ಎಸ್ತೆರ್‌ 10 - ಕೊಡವ ಬೈಬಲ್ಅಹಶ್ವೇರೋಷ ಮೊರ್ದೆಕೈನ ಗೌರವ ಪಡ್‌ತ್‌ವದ್‌ 1 ರಾಜನಾನ ಅಹಷ್ವೇರೋಷ ತಾಂಡ ಇಡೀ ದೇಶಕು, ದೂರತ್‌ ಇಂಜ ಸಮುದ್ರತ್‌ರ ದ್ವೀಪಕೂ ಕಂದಾಯ ಕೆಟ್ಟ್‌ವನೆಕೆ ಮಾಡ್‌ಚಿ. 2 ಅಂವೊಂಡ ಬಲವು ಪರಾಕ್ರಮವು ಉಳ್ಳ ಕಾರ್ಯವು, ರಾಜಂಡ ಕೈಯಿಂಜ ಮೊರ್ದೆಕೈಕ್‌ ಕ್‌ಟ್ಟ್‌ನ ಬಲ್ಯ ಸ್ತಾನ, ಗೌರವತ್‌ರ ವಿಷಯನೆಲ್ಲ ಮೇದ್ಯ ಪಿಂಞ ಪಾರಸಿಯ ರಾಜಂಗಡ ಆಳ್‌ವಿಕೆರ ಕಾಲತ್‌ಲ್‌ ನಡ್‌ಪ ಮುಕ್ಯಪಟ್ಟ ವಿಷಯತ್‌ನ ಒಳ್‌ದಿ ಬೆಪ್ಪ ಪುಸ್ತಕತ್‌ಲ್‌ ಒಳದಿ ಬೆಚ್ಚಿತುಂಡ್. 3 ಯೆಹೂದ್ಯನಾನ ಮೊರ್ದೆಕೈ, ರಾಜನಾನ ಅಹಷ್ವೇರೋಷಂಗಿಂಜ ದಂಡನೆ ಸ್ತಾನತು, ಯೆಹೂದ್ಯ ಜನಡ ಮದ್ಯತ್‌ ದುಂಬ ಮರ್ಯಾದಸ್ತನಾಯಿತು, ತಾಂಡ ಬಲ್ಯ ಬೆಂದ್‌ಕಡ ಗುಂಪ್ ಅಂವೊನ ಪ್ರೀತಿಚಡುವಂವೊನಾಯಿತು ಇಪ್ಪದ್‌ ಅಲ್ಲತೆ, ತಾಂಡ ಜನಕ್‌ ನಲ್ಲದ್‌ನ ಬಯಂದಿತ್, ತಾಂಡ ಕುಲತ್‌ರ ಜನಕ್‌ ಸಮಾದಾನ ಕ್‌ಟ್ಟ್‌ವನೆಕೆ ತಕ್ಕ್‌ ಪರಿಯುವಂವೊನಾಯಿತು ಇಂಜತ್. |
© 2017, New Life Literature (NLL)