetap Hupamik.

⁴⁰ Ard ak Naaman ko ki weeriigap Bela: che po Ard, che ooreetap Ardik; che po Naaman, che ooreetap Naamanik.

⁴¹ Chooto ko weeriigap Benjamin ko uu ortinwekwak; ki ek icheek tugul eliphuusyek artam ak muut ak pogol lo.

⁴² Weeriigap Dan chu ko uu ortinwekwak: che po Suham, che ooreetap Suhamik; chuuto ko ortinwegap Dan ko uu tilyonutikwak.

⁴³ Ki ek tugul che po Suhamik eliphuusyek tamanwogik lo ak ang'wan ak pogol ang'wan.

⁴⁴ Weeriigap Asher chu ko uu ortinwekwak: che po Imnah, che ooreetap Imnahik; che po Isbi, che ooreetap Isbik; che po Beriah, che ooreetap Beriaik.

⁴⁵ Che po weeriigap Beriah: che po Heber, che ooreetap Heberik; che po Malkiel, che ooreetap Malkielik.

⁴⁶ Ak kainetap cheptap Asher ko ki Zerah.

⁴⁷ Chooto ortinwegap Asher che ki kiit; ki ek icheek eliphuusyek konom ak somok ak pogol ang'wan.

⁴⁸ Weeriigap Naphtali ko uu ortinwekwak: che po Jaseel, che ooreetap Jaseelik, che po Guni, che ooreetap Gunik;

⁴⁹ che po Jeser, che ooreetap Jeserik; che po Silem, che ooreetap Silemik.

⁵⁰ Chooto ko ortinwegap Naphtali ko uu tilyonutikwak che ki ek icheek tugul eliphuusyek artam ak muut ak pogol ang'wan.

⁵¹ Ki ek eliphuusyek pogol lo ak agenge ak pogol tisap ak sosom chooto che ki kiit eng' piigap Israel.

⁵² Ak ki mwachi `Kamuktaindet ne Toroor Musa koleenji,

⁵³ “Kipchechin emet chuuto koek poroteet ko uu koitetap kainaik.

⁵⁴ Che kasiirto koiitennywa itesyini poroteet, ak che matyanit koiitennywa igoochini poroteet ne ming'in. Kigoochin chii tugul porotennyi, ko uu koitetap piikyik che ki kiit.

⁵⁵ Ago kipcheei emet eng' seretap parbareek. Nyabani age tugul ko uu kainaigap ortinwegap kwanisyekwak.

⁵⁶ Kipchechin porotennywa ko uu ole teptoi seretap parbareek eng' che chaang' ak eng' che ng'ering'.”

⁵⁷ Chu che ki kiit eng' Lawiik ko uu ortinwekwak: che po Gerson, che ooreetap Gershonik; che po Kohat, che ooreetap Kohatik; che po Merari, che ooreetap Merarik.

⁵⁸ Chuuto ortinwegap Lawiik: kootap Libnitik, kootap Hebronik, kootap Malik, kootap Musik, ak kootap Koraik. Ak ki sich `Kohat Amram.

⁵⁹ Ak kainetap osotyotap Amram ko ki Jokebed, cheptap Lawi ne ki kisikyi Lawi eng' Misiri. Ki sikyi `Jokebed Amram Aron ak Musa ak Miriam chepkamennywa.

⁶⁰ Aron ko ki kwandap Nadap, Abihu, Eleazar ak Ithamar.

⁶¹ Ago ki pek Nadap ak Abihu ye ki igoitoi kogoochinet eng' maat ne teer eng' taitap Kamuktaindet ne Toroor.

⁶² Muren age tugul kobooch ne po arawet agenge ak kwo tai che ki kiit, ko ki ek eliphuusyek tiptem ak somok. Ki ma ki itito pichooto piigap Israel amu ki ma kigoochi icheek poroteet eng' kwenutap piigap Israel.

⁶³ Chuuto che ki iit Musa ak Eleazar tisiindet ye ki iti piigap Israel eng' warengetap Moab eng' ole neegitee Jordan eng' Jeriko.

⁶⁴ Ago eng' chuuto, ko ki ma komi chii agot agenge eng' icheek ye ki iti Musa ak Aron tisiindet piigap Israel eng' surkwen ne po Sinai.

⁶⁵ Amu ki kamwa Kamuktaindet ne Toroor agobo icheek kole, “Pekyin icheek iman ong'atani.” Ak ki ma ng'et chii agot agenge eng' icheek kobatee Kaleb weeriitap Jepune ak Joshua weeriitap Nun.