1 ಯೋಹಾನ 1 - ಕೊಡವ ಬೈಬಲ್ಜೀವಡ ತಕ್ಕ್ 1 ನಂಗ ನಿಂಗಕ್ ಒಳ್‍ದ್‍ವ ಜೀವತ್‍ರ ತಕ್ಕ್‌ರ ವಿಷಯ ಆದಿಯಿಂಜಲೆ ಬಂದದ್. ಅದ್‍ನ ನಂಗ ನಂಗಡ ಕೆಮಿಲ್ ಕ್‍ೕಟಿತ್ ಕಣ್ಣಾರೆ ಕಂಡಿತುಂಡ್; ಅಕ್ಕು, ನಂಗ ಅದ್‍ನ ನೋಟಿತ್, ನಂಗಡ ಕೈಯಿಂಜ ಮುಟ್ಟಿತುಂಡ್. 2 ಆ ಜೀವ ಕಾಂಬಕಾಚಿ, ನಂಗ ಅದ್‍ನ ಕಂಡಿತ್ ಸಾಕ್ಷಿ ತಪ್ಪ. ಆನಗುಂಡ್, ನಂಗಕ್ ಗೊತ್ತ್ ಮಾಡಿತ್ ಅರಿಚಿಟ್ಟ ಅಪ್ಪನಾನ ದೇವಡ ಕೂಡೆ ಇಂಜ ನಿತ್ಯ ಜೀವತ್‍ರ ವಿಷಯತ್‍ನ ನಿಂಗಕ್ ಎಣ್ಣ್‌ವಿ. 3 ಅಪ್ಪಂಡ ಪಿಂಞ ಮೋಂವೊನಾನ ಯೇಸು ಕ್ರಿಸ್ತಂಡಲ್ಲಿ ನಂಗಕ್ ಉಳ್ಳ ಐಕ್ಯತ್‍ಲ್ ನಿಂಗಳು ಕೂಡಂಡೂಂದ್ ನಂಗ ಕಂಡಾನ ಕ್‍ೕಟಾನ ನಿಂಗಕ್ ಎಣ್ಣಿ ತಪ್ಪ. 4 ನಂಗಡ ಈ ಸಂತೋಷ ಪೂರ್ತಿ ಆಂಡೂಂದ್ ನಿಂಗಕ್ ಒಳ್‍ದ್‍ವ. ದೇವಡ ಬೊಳಿಲ್ ಬದ್‍ಕ್‍ವದ್ 5 ದೇವ ಬೊಳಿಯಾಯಿತುಂಡ್. ಅಂವೊಂಡಲ್ಲಿ ಇರ್‌ಟ್‌ಂದ್ ಎಣ್ಣ್‌ವದೇ ಇಲ್ಲೆ; ಇದ್ ನಂಗ ಯೇಸು ಕ್ರಿಸ್ತಯಿಂಜ ಕ್‍ೕಟಗುಂಡ್, ನಿಂಗಕ್ ಅರಿಚಿಟ್ಟಡುಂಡ್. 6 ನಂಗ ದೇವಡ ಕೂಡೆ ಐಕ್ಯತ್‍ಲ್ ಉಂಡ್‍ೕಂದ್ ಎಣ್ಣ್‌ಚೇಂಗಿಯು, ಇರ್‌ಟ್‌ಲ್ ನಡ್‍ಪಯಿಂಗಳಾಯಿತುಂಡೇಂಗಿ ನಂಗ ಸತ್ಯತ್‍ಲ್ ನಡ್‍ಕತೆ ಪೊಟ್ಟ್ ಪರಿಯುವಂಗಳಾಯಿತುಂಡ್. ಪುದಿಯ ಆಜ್ಞೆ 7 ಆಚೇಂಗಿ, ದೇವ ಬೊಳಿಲ್ ಉಳ್ಳನೆಕೆ ನಂಗಳು ಬೊಳಿಳ್ ನಡ್ಂದತೇಂಗಿ, ಅಕ್ಕ ನಂಗ ಒಬ್ಬೊಬ್ಬಂಡ ಕೂಡೆ ಐಕ್ಯತ್‍ಲ್ ಉಂಡ್‍ೕಂದ್ ಆಪ; ದೇವಡ ಮೋಂವೊನಾನ ಯೇಸು ಕ್ರಿಸ್ತಂಡ ಚೋರೆ ನಂಗಡ ಸಕಲ ಪಾಪತ್‍ನ ಶುದ್ದ ಮಾಡ್‌ವ. 8 ಆಚೇಂಗಿ ನಂಗ ನಂಗಡಲ್ಲಿ ಪಾಪ ಇಲ್ಲೇಂದ್ ಎಣ್ಣ್‌ಚೇಂಗಿ ನಂಗಳ ನಂಗಳೇ ಮೋಸ ಮಾಡ್‌ವನೆಕೆ. ಅಕ್ಕ ಸತ್ಯ ನಂಗಡ ಒಳ್‍ಲ್ ಇಲ್ಲೆ. 9 ನಂಗ ನಂಗಡ ಪಾಪತ್‍ನ ನೇರಾಯಿತ್ ಅಂವೊಂಡ ಪಕ್ಕ ಒತ್ತಂಡತೇಂಗಿ, ದೇವ ಅಂವೊಂಡ ತಕ್ಕ್‌ನ ಮೀರತೆ, ನಂಗಡ ಪಾಪತ್‍ನ ಮನ್ನಿಚಿಟ್ಟಿತ್ ನಂಗಡಲ್ಲಿ ಉಳ್ಳ ಸಕಲ ಕೆಟ್ಟ ಗುಣತ್‍ನ ಶುದ್ದ ಮಾಡ್‌ವಕ್ ಅಂವೊ ನೀತಿವಂತಂವೊನಾಯಿತ್ ಉಂಡ್. 10 ನಂಗ ಪಾಪ ಮಾಡಿತ್‌ಲ್ಲೇಂದ್ ಎಣ್ಣ್‌ಚೇಂಗಿ ದೇವನ ನಂಗ ಪೊಟ್ಟ್‌ಪರಿಯುಂವೊನಾಯಿತ್ ಮಾಡ್‌ವನೆಕೆ. ಅಂವೊಂಡ ವಾಕ್ಯ ನಂಗಡಲ್ಲಿ ಇಲ್ಲೆ. |
© 2017, New Life Literature (NLL)