2 JOHANA 1 - Bukuit Ne Tilil

Kagateet

¹ Anee poiyot ne asirchini chebyoset ne lewenot ak lagokyik, che achame eng' imanit; ago ma aneege kityo, ago tugul che ingen imanit ak icheek,

² agobo imanit ne menyech ak kotebyei kobootech koigeny.

³ Tebyei kobootech myeeindo ak rireenet ak kaalyeet che punu Kamuktaindet Kwanda ak Jeso Kristo, Weeriitap Kwanda, eng' imanit ak chamyet.

Imanda ak chamyet

⁴ Ki abaibaitu miising' ye ki anyooru lagoguk alak kobendoti eng' imanit, ko uu ye ki king'atech ketaach kobun Kwanda.

⁵ Ak nguno anyun chebyosoni, asoomin miising', ma keele kasirun ng'atuutyet ne leel, ago nooto ki kitinyei kobooch taunet, ale kechamye.

⁶ Ak ni ko chamyet, ale kebendatee kisup ng'atuutikyik. Niito ko ng'atuutyet, ko uu ye ki ogas kobooch taunet, ale obendate ng'atuutyonooto.

⁷ Amu ki komong'ji ng'wony keniik che chaang', icheek che mang'aanyei kole ki nyo Jeso Kristo eng' poorto. Niito ko kenindet, ak ko kirindoindetap Kristo.

⁸ Oriipkei, si momete tuguuk che ki keyai, ago si onyooru melekto ne nyiitaat.

⁹ Chii age tugul ne indoi ama tebyei eng' kaneetisyetap Kristo koma tinyei Kamuktaindet; ago ineendet ne tebyei eng' kaneetisyet kotinyei tuwai, Kwanda ak Weeriit.

¹⁰ Ngot konyonjok chii ama ibu kaneetisyoni, ko matotaach ineendet eng' kooriikwok, amat ogat;

¹¹ amu ineendet ne igati ko kayamda ak ineendet poisyonikyik che yaach.

Kagatosyek che po let

¹² Atinye tuguuk che chaang' che katasirwok, ago ma mache asir eng' kartasit ak wino; amang'u Anyoonjok ak keng'alaal togoch eng' togoch, si kobiit kosulda poiboiyennyo.

¹³ Igatin lagogap chepkomet ne lewenot.