EZRAH 10 - Bukuit Ne Tilil

Onseetap kwonyiik che kisalu pororyosyek alak

¹ Ye kita kosaaei Ezrah ak kong'aanyei chalwogik, koriirei ak kowiirchingei ng'wony eng' taitap kootap Kamuktaindet, koyumjigei ineendet tuiyet ne oo miising' ne ki punu Israel, ne po murenik ak kwonyiik ak lagok. Ki riiryo piik ak icheek eng' ng'wanindo.

² Ak ki wolji Shekaneiah weeriitap Jehiel, weeriitap Elam, Ezrah koleenji, “Ki kichililji Kamuktaindennyo ak ki kitun tiibiik che salu saang' che po piigap emoni, ago mi nguno kamang'unet agobo Israel agobo ng'olyoondoniito.

³ Ongiyomiske anyun ak Kamuktaindennyo keiste osotik tugul ak lagok che kisichei osotichooto ko uu ng'olyoondeng'ung' inyee kiptaiyandennyu ak ne po icheeget che kabotanso amu ng'atuutyetap Kamuktaindennyo ak ingoyaak ko uu ng'atuutyet.

⁴ Ng'eet anyun; amu neng'ung' ng'olyoondoniito ak kimi, kobooten ara nyiganitu ak iyai.”

⁵ Kong'eet anyun Ezrah ak kong'at che eecheen eng' tisiik, Lawiik ak Israel tugul, koyasyo kole yaei ko uu ng'olyoondoniito. Ara ki iyasyo anyun.

⁶ Kong'eet anyun Ezrah eng' taitap kootap Kamuktaindet ak kwo koot ne po oriit ne po Jeohanan weeriitap Eliasib. Kingo it yooto, koma koamis anan koe peek, amu kirirei agobo kachililutyetap icheek che kiga kiluul.

⁷ Kimwaita eng' Judah tugul ak Jerusalem, komwachi lagok tugul che po piik che kiga kiluul si kobiit koyumjigei Jerusalem.

⁸ Age tugul ne ma nyo ko kagobata peetuusyek somogu, ko uu ng'olyootap pounik ak poisyek, kerebe tuguukyik tugul ak kitabaane tuiyetap pichooto kiga kiluul.

⁹ Ki iyumjigei anyun Jerusalem `piik tugul che po Judah ak Benjamin kotomo kogeskei peetuusyek somogu. Ki arawetap sogool eng' peetuutap tiptem ne po arawanooto, ak ki tebee piik tugul komosta ne paraa eng' taitap kootap Kamuktaindet kobotandos agobo ng'olyoondonooto ak ropta ne oo.

¹⁰ Yeityo kotonon anyun Ezrah tisiindet ak koleenji icheek, “Ki ochiliil ak ki otun tiibiik che salu saang' ak otes ng'oogistap Israel.

¹¹ Ong'aang'ji anyun Kamuktaindet ne Toroor, Kamuktaindetap kwanisyekwok ak oyai kiit ne chamei. Otabaanegei piigap emet ak kwonyiik che toek.”

¹² Ki wol anyun tuiyet tugul eng' kutit ne oo kole, “Ko uu ye kaimwa agobo acheek, konyaaljinech keyai.

¹³ Chaang' piik che mi yu ak nguno ko peetuusyegap ropta ne oo. Ma kimuuchi ketononse eng' saang', ago ma poisyetap peetuut agenge niito anan aeng', amu ki kichiliil miising' eng' kiito.

¹⁴ Ingelewen anyun pounikyok agobo tuiyet tugul ak ingobwa icheek tugul che mi nganasookyok che ki itun tiibiik che toek. Ingobwa eng' peetuusyek che king'atei ak Ingobwa kobooto icheek poisyegap nganaseet age tugul ak kirwoogikyik agoi koistoeneigei nereegek che koroomen che po Kamuktaindennyo, kot keisto poisyoniito.”

¹⁵ Jonathan weeriitap Asahel ak Jaseia weeriitap Tikba icheegei che kitononso kogirinda ng'olyoondoniito, ak kitoret icheek Mesulam ak Sabetai Lawindet.

¹⁶ Ki yai ko uu nooto lagogap piik che kiga kiluul. Ki kitabaan tisiindet Ezrah kobooto kandoik alak che po kooriigap kwanisyek kobee kooriigap kwanisyekwak ak icheek tugul ko uu kainaikwak ak ki tebi ng'wony eng' peetuut ne po tai ne po arawetap taman kogin ng'aleechooto.

¹⁷ Ki iges eng' peetuut ne po tai eng' arawet ne po tai ng'aleek tugul che po murenik che kiga kotun tiibiik che toek.

Tetunetap murenik che kigaitun kwonyiik che toek

¹⁸ Ki piit eng' weeriigap tisiik che kiga kotun tiibiik che toek: eng' weeriigap Jeshua, weeriitap Josedak ak tupchosyekyik, ko ki Maaseia, Elieser, Jarib, ak Gedalia.

¹⁹ Ki iyasyo icheek kole istoi osotikwak, ak amu ki tinyei tengekto, ko ki igoito mengit ne po akweet kobunji tengektonywa.

²⁰ Eng' weeriigap Imer ko ki Hanani ak Sebadia.

²¹ Eng' weeriigap Harim ko ki Maaseia, Elijah, Semaiah, Jehiel ak Uzziah.

²² Eng' weeriigap Pasur ko ki Elioenai, Maaseia, Ishmael, Nethanel, Josabad ak Elasa.

²³ Eng' Lawiik ko ki Josabad, Shimei, Kelaia (ineendet Kelita), Petaia, Judah ak Elieser.

²⁴ Eng' tyeniik ko ki Eliasib, ak eng' riibiigap kurgotik ko ki Shallum, Telem ak Uri.

²⁵ Eng' Israel, eng' weeriigap Paros ko ki Ramya, Isia, Malkija, Mijamin, Eleazar, Malkija ak Benaiah.

²⁶ Eng' weeriigap Elam ko ki Mattaniah, Zekariah, Jehiel, Abdi, Jeremot ak Elijah.

²⁷ Eng' weeriigap Satu ko ki Elioenai, Eliasib, Mattaniah, Jeremot, Sabad ak Asisa.

²⁸ Eng' weeriigap Bebai ko ki Jeohanan, Hananiah, Sabai, Atlai.

²⁹ Eng' weeriigap Bani ko ki Mesulam, Maluk, Adaiah, Jasub, Seal ak Jeremot.

³⁰ Eng' weeriigap Pahat-moap ko ki Adna, Kelal, Benaiah, Maaseia, Mattaniah, Bezalel, Binui ak Manasseh.

³¹ Eng' weeriigap Harim ko ki Elieser, Isija, Malkija, Semaiah, Shimeon;

³² Benjamin, Maluk, Semaria.

³³ Eng' weeriigap Asum ko ki Matenai, Matata, Sabad, Eliphelet, Jeremai, Manasseh ak Shimei.

³⁴ Eng' weeriigap Bani ko ki Madai, Amram ak Uel,

³⁵ Benaiah, Bedeia, Kelui;

³⁶ Bania, Meremot, Eliasib;

³⁷ Mattaniah, Matenai, Jaasu;

³⁸ Bani, Binui, Shimei;

³⁹ Selemya, Nathan, Adaiah;

⁴⁰ Maknadebai, Sasai, Sarai;

⁴¹ Asarel, Selemya, Semaria;

⁴² Shallum, Amariah ak Joseph.

⁴³ Eng' weeriigap Nebo ko ki Jeiel, Matitia, Sabad, Sebina, Ido, Joel ak Benaiah.

⁴⁴ Kiga kotun `chuuto tugul tiibiik che toek ak ki tinyei alak osotik che kiga kosikyi lagok.