TIENWOGIKAL 93 - BUKUIT NE TILIIL Sireet ne Dutero Kanon

Telunatetap Kamuktaindet

¹ Laitorani Kamuktaindet ne Toroor; ilaagat eng' telunateet; Ilaagat Kamuktaindet ne Toroor, kigermenegei kimnateet: Ki kigimit ng'wony, si ma ng'eigei.

² Ki kigimit ng'echereeng'ung' ne po laitornatet kobooch keny: Ki imi kobooch keny agoi.

³ Ee Kamuktaindet ne Toroor, tuldos ainoosyek, Kigong'eet ainoosyek tuleennywa; Ing'eeti maranosyek mildaennywa pogei.

⁴ Kiim Kamuktaindet ne Toroor eng' parak, Kosiir tuleetap peek che chaang', Kosiir mildaetapkei ne kiim ne po nyanjet.

⁵ Lumdootin paornatosyeguk: Nyoljin koong'ung' tiliilindo, Ee Kamuktaindet ne Toroor, agoi koigeny.