TYENDO NE SIIREI TUGUL 5 - BUKUIT NE TILIIL Sireet ne Dutero Kanon

Karwotitoet agobo chamyet

¹ Kaanyo mbareennyu, chepkamennyu, murerennyu. Kaayum tuguukyuk che uu igomoik ak tuguuk che ng'uu ne anyiny. Kaamde masamekyuk kumyanyun, kaaee divaikyuk ak alu chekyuk. Oamisye, ee choronok, oeeise, ee oeeise miising' ee chamanikyuk.

² Ki anuuchi, ago kigasu muguleldanyu. Kutitap chamanennyu ne igongong'isyei, koleen, yaatwa, chepkamennyu, chamanennyu, cheptugennyu, nenyu ne libwoop. Amu nyiitaat metinnyu rewoot, ak nyiitaat sumeekyuk che iletotin, rewootap kemoi.

³ Kaareegu kotinnyu; ta alaaktoi ano kogeny? Kaaun keelyekyuk, ta andoitoi ano simdo kogeny?

⁴ Kiyogoune chamanennyu eunnyi konda ne mi kurgeet, ak ki igaskei muguleldanyu agobo ineendet.

⁵ Ki ang'eet aleen ayaatyi chamanennyu, ki saitae eunekyuk tuguuk che uu igomoik, ki saitae morikyuk tuguuchooto uu igomoik che uu peek, eng' eunegap karnet ne ki kigee.

⁶ Ki ayaatyi chamanennyu, ago kiwelelgei chamanennyu ak kwo. Kitanui saboondanyu ye kingo twekwa. Ki acheeng' ineendet, ago ma amuuch anyoor, ki aguur ineendet, ago ma wolwo.

⁷ Kinyoorwo riibiik che pendoti eng' nganaseet, kibira, ki iguotena, ki ibeno riibiigap irimoik ngoryennyu ne po parak.

⁸ Asoomok, ee tiibiigap Jerusalem, ale, ngot onyooru chamanennyu, omwachi ineendet oleenji, amyani agobo emostap chamyet.

Tiibiik

⁹ Siirei eng' nee chamaneng'ung' chamaneet age, inyee ne ii karaaran isiir tiibiik tugul? Siirei eng' nee chamaneng'ung' chamaneet age, kot iyasyewech ko uu nooto?

Murereet

¹⁰ Leel chamanennyu ago tilyal ne piriir, taagunet ineendet eng' eliphuusyek taman.

¹¹ Uu metinnyi thahabu ne karaaran miising', kooen suumeekyik che iletotin, ak ko tuuen ko uu koroorigap chepkugit.

¹² Uu konyekyik che po cheptugenik eng' ngeguusyegap kereruusyek; cheptugenik che leelach ko uu cheego, che tetotin komyee eng' kereruusyek.

¹³ Uu matong'oikyik mbareetap nyamdutik, uu mbareenigap ingweek che anyiny. Uu kutinnyi taaptook che piriireen, ne saitoe tuguuk che uu igomoik che uu peek.

¹⁴ Uu eunekyik peteinigap thahabu che ki kitetyi berulo. Uu poortanyi kelegap peeleek che ki kiliigee sapphire.

¹⁵ Uu keelyekyik tolochigap koik che leelach, che ki kitetyi kelongonigap thahabu ne karaaran. Uu itoondanyi Lebanon, karaaran ko uu taragonik.

¹⁶ Onyiny ng'aleekyik miising', ee, karaaran kot ineendet eng' kiy age tugul. Niito ko chamanennyu, niito ko chorwennyu, ee, tiibiigap Jerusalem.