TIENWOGIKAL 81 - BUKUIT NE TILIIL Sireet ne Dutero Kanon

Aiyebindap Kamuktaindet

¹ Otyenji Kamuktaindet eng' kutit ne oo, ineendet kimnateennyo; otyenji Kamuktaindetap Jakobo eng' poiboiyet.

² Otyen tyendap kalasunet, ak obir sugutit ne ming'in, ketubet ne tinyei cheet ne rurei, ak kibugandet.

³ Oguut iryageet ko kaleel arawet, ye kagoeet arawet, eng' peetuunnyo ne po igoorto ne oo.

⁴ Amu ng'atuutyet niito eng' Israel, kirwoogetap Kamuktaindetap Jakobo.

⁵ Ki ng'at niito koek paornateet eng' Joseph, ye kingo manda eng' emetap Misiri, ole ki agase kutit ne ma anai.

⁶ Ki aistoe tigikyennyi mileet: ki kiistoe eunekyik kitongok.

⁷ Ki iguurse eng' nyalilda, ak ki asaruun; Ak ki awolun eng' ole ung'aat ne po tuleet; Ki atyemin eng' ole mi peegap Meribah.

⁸ Ogas, okweek piikyuk, si abaoryanwok: Ee Israel, ndechame iepcha iit!

⁹ Amat kobiitunenen kanamwet ne too; Anan igutung'ji kamuktain age tugul ne po pororyosyek alak.

¹⁰ Aa Kamuktaindet ne Toroor Kamuktaindeng'ung', Ne ki amutun itogosu eng' emetap Misiri: Iseng'eng'e, si anyiit kuting'ung'.

¹¹ Ago ki ma epchi iit kutinnyu piikyuk; Ak ki ma ko magena kiy Israel.

¹² Ki aunde anyun koba eng' uuindap mugulelwekwak, Si kobendatee kirwoogutikwak.

¹³ Pwo! Nda kiga epcha iit piikyuk, Ee, nda kiga cham Israel kobendatee ortinwekyuk!

¹⁴ Ta kasip aterteerchi puunikwak, Ak aluukyi eunnyu usiikwak.

¹⁵ Yaegei koek che kase iit icheeget che wechei Kamuktaindet ne Toroor: Ago kata teptoi peetuusyekwak koigeny.

¹⁶ Kata pae icheek nganuuk che neryootiin kosiir: Ak kata abaenen kumyat ne punu rwandet kot ibiye.