ಆದ್ಯತ್‌ರ ಪುಸ್ತಕ 5 - ಕೊಡವ ಬೈಬಲ್ಆದಾಮಂಡ ಸಂತಾನಕಾರಂಗ 1 ಆದಾಮಂಡ ವಂಶಾವಳಿರ ನೇಮ. ದೇವ ಮನುಷ್ಯನ ಸೃಷ್ಟಿ ಮಾಡ್‌ವ ದಿವಸತ್‌ಲ್‌ ದೇವಡ ರೂಪತ್‌ಲ್‌ ಉಂಟ್ ಮಾಡ್‌ಚಿ. 2 ಅಯಿಂಗಳ ಆಣಾಳ್‌ ಪೊಣ್ಣಾಳಾಯಿತ್‌ ಸೃಷ್ಟಿ ಮಾಡ್‌ತ್, ಅಯಿಂಗಳ ಆಶೀರ್ವಾದ ಮಾಡ್‌ಚಿ. ಅಂವೊ ಅಯಿಂಗಳ ಸೃಷ್ಟಿ ಮಾಡ್‌ವಕ ಅಯಿಂಗಳ ಮನುಷ್ಯಾಂದ್‌ ಕಾಕ್‌ಚಿ. 3 ಆದಾಮಂಗ್‌ ನೂಟ್ಯ ನುಪ್ಪದ್‌ ವಯಸ್ಸ್‌ ಇಪ್ಪಕ ತಾಂಡ ರೂಪತ್‌ಲ್‌ ಮೋಂವೊ ಪುಟ್ಟಚ್‍ ಅಂವೊಂಗ್‌ ಸೇತಾಂದ್‌ ಪೆದ ಬೆಚ್ಚತ್. 4 ಸೇತ ಪುಟ್ಟ್‌ನ ಪಿಂಞ ಆದಾಮ ಇಂಞು ಎಟ್ಟ್‌ ನೂರ್‌ ಕಾಲ ಬದ್ಕಿತ್ ಬೋರೆ ಕ್‌ಣ್ಣ ಮಕ್ಕಳ ಮೂಡಿ ಮಕ್ಕಳ ಪೆತ್ತತ್. 5 ಆದಾಮ ಒಟ್ಟ್‌ ಒಂಬೈನೂಟ್ಯ ನುಪ್ಪದ್‌ ಕಾಲ ಬದ್‌ಕಿತಿಂಜತ್, ಪಿಂಞ ಚತ್ತ್‌ ಪೋಚಿ. 6 ಸೇತಂಗ್‌ ನೂಟ್ಯ ಅಂಜ್ ವಯಸ್ಸ್‌ ಇಪ್ಪಕ ಎನೋಷ ಪುಟ್ಟ್‌ಚಿ. 7 ಎನೋಷ ಪುಟ್ಟ್‌ನ ಪಿಂಞ ಸೇತ ಇಂಞು ಎಟ್ಟ್‌ ನೂಟ್ಯ ಏಳ್‌ ಕಾಲ ಬದ್ಕಿತ್, ಬೋರೆ ಕ್‌ಣ್ಣ ಮಕ್ಕಳ ಮೂಡಿ ಮಕ್ಕಳ ಪೆತ್ತತ್. 8 ಸೇತ ಒಟ್ಟ್‌ ಒಂಬೈನೂಟ್ಯ ಪನ್ನೆರಂಡ್‌ ಕಾಲ ಬದ್‌ಕಿತಿಂಜತ್, ಪಿಂಞ ಚತ್ತ್‌ ಪೋಚಿ. 9 ಎನೋಷಂಗ್‌ ತೊಂಬದ್‌ ವಯಸ್ಸ್‌ ಇಪ್ಪಕ ಕೇನಾನ ಪುಟ್ಟ್‌ಚಿ. 10 ಕೇನಾನ ಪುಟ್ಟ್‌ನ ಪಿಂಞ ಎನೋಷ ಇಂಞು ಎಟ್ಟ್‌ ನೂಟ್ಯ ಪದಿನಂಜಿ ಕಾಲ ಬದ್ಕಿತ್ ಬೋರೆ ಕ್‌ಣ್ಣ ಮಕ್ಕಳ ಮೂಡಿ ಮಕ್ಕಳ ಪೆತ್ತತ್. 11 ಏನೋಷ ಒಟ್ಟ್‌ ಒಂಬೈ ನೂಟ್ಯ ಅಂಜ್ ಕಾಲ ಬದ್‌ಕಿತಿಂಜತ್, ಪಿಂಞ ಚತ್ತ್‌ ಪೋಚಿ. 12 ಕೇನಾನಂಗ್‌ ಎಳ್‌ವದ್‌ ವಯಸ್ಸ್‌ ಇಪ್ಪಕ ಮಹಲಲೇಲ ಪುಟ್ಟ್‌ಚಿ. 13 ಮಹಲಲೇಲ ಪುಟ್ಟ್‌ನ ಪಿಂಞ ಕೇನಾನ ಇಂಞು ಎಟ್ಟ್‌ ನೂಟ್ಯ ನಾಪ್ಪದ್‌ ಕಾಲ ಬದ್ಕಿತ್ ಬೋರೆ ಕ್‌ಣ್ಣ ಮಕ್ಕಳ ಮೂಡಿ ಮಕ್ಕಳ ಪೆತ್ತತ್. 14 ಕೇನಾನ ಒಟ್ಟ್‌ ಒಂಬೈ ನೂಟ್ಯ ಪತ್ತ್‌ ಕಾಲ ಬದ್‌ಕಿತಿಂಜತ್, ಪಿಂಞ ಚತ್ತ್‌ ಪೋಚಿ. 15 ಮಹಲಲೇಲಂಗ್‌ ಅರುವತಂಜಿ ವಯಸ್ಸ್‌ ಇಪ್ಪಕ ಯೆರೆದ ಪುಟ್ಟ್‌ಚಿ. 16 ಯೆರೆದ ಪುಟ್ಟ್‌ನ ಪಿಂಞ ಮಹಲಲೇಲ ಇಂಞು ಎಟ್ಟ್‌ ನೂಟ್ಯ ನುಪ್ಪದ್‌ ಕಾಲ ಬದ್ಕಿತ್ ಬೋರೆ ಕ್‌ಣ್ಣ ಮಕ್ಕಳ ಮೂಡಿ ಮಕ್ಕಳ ಪೆತ್ತತ್. 17 ಮಹಲಲೇಲ ಒಟ್ಟ್‌ ಎಟ್ಟ್‌ ನೂಟ್ಯ ತೊಂಬತಂಜಿ ಕಾಲ ಬದ್‌ಕಿತಿಂಜತ್, ಪಿಂಞ ಚತ್ತ್‌ ಪೋಚಿ. 18 ಯೆರೆದಂಗ್‌ ನೂಟ್ಯ ಅರವದಂಡ್‌ ವಯಸ್ಸ್‌ ಇಪ್ಪಕ ಹನೋಕ ಪುಟ್ಟ್‌ಚಿ. 19 ಹನೋಕ ಪುಟ್ಟ್‌ನ ಪಿಂಞ ಯೆರೆದ ಇಂಞು ಎಟ್ಟ್‌ ನೂರ್‌ ಕಾಲ ಬದ್ಕಿತ್ ಬೋರೆ ಕ್‌ಣ್ಣ ಮಕ್ಕಳ ಮೂಡಿ ಮಕ್ಕಳ ಪೆತ್ತತ್. 20 ಯೆರೆದ ಒಟ್ಟ್‌ ಒಂಬೈ ನೂಟ್ಯ ಅರವದಂಡ್‌ ಕಾಲ ಬದ್‌ಕಿತಿಂಜತ್, ಪಿಂಞ ಚತ್ತ್‌ ಪೋಚಿ. 21 ಹನೋಕಂಗ್‌ ಅರವತಂಜಿ ವಯಸ್ಸ್‌ ಇಪ್ಪಕ ಮೆತೂಷೆಲ ಪುಟ್ಟ್‌ಚಿ. 22 ಮೆತೂಷೆಲ ಪುಟ್ಟ್‌ನ ಪಿಂಞ ಹನೋಕ ದೇವಡ ಕೂಡೆ ದುಂಬ ಐಕ್ಯತ್‌ಲ್‌ ನಡಂದಂಡಿಜಂಡ್‌ ಇಂಞು ಮುನ್ನೂರ್‌ ಕಾಲ ಬದ್ಕಿತ್ ಬೋರೆ ಕ್‌ಣ್ಣ ಮಕ್ಕಳ ಮೂಡಿ ಮಕ್ಕಳ ಪೆತ್ತತ್. 23 ಹನೋಕ ಒಟ್ಟ್‌ ಮುನ್ನೂಟ್ಯ ಅರವತಂಜಿ ಕಾಲ ಬದ್‌ಕ್‌ಚಿ. 24 ಹನೋಕ ದೇವಡ ಕೂಡೆ ದುಂಬ ಐಕ್ಯತ್‌ಲ್‌ ನಡಂದಂಡ್‌ ಬದ್‌ಕ್‌ಚಿ. ಅನ್ನನೆ ಒರ್‌ ದಿವಸ ದೇವ ಅಂವೊನ ಕಾಕ್‌ನಗುಂಡ್‌ ಅಂವೊ ಕಾಂಗತೆ ಆಯಿ ಪೋಚಿ. 25 ಮೆತೂಷೆಲಂಗ್‌ ನೂಟ್ಯ ಎಂಬತ್‍ೕಳ್‌ ವಯಸ್ಸ್‌ ಇಪ್ಪಕ ಲೆಮೆಕ ಪುಟ್ಟ್‌ಚಿ. 26 ಲೆಮೆಕ ಪುಟ್ಟ್‌ನ ಪಿಂಞ ಮೆತೂಷೆಲ ಇಂಞು ಏಳ್‌ ನೂಟ್ಯ ಎಂಬದಂಡ್‌ ಕಾಲ ಬದ್ಕಿತ್ ಬೋರೆ ಕ್‌ಣ್ಣ ಮಕ್ಕಳ ಮೂಡಿ ಮಕ್ಕಳ ಪೆತ್ತತ್. 27 ಮೆತೂಷೆಲ ಒಟ್ಟ್‌ ಒಂಬೈನೂಟ್ಯ ಅರವತೊಯಿಂಬದ್‌ ಕಾಲ ಬದ್‌ಕಿತಿಂಜತ್, ಪಿಂಞ ಚತ್ತ್‌ ಪೋಚಿ. 28 ಲೆಮೆಕಂಗ್‌ ನೂಟ್ಯ ಎಂಬದಂಡ್‌ ವಯಸ್ಸ್‌ ಇಪ್ಪಕ ಒರ್‌ ಮೋಂವೊ ಪುಟ್ಟ್‌ಚಿ. 29 ಲೆಮೆಕ: ಯೆಹೋವ ಶಾಪ ಇಟ್ಟ ಈ ಬೂಮಿಯಿಂಜ ನಂಗಕ್‌ ಆನ ಕಷ್ಟ ಪಿಂಞ ಶ್ರಮತ್ತಿಂಜ ಈ ಮೋಂವೊ ನಂಗಕ್‌ ಸಮಾದಾನ ಕೊಂಡ ಬಪ್ಪಾಂದ್‌ ಎಣ್ಣಿತ್‌ ಅಂವೊಂಗ್‌ ನೋಹಾಂದ್‌ ಪೆದ ಬೆಚ್ಚತ್. 30 ನೋಹ ಪುಟ್ಟ್‌ನ ಪಿಂಞ ಲೆಮೆಕ ಇಂಞು ಅಂಞೂಟ್ಯ ತೊಂಬತಂಜಿ ಕಾಲ ಬದ್ಕಿತ್ ಬೋರೆ ಕ್‌ಣ್ಣ ಮಕ್ಕಳ ಮೂಡಿ ಮಕ್ಕಳ ಪೆತ್ತತ್. 31 ಲೆಮೆಕ ಒಟ್ಟ್‌ ಏಳ್‌ ನೂಟ್ಯ ಎಳ್‌ವತ್‍ೕಳ್‌ ಕಾಲ ಬದ್‌ಕಿತಿಂಜತ್, ಪಿಂಞ ಚತ್ತ್‌ ಪೋಚಿ. 32 ನೋಹಂಗ್‌ ಅಂಞೂರ್‌ ಕಾಲ ಇಪ್ಪಕ ಶೇಮ್, ಹಾಮ್, ಯೆಫೆತ್‌ ಎಣ್ಣುವ ಮೂಂದ್‌ ಕ್‌ಣ್ಣ ಮಕ್ಕ ಪುಟ್ಟ್‌ಚಿ. |
© 2017, New Life Literature (NLL)