ಪ್ರಕಟನೆ 19 - ಕೊಡವ ಬೈಬಲ್ದೇವಕ್ ತುದಿ 1 ಇನ್ನನೆ ಆನ ಪಿಂಞ, ಪರಲೋಕತ್‍ಲ್ ಬಲ್ಯ ಜನತ್‍ರ ಗುಂಪ್ ಮಾಡ್‌ವ ಜೋರಾನ ಸದ್ದ್ ನಾಕ್ ಕ್‍ೕಟತ್. ಅಯಿಂಗ: ಹಲ್ಲೆಲೂಯ, ರಕ್ಷಣೆಯು, ಮಹಿಮೆಯು, ಶಕ್ತಿಯು, ನಂಗಡ ದೇವನಾಯಿತುಳ್ಳ ಒಡೆಯಂಗ್ ಮಾತ್ರ ಕೂಡ್‍ನದ್; 2 ತಾಂಡ ವ್ಯಬಿಚಾರತ್‍ರಗುಂಡ್ ಬೂಮಿನ ಪಾಳ್ ಮಾಡ್‍ನ, ಮಹಾ ವ್ಯಬಿಚಾರಿಕ್ ದೇವ ಶಿಕ್ಷೆ ಕೊಡ್‍ತತ್. ಅಂವೊಂಡ ಸೇವಕಂಗಡ ಚೋರೆಕಾಯಿತ್ ಅವಡ ಪಕ್ಕ ಅಂವೊ ಬದ್‍ಲ್ ಮಾಡ್‍ನಗುಂಡ್, ಅಂವೊಂಡ ನ್ಯಾಯತೀರ್ಪ್ ಸತ್ಯವಾನದು ನೀತಿಯುಳ್ಳದಾಯಿತು ಉಂಡ್. 3 ಅವಳ ಚುಟ್ಟ ಪೊಗೆ ಎಕ್ಕಾಲು ಕೊಡಿಕ್ ಪೋಯಂಡುಂಡ್‍ೕಂದ್ ಪುನಃ ಹಲ್ಲೆಲೂಯಾಂದ್ ಕೂತ್ ಕೊಡ್‍ತತ್. 4 ಅಕ್ಕ ಇರುವತ ನಾಲ್ ಪೆರಿಯಯಿಂಗ ಪಿಂಞ ನಾಲ್ ಜೀವಿಯ ಅಡ್ಡ ಬುದ್ದಿತ್: ಆಮೆನ್, ಹಲ್ಲೆಲೂಯಾಂದ್ ಎಣ್ಣಿಯಂಡ್ ಸಿಂಹಾಸನತ್‍ಲ್ ಅಳ್‌ತಿತಳ್ಳ ದೇವಕ್ ಆರಾದನೆ ಮಾಡ್‍ಚಿ. 5 ಅದಲ್ಲತೆ, ಸಿಂಹಾಸನತ್‍ರ ಕಡೇಯಿಂಜ ಒರ್ ವಾಣಿ ಬಾತ್; ಅದ್: ದೇವಡ ಸೇವಕಂಗಳೇ, ಅಂವೊಂಗ್ ಬೊತ್ತಿತ್ ನಡ್‍ಪ ಚೆರಿಯಯಿಂಗಳೇ, ಬಲ್ಯಂಗಳೇ ನಿಂಗ ಎಲ್ಲಾರು ದೇವನ ತುದಿಚಿತ್ ಕೊಂಡಾಡೀಂದ್ ಎಣ್ಣ್‌ಚಿ. 6 ಅಕ್ಕ, ಬಲ್ಯ ಗುಂಪ್ ಗುಂಪಾನ ಜನ ಮಾಡ್‌ವ ಸದ್ದ್‌ರನೆಕೆಯು, ದುಂಬ ನೀರ್ ಚಾಡಿತ್ ಬಪ್ಪ ಸದ್ದ್‌ರನೆಕೆಯು, ಬಲ್ಯ ಗುಡ್‍ಗ್ ಬಪ್ಪ ಸದ್ದ್‌ರನೆಕೆಯು ಒರ್ ಸದ್ದ್ ನಾಕ್ ಕ್‍ೕಟತ್. ಹಲ್ಲೆಲೂಯ, ಸರ್ವ ಶಕ್ತಿವಂತಂವೊನಾಯಿತುಳ್ಳ ಒಡೆಯನಾನ ನಂಗಡ ದೇವ ಆಳಿಯಂಡುಂಡ್. 7 ನಂಗ ಕುಶಿಪಟ್ಟಿತ್, ಕೊಂಡಾಡಿತ್ ಅಂವೊಂಗ್ ಮಹಿಮೆ ಅರ್ಪಿಚಿಡನ. ಕೊರಿಕುಟ್ಟಿಯಾನವೊಂಡ ಮಂಗಲ ಬಾತ್, ಅಂವೊಂಡ ಪೊಣ್ಣಾಪಕುಳ್ಳ ಮಂಗಲಕರ್ತಿ ಅವಳ ತಯಾರ್ ಮಾಡ್‍ಚೀಂದ್ ಎಣ್ಣ್‌ನದ್ ನಾಕ್ ಕ್‍ೕಟತ್. 8 ಶುದ್ದವಾಯಿತುಳ್ಳ ಮಿನ್ನುವ ನಾರ್ ಬಟ್ಟೇನ ಅವ ಇಡ್‌ವಕಾಯಿತ್ ಕೊಡ್‍ತತ್. ಆ ನಾರ್ ಬಟ್ಟೆ ಎಣ್ಣುವದ್ ಪವಿತ್ರವಾನ ದೇವಡ ಮಕ್ಕಡ ನೀತಿಯೇ. 9 ಇಂಞು ದೇವದೂತ ನನ್ನ ನೋಟಿತ್: ಕೊರಿಕುಟ್ಟಿಯಾನವೊಂಡ ಮಂಗಲತ್‍ರ ಗದ್ದಾಳಕ್ ಕಾಕ್‍ಚಿಟ್ಟಯಿಂಗ ಆಶೀರ್ವಾದ ಪಡ್ಂದಯಿಂಗ ಇನ್ನನೆ ಒಳ್‌ದ್‍ೕಂದ್ ಎಣ್ಣ್‌ಚಿ. ಇದ್ ದೇವಡ ಸತ್ಯವಾಯಿತುಳ್ಳ ತಕ್ಕ್‍ೕಂದ್ ಎಣ್ಣ್‌ಚಿ. 10 ಅಕ್ಕ ನಾನ್ ಅಯಿಂಗಕ್ ಅಡ್ಡ ಬುದ್ದಿತ್ ವಂದನೆ ಮಾಡಂಡೂಂದ್ ಕಾಲ್ ಪುಡ್‌ಚಿಯೆ. ಅಂವೊ ನನ್ನ ನೋಟಿತ್: ಅನ್ನನೆ ಮಾಡತೆ, ನಾನ್ ಸಹ ನೀಡ ಕೂಡೆ ಯೇಸುರ ವಿಷಯತ್ ಸಾಕ್ಷಿ ಕೊಡ್‍ತ ನೀಡ ಅಣ್ಣತಮ್ಮಣಂಗಡ ಕೂಡೆ ಒರ್ ಸೇವಕ; ದೇವಕ್ ಆರಾದನೆ ಮಾಡ್. ಯೇಸುರ ವಿಷಯತ್‍ರ ಸಾಕ್ಷಿ, ಪ್ರವಾದನೆರ ಆತ್ಮವಾಯಿತುಂಡ್‍ೕಂದ್ ಎಣ್ಣ್‌ಚಿ. ಬೊಳ್‍ತ ಕುದ್‌ರೇಲ್ ಅಳ್‍ತಂಡಿಂಜಂವೊ 11 ಪಿಂಞ, ಪರಲೋಕ ತೊರ್‌ಂದದ್‍ನ ನಾನ್ ಕಂಡಿಯೆ. ಅಕ್ಕ ಬೊಳ್‍ತ ಕುದ್‍ರೆನ ಕಾಂಬಕಾಚಿ. ಅದ್ಂಡಮೇಲೆ ಅಳ್‌ತಿತ್ ಇಂಜಂವೊಂಗ್, ನಂಬಿಕಸ್ತ ಪಿಂಞ ಸತ್ಯವಂತಂವೋಂದ್ ಪೆದ ಇಂಜತ್. ಅಂವೊ ನೀತಿಯಿಂಜ ನ್ಯಾಯತೀರ್ಪ್ ಕೊಡ್‌ತಿತ್ ಯುದ್ದ ಮಾಡ್‌ವಂವೊನಾಯಿತ್ಂಜತ್. 12 ಅಂವೊಂಡ ಕಣ್ಣ್ ಚುಟ್ಟ್ ಪೋಪ ತಿತ್ತ್‌ರ ಜ್ವಾಲತ್‌ರನೆಕೆ ಇಂಜತ್, ಅಂವೊಂಡ ಮಂಡೆರ ಮೇಲೆ ದುಂಬ ಕಿರೀಟ ಇಂಜತ್; ಅಂವೊನ ಬುಟ್ಟಿತ್ ಬೋರೆ ದಾರ್‌ಕು ಗೊತ್ತಿಲ್ಲತ ಒರ್ ಪೆದ ಅಂವೊಂಡ ಮೇಲೆ ಒಳ್‍ದಿತ್ಂಜತ್. 13 ಚೋರೆಲ್ ಮುಕ್ಕಿತ್ಂಜ ಬಟ್ಟೇನ ಇಟ್ಟಿತ್ಂಜತ್; ಅಂವೊಂಡ ಪೆದ ದೇವಡ ವಾಕ್ಯಾಂದ್ ಎಣ್ಣುವ. 14 ಪರಲೋಕತ್‍ಲ್ ಉಳ್ಳ ಸೈನಿಕಂಗ ಶುದ್ದವಾಯಿತ್ ಉಳ್ಳ ಬೊಳ್‍ತ ನಾರ್ ಬಟ್ಟೇನ ಇಟ್ಟಂಡ್, ಬೊಳ್‍ತ ಕುದ್‍ರೆರ ಮೇಲೆ ಅಳ್‌ತಂಡ್ ಅಂವೊಂಡ ಬಯ್ಯ ಬಪ್ಪಕಿಂಜತ್. 15 ದೇವಡ ಮಕ್ಕ ಅಲ್ಲತಯಿಂಗಳ ಕೊಲ್ಲ್‌ವಕಾಯಿತ್ ಅಂವೊಂಡ ಬಾಯಿಂಜ ಚೂಪಾಯಿತುಳ್ಳ ಕತ್ತಿ ಪೊರಟಿತ್ ಬಾತ್; ಇರ್‌ಂಬ್ ಕೋಲ್‍ರಗುಂಡ್ ಅಂವೊ ಅಯಿಂಗಳ ರಾಜ್ಯಬಾರ ಮಾಡ್‌ವ; ಅಂವೊ ಸರ್ವ ಶಕ್ತಿವಂತಂವೊನಾಯಿತುಳ್ಳ ದೇವಡ ಬಲ್ಯ ಚೆಡಿರ ಕಳ್ಳ್ ಉಳ್ಳ ದ್ರಾಕ್ಷಿ ಕುಂಡ್‍ಲ್ ಚೌಟ್‍ವ. 16 ಅಂವೊಂಡ ತೊಡೇರ ಮೇಲೆ ಪಿಂಞ ಬಟ್ಟೇರ ಮೇಲೆ ರಾಜಾದಿ ರಾಜ ದೇವಾದಿ ದೇವಾಂದ್ ಒಳ್‍ದಿತ್ಂಜತ್. 17 ಪಿಂಞ ಒರ್ ದೇವದೂತ, ಸೂರ್ಯಂಡ ಒಳ್‍ಲ್ ನಿಂದಂಡಿಪ್ಪದ್‌ನ ಕಂಡಿಯೆ. ಅಂವೊ, ಬಾನತ್‍ಲ್ ಪಾರುವ ಎಲ್ಲಾ ಪಕ್ಷಿಯಳ ನೋಟಿತ್: 18 ನಿಂಗ, ರಾಜಂಗಡ ಯರ್ಚಿನ, ಸೇನಾದಿಪತಿಯಂಗಡ ಯರ್ಚಿನ, ಶಕ್ತಿವಂತಯಿಂಗಡ ಯರ್ಚಿನ, ಕುದ್‍ರೆರ ಯರ್ಚಿನ, ಅದ್ಂಡಮೇಲೆ ಅಳ್‌ತಂಡುಳ್ಳಯಿಂಗಡ ಯರ್ಚಿನ, ಸ್ವಾತಂತ್ರವಾನಯಿಂಗ, ಅಡಿಯಾಳ್‍ವ, ಚೆರಿಯಯಿಂಗ, ಬಲ್ಯಯಿಂಗ ಈಂಗಡ ಯರ್ಚಿನ ತಿಂಬಕಾಯಿತ್, ಮಹಾ ದೇವ ತಪ್ಪ ಗದ್ದಾಳಕ್ ಕೂಡಿತ್ ಬಾರೀಂದ್ ಬಲ್ಯ ಸದ್ದ್‌ಲ್ ಕೂತ್ ಕೊಡ್‍ತತ್. 19 ಪಿಂಞ, ಮೃಗವು, ಬೂಮಿರ ರಾಜಂಗಳು, ಅಯಿಂಗಡ ಸೈನೈ ಎಲ್ಲಾರು, ಕುದ್‌ರೇಲ್ ಅಳ್‌ತಿತ್ ಇಂಞು ಅಂವೊಂಡ ಕೂಡೆ ಪಿಂಞ ಅಂವೊಂಡ ಸೈನ್ಯತ್‍ರ ಕೂಡೆ ಯುದ್ದ ಮಾಡ್‌ವಕ್ ಕೂಡಿತ್ ಬಪ್ಪಾನ ಕಂಡಿಯೆ. 20 ಅಕ್ಕ ಆ ಮೃಗತ್‍ನ ಪುಡ್‍ಚತ್; ಅದ್ಂಡ ಮಿಂಞತ್‍ಲ್ ಮಾಡ್‍ನ ಅದ್ಬುತ ಕಾರ್ಯತ್‍ನಗುಂಡ್, ಅದ್ಂಡ ಮುದ್ರೆನ ಇಟ್ಟಯಿಂಗಳ, ಅದ್ಂಡ ವಿಗ್ರಹತ್‍ನ ಆರಾದನೆ ಮಾಡ್‍ನಯಿಂಗಳ ಪಿಂಞ ಮೋಸ ಮಾಡ್‍ನ ಕಳ್ಳ ಪ್ರವಾದಿನ ಸಹ ಪುಡ್‌ಚಿರ್‌ತ್. ಜೀವತ್‍ಲ್ ಇಪ್ಪಕಲೆ ಈ ದಂಡಾಳ್‌ನ ಗಂಧಕ ಕತ್ತಿಯಂಡುಳ್ಳ ತಿತ್ತ್‌ರ ಕಡಲ್‍ಲ್ ಇಟ್ಟತ್. 21 ಬಾಕಿ ಉಳ್ಳಯಿಂಗ ಕುದ್‌ರೇಲ್ ಅಳ್‌ತಿತ್ ಉಳ್ಳಂವೊಂಡ ಬಾಯಿಂಜ ಬಂದ ಬಾಳ್‍ರಗುಂಡ್ ಚತ್ತತ್; ಅಯಿಂಗಡ ಯರ್ಚಿರಗುಂಡ್ ಪಕ್ಷಿಯಡ ಕೆಲ ದುಂಬ್‍ಚಿ. |
© 2017, New Life Literature (NLL)