HOSEA 3 - Bukuit Ne Tilil

Kotunisye Hosea kogeny

¹ Ki leenjo Kamuktaindet ne Toroor, “Ui kogeny ak icham kwondo ne chamat eng' chorwennyi ak ko chepkugonio, ko uu ye chamei Kamuktaindet ne Toroor piigap Israel agot nganda weekyingei kamuktaik, ak kochamei magatinigap sabibuk che yamyotiin.”

² Ki aal anyun kwonyooto eng' fedhaisyek taman ak muut ak baale che po homer agenge ak nusu.

³ Ak ki aleenji, “Itebye ko ii nenyu eng' peetuusyek che chaang'; meyae kugoinatet amat iegu osotyotap chii age tugul, ma yae ko uu nooto agane eng' inyee.”

⁴ Amu tebyei piigap Israel peetuusyek che chaang' ama tinyei laitoryat, ama tinyei pounindet, ama tinyei tiseiywot, ama tinyei toloita, ama tinyei ephod anan terapik.

⁵ Ye ibata koweek piigap Israel ak kocheeng' Kamuktaindet ne Toroor Kamuktaindennywa ak Daudi laitoryandenywa; pwaanjin `icheek Kamuktaindet ne Toroor ak myeeindonyi eng' kaiyweisyet eng' peetuusyek che po let.