ಆದ್ಯತ್‌ರ ಪುಸ್ತಕ 10 - ಕೊಡವ ಬೈಬಲ್ನೋಹಂಡ ಮಕ್ಕಡ ಸರಿತ್‌ರ 1 ನೋಹಂಡ ಮಕ್ಕ ಶೇಮ್, ಹಾಮ್, ಯೆಫೆತ್‌ರ ವಂಶತ್‌ರ ನೇಮ. ಜಲಪ್ರಳಯ ಆನ ಪಿಂಞ ಅಯಿಂಗಕ್‌ ದುಂಬ ಮಕ್ಕ ಪುಟ್ಟ್‌ಚಿ. 2 ಯೆಫೆತ್‌ರ ಸಂತಾನಕಾರ ದಾರ್‌ಂದ್‌ ಎಣ್ಣ್‌ಚೇಂಗಿ: ಗೋಮೆರ್, ಮಾಗೋಗ್, ಮಾದಯ್, ಯಾವಾನ್, ತೂಬಲ್, ಮೆಷೆಕ್, ತೀರಾಸ್ ಎಣ್ಣುವಯಿಂಗಳೇ. 3 ಗೋಮೆರ್‌ಂಡ ಸಂತಾನಕಾರ ಅಷ್ಕೆನಸ್, ರೀಫತ್, ತೋಗರ್ಮ ಎಣ್ಣುವಯಿಂಗಳೇ. 4 ಯಾವಾನ್‌ಂಡ ಸಂತಾನಕಾರ ಎಲೀಷಾ, ತಾರ್ಷೀಷ್, ಕಿತ್ತೀಮ್, ದೋದಾ ಎಣ್ಣುವಯಿಂಗಳೇ. 5 ಈಂಗಡ ಸಂತಾನತ್‌ಂಜ ಕಡಕರೆರ ಜನ ಪಬ್ಬ್‌ಚಿ. ಈಂಗಳೇ ಯೆಫೆತ್‌ರ ಸಂತಾನಕಾರ, ಅಯಿಂಗಯಿಂಗಡ ಬಾಷೆರೆ, ಒಕ್ಕತ್‌ರ ಪಿಂಞ ದೇಶತ್‌ರ ಪ್ರಕಾರ ವಾಸ ಮಾಡಿಯಂಡಿಂಜತ್. 6 ಹಾಮಂಡ ಸಂತಾನಕಾರ ಕೂಷ್, ಮಿಚ್ರಯಿಮ್, ಪೂತ್, ಕಾನಾನ್‌ ಎಣ್ಣುವಯಿಂಗಳೇ. 7 ಕೂಷಂಡ ಸಂತಾನಕಾರ ಸೇಬಾ, ಹವೀಲ, ಸಬ್ತಾ, ರಗ್ಮ, ಸಬ್ತಕಾ ಎಣ್ಣುವಯಿಂಗಳೇ. ರಗ್ಮಂಡ ಸಂತಾನಕಾರ ಶೆಬಾ, ದೆದಾನ್‌ ಎಣ್ಣುವಯಿಂಗಳೇ. 8 ಕೂಷ್ ನಿಮ್ರೋದಂಡ ಪೂರ್ವ ಜನವಾಯಿತ್‌ಂಜತ್. ಅಂವೊನೇ ಈ ಬೂಮಿರ ಮೇಲೆ ಆದ್ಯ ಪರಾಕ್ರಮ ರಾಜನಾಯಿತ್‌ಂಜತ್. 9 ಅಂವೊ ಬಲ್ಯ ಬೋಟೆಕಾರನಯಿತ್‌ಂಜತ್. ಅದಂಗೇ: ನಿಮ್ರೋದ ಯೆಹೋವಂಡ ಮಿಂಞತ್‌ ಉಳ್ಳ ಬಲ್ಯ ಬೋಟೆಕಾರಾಂದ್‌ ಎಣ್ಣುವ ಗಾದೆನ ಜನ ಇಕ್ಕಲು ಎಣ್ಣುವ ಅಲ್ಲ. 10 ಶಿನಾರ್‌ ದೇಶತ್‌ಲ್‌ ಉಳ್ಳ ಬಾಬೇಲ್, ಯೆರೆಕ್, ಅಕ್ಕದ್, ಕಲ್‌ನೇ ಎಣ್ಣುವ ಪಟ್ಟಣತ್‌ಲೇ ಅಂವೊಂಡ ಆದ್ಯ ರಾಜ್ಯವಾಯಿತಿಂಜತ್. 11 ಅಂವೊ ಆ ದೇಶತ್‌ಂಜ ಪೊರಟಿತ್‌ ಅಶ್ಯೂರ್ ದೇಶತ್‌ಲ್‌ ನಿನೆವ ರೆಹೋಬೋತೀರ್, ಕೆಲಹ ಎಣ್ಣುವ ಪಟ್ಟಣತ್‌ನ, 12 ನಿನೆವೆಕ್‌ ಪಿಂಞ ಕೆಲಹಕ್‌ ಮದ್ಯತ್‌ ಉಳ್ಳ ತಾಂಡ ರಾಜ್ಯಕ್‌ ಮುಖ್ಯ ಪಟ್ಟಣವಾನ ರೆಸೆನ್‌ ಪಟ್ಟಣತ್‌ನ ಕಟ್ಟ್‌ಚಿ. 13-14 ಮಿಚ್ರಯಿಮ್ಯಯಿಂಜ ಲೂದ್ಯರಯಿಂಗ, ಅನಾಮ್ಯರಯಿಂಗ, ಲೆಹಾಬ್ಯರಯಿಂಗ, ನಫ್ತುಹ್ಯರಯಿಂಗ, ಪತ್‌ರುಸ್ಯರಯಿಂಗ, ಕಸ್ಲುಹ್ಯರಯಿಂಗ, ಕಫ್ತೋರ್ಯರಯಿಂಗ ಪುಟ್ಟ್‌ಚಿ. ಕಸ್ಲುಹ್ಯರಯಿಂಗಡಗುಂಡ್‌ ಫಿಲಿಷ್ಟಿರಯಿಂಗ ಪುಟ್ಟ್‌ಚಿ. 15 ಕಾನಾನ್‌ ವಂಶತ್‌ರ ಪೆರಿಯ ಮೋಂವೊ ಸೀದೋನ್; ಅಂವೊ ಸೀದೋನ್ ಪಿಂಞ ಹೇತ್‌ ಸಂತಾನಕಾರಕ್‌ ಪೂರ್ವಜನವಾಚಿ. 16 ಇದಲ್ಲಾತೆ ಯೆಬೂಸಿಯರ್‌ಂಗ, ಅಮೋರಿಯರ್‌ಂಗ, ಗಿರ್‌ಗಾಷಿಯರ್‌ಂಗಕ್‌ ಕಾನಾನ್‌ ಪೂರ್ವಜನವಾಚಿ. 17 ಹಿವ್ವಿಯರ್‌ಂಗ, ಅರ್‌ಕಿಯರ್‌ಂಗ, ಸೀನಿಯರ್‌ಂಗ ಕಾನಾನ್‌ಂಜ ಪುಟ್ಟ್‌ನಯಿಂಗ. 18 ಅರ್ವಾದಿಯರ್‌ಂಗ, ಚೆಮಾರಿಯರ್‌ಂಗ, ಹಮಾತಿಯರ್‌ಂಗ ಕಾನಾನ್‌ಂಜ ಪುಟ್ಟ್‌ನಯಿಂಗ. ಬಯ್ಯ ಈ ಕಾನಾನ್‌ ವಂಶಕಾರಂಗ ಎಲ್ಲಾ ಕಡೆಕು ಪಬ್ಬ್‌ಚಿ. 19 ಕಾನಾನ್‌ರ ಸೀಮೆ ಸೀದೋನ್ ಪಟ್ಟಣತ್‌ಂಜ ಗಾಜಾ ಪಟ್ಟಣತ್‌ರ ಬರಿಲ್‌ ಉಳ್ಳ ಗೆರಾರಿಕತ್ತನೆ ಪಿಂಞ ಸೊದೋಮ್, ಗೊಮೋರ, ಅದ್ಮಾ, ಪಿಂಞ ಲೆಷಾಕಕ್‌ ಪಕ್ಕತುಳ್ಳ ಚೆಬೋಯಿಮ್‌ ಎಣ್ಣ್‌ವ ಪಟ್ಟಣಕತ್ತನೆ ಇಂಜತ್. 20 ಈಂಗಳೇ ಅಯಿಂಗಡ ರಾಜ್ಯತ್‌ರ ಪಿಂಞ ಜಾತಿಯರ ಪ್ರಕಾರ ಪಿಂಞ ಕುಲ ಬಾಷೆ ದೇಶ ಜನಾಂಗತ್‌ರ ಪ್ರಕಾರ ಇಯಂಗಳೆ ಹಾಮಂಡ ವಂಶಕಾರಂಗ. ಶೇಮಂಡ ವಂಶಕಾರ: 21 ಏಬೇರಂಗಕ್‌ ಕಾರನೋನಾಯಿತಿಂಜ ಯೆಫೆತ್‍ಕ್ ಅಣ್ಣನಾಯಿತ್ತಿಂಜ ಶೇಮಂಗ್‌ ಸಹ ಸಂತನವಾಚಿ. 22 ಏಲಾಮ್, ಅಶ್ಯೂರ್, ಅರ್ಪಕ್ಷದ್, ಲೂದ್, ಅರಾಮ್‌ ಎಣ್ಣ್‌ವಯಿಂಗಳೆ ಶೇಮಂಡ ಮಕ್ಕ. 23 ಅರಾಮ್‌ ಸಂತಾನಕಾರ ಊಸ್, ಹೂಲ್, ಗೆತೆರ್, ಮಷ್ ಎಣ್ಣ್‌ವಯಿಂಗಳೇ 24 ಅರ್ಪಕ್ಷದ್‌ನಿಂಜ ಶೆಲಹ, ಶೆಲಹಡಿಂಜ ಎಬರ ಪುಟ್ಟ್‌ಚಿ. 25 ಎಬರಂಗ್‌ ದಂಡ್‌ ಕ್‌ಣ್ಣ ಮಕ್ಕ ಪುಟ್ಟ್‌ಚಿ. ಒಬ್ಬಂಗ್‌ ಪೆಲೆಗ ಎಣ್ಣುವ ಪೆದ; ಅಂವೊಂಡ ಕಾಲತ್‌ಲ್‌ ಬೂಮಿಲ್‌ ಇಂಜ ಜನಾಂಗ ಬೋರೆ ಬೋರೆ ಆಚಿ. ಅಂವೊಂಡ ತಮ್ಮಣಂಡ ಪೆದ ಯೊಕ್ತಾನ್. 26-27 ಯೊಕ್ತಾನ್ ಸಂತಾನಕಾರ ಅಲ್‌ಮೋದಾದ್, ಶೆಲೆಪ್, ಹಚರ್ಮಾವೆತ್‌ ಯೆರಹ, ಹದೋರಾಮ್, ಊಜಾಲ್, ದಿಕ್ಲಾ, 28 ಓಬಾಲ್, ಅಬೀಮಯೇಲ್, ಶೆಬಾ, 29 ಓಫೀರ್, ಹವೀಲ, ಯೊಬಾಬ್ ಎಣ್ಣ್‌ವಯಿಂಗಳೇ. ಈ ಎಲ್ಲಾ ಸಂತಾನ ಯೊಕ್ತಾನ್ನಿಂಜ ಪುಟ್ಟ್‌ಚಿ. 30 ಅಯಿಂಗ ವಾಸ ಮಾಡಿಯಂಡ್‌ ಇಂಜ ಜಾಗ ಮೇಶಾ ಸೀಮೆಯಂಜ ಪುಡಿಚಿತ್‌ ಸೆಫಾರ್‌ ಎಣ್ಣುವ ಕುಂದ್‌ ಜಾಗಕ್ಕತ್ತನೆಕ್‌ ಇಂಜತ್. 31 ಈಂಗಳೇ ಅಯಿಂಗಡ ರಾಜ್ಯತ್‌ರ ಪಿಂಞ ಜಾತಿಯರ ಪ್ರಕಾರ ಪಿಂಞ ಕುಲ ಬಾಷೆ ದೇಶ ಜನಾಂಗತ್‌ರ ಪ್ರಕಾರ ಇಯಂಗಳೆ ಹಾಮಂಡ ವಂಶಕಾರಂಗ. 32 ಅಯಿಂಗಯಿಂಗಡ ಕುಲ ಬಾಷೆ ದೇಶ ಜನಾಂಗತ್‌ರ ಪ್ರಕಾರ ಈಂಗಳೇ ನೋಹಂಡ ವಂಶಕಾರಂಗ. ಜಲಪ್ರಳಯ ಆನ ಪಿಂಞ ಬೂಮಿರ ಮೇಲೆ ಪಬ್ಬ್‌ನ ಜನಾಂಗ ಈಂಗಳೇ. |
© 2017, New Life Literature (NLL)