1 ATEPTAP PEETUUSYEK 2 - Bukuit Ne Tilil

Weeriigap Israel

¹ Chu ko weeriigap Israel: Reuben, Simion, Lawi, Judah, Issakar ak Zebulun,

² Dan, Joseph, Benjamin, Naphtali, Gad ak Asher.

³ Weeriigap Judah ko ki: Er, Onan ak Shela. Chuuto somok che ki sikyi ineendet Bat-sua Chepkanaanindet. Ak Er, taitap Judah, ko ki chii ne sogoran eng' taitap Kamuktaindet ne Toroor; ak ki par ineendet.

⁴ Ki sikyi `Tamar Judah, osotyotap weeriinnyi, Peres ak Zerah. Weeriigap Judah tugul ko ki muut.

⁵ Weeriigap Peres ko ki: Hesron ak Hamul.

⁶ Ak weeriigap Zerah ko ki: Shimri, Ethan, Herman, Chalkol ak Dara, ki muut tugul.

⁷ Weeriigap Karmi ko ki: Aakar, ne ki inyaliil Israel, ne ki yai chalwokto eng' kiit ne ki itabaanat.

⁸ Weeriitap Ethan ko ki Azariah.

Piik che ki piitune Daudi

⁹ Weeriigap Hesron ak icheek che ki kisikyi ineendet ko ki: Jerameel, Ram ak Kelubai.

¹⁰ Ki sich `Ram Aminadab, ak ki sich `Aminadab Hason, pounindetap lagogap Judah.

¹¹ Ki sich `Nason Salma, ak ki sich `Salma Boaz,

¹² ki sich `Boaz Obed, ak ki sich `Obed Jesse.

¹³ Ki sich `Jesse taaitanyi Eliap, Abinadab ne po aeng', ak Simea ne po somok,

¹⁴ Nethanel ne po ang'wan, Radai ne po muut,

¹⁵ Osem ne po lo, Daudi ne po tisap.

¹⁶ Ak chepkametwogikwak ko ki Zeruiah ak Abigail. Weeriigap Zeruiah somok ko ki Abisai, Joab ak Asahel.

¹⁷ Ki sich `Abigail Amasa, ak kwandap Amasa ko ki Jeter Ismaelindet.

Iyoteetap Hesron

¹⁸ Ki sich `Kaleb weeriitap Hesron lagok eng' Hasubah osotyonnyi, ak eng' Jeryot. Chu ko ki weeriikyik: Jeser, Sobap ak Ardon.

¹⁹ Kingo me Hasubah, kotun Kaleb Eprat, ne ki sikyi ineendet Hur.

²⁰ Ki sich `Hur Uri, ak ki sich `Uri Bezalel.

²¹ Kingo pata chooto kotun Hesron ye ki po kenyiisyekyik tamanwogik lo cheptap Makir kwandap Gilead, ak ki sikyi ineendet Segub.

²² Ki sich `Segub Jair, ne ki tinyei nganasook tiptem ak somok eng' emetap Gilead.

²³ Ago kirep Gesur ak Aram nganasoogap Jair, kobooto Kenat, ak nganasookyik, nganasook tamanwogik lo. Chuuto tugul ko ki weeriigap Makir kwandap Gilead.

²⁴ Kingo me Hesron eng' Kaleb-eprata, kosikyi ineendet Abijah osotyonnyi, Ashur kwandap Tekoa.

Weeriigap Jerameel

²⁵ Weeriigap Jerameel taitap Hesron ko ki Ram taaitanyi, Buna, Oren, Osem, ak Ahija.

²⁶ Ki tinyei Jerameel osotyot age, ne ki kiguure Atara, ki kametap Onam.

²⁷ Weeriigap Ram taitap Jerameel ko ki: Maas, Jamin ak Eker.

²⁸ Weeriigap Onam ko ki: Samai ak Jada. Weeriigap Samai ko ki: Nadap ak Abisur.

²⁹ Kainetap osotyotap Abisur ko ki Abiail, ne ki sikyi ineendet Aban ak Molid.

³⁰ Weeriigap Nadap ko ki: Seled ak Apaim; ago kime Seled ama sich lagok.

³¹ Weeriitap Apaim ko ki Isi. Weeriitap Isi ko ki Sesan. Ak weeriitap Sesan ko ki Alai.

³² Weeriigap Jada ng'eetap kametap Samai ko ki: Jeter ak Jonathan. Kime Jeter ama sich lagok.

³³ Weeriigap Jonathan ko ki: Phelet ak Sasa. Chuuto ko ki weeriigap Jerameel.

³⁴ Ki ma kotinyei weeriik Sesan, kobatee tiibiik icheegei. Ki tinyei Sesan otwogindet, Misirindet, ne kainennyi ko ki Jara.

³⁵ Ak ki igoochi Sesan Jara otwogindennyi cheptonyi kotun, ak ki sikyi ineendet Atai.

³⁶ Ki sich `Atai Nathan, ak ki sich `Nathan Sabad,

³⁷ ki sich `Sabad Eplal, ak ki sich `Eplal Obed,

³⁸ ki sich `Obed Jehu, ak ki sich `Jehu Azariah,

³⁹ ki sich `Azariah Heles, ak ki sich `Heles Eleasa,

⁴⁰ ki sich `Eleasa Sismai, ak ki sich `Sismai Shallum,

⁴¹ ki sich `Shallum Jekamiah, ak ki sich `Jekamiah Elisama.

⁴² Ak weeriigap Kaleb ng'eetap kametap Jerameel ko ki: Mesha taaitanyi, ne ki kwandap Ziph, ki sich `Ziph Maresha. Maresha ko ki kwandap Hebron.

⁴³ Weeriigap Hebron ko ki: Kora, Tappuah, Rekem ak Shema.

⁴⁴ Ki sich `Shema Raham, ak Raham ko kwandap Jorkeam. Ki sich `Rekem Samai.

⁴⁵ Weeriitap Sami ko ki Maon, ak Maon ko ki kwandap Beth-sut.

⁴⁶ Ki sich `Ephah chebaigeiyatap Kaleb, Haran, Motsa ak Gazez. Ki sich `Haran Gazez.

⁴⁷ Weeriigap Jadai ko ki: Regem, Jotham, Gesan, Phelet, Ephah ak Shaaph.

⁴⁸ Ki sich `Maaka chebaigeiyatap Kaleb, Seber ak Tirana.

⁴⁹ Ki sich Maaka kora ak icheek Shaaph ne ki kwandap Madmana, ak Seba ne ki kwandap Makbena ak Gibea. Cheptap Kaleb ko ki Achsah.

⁵⁰ Chu ko ki weeriigap Kaleb. Weeriigap Ur, taitap Ephratah, ko Shobal kwandap Kiriath-jearim,

⁵¹ Salma kwandap Bethlehem, Harep kwandap Beth-gader.

⁵² Ki sich `Shobal kwandap Kiriath-Jearim weeriik: Haroe, kebebertap Menuot,

⁵³ ak ortinwegap Kiriath-Jearim ko: Itrik, Butik, Sumatik, ak Misraik. Ki punu Zoratik ak Estaolik pichooto.

⁵⁴ Weeriigap Salma ko: Bethlehem, Netopatik ak Atrot-bet-Joab, kobooto kebebertap Manahatik, Sorik,

⁵⁵ ak ortinwegap Siriik che ki menyei Jabes: Tiratik, Simeatik ak Sukatik. Chuuto ko Kenik che ki punu Lebo-hamath, kwandap kootap Regap.