TIENWOGIKAL 76 - BUKUIT NE TILIIL Sireet ne Dutero Kanon

Kirwoogindetap Ng'wony tugul

¹ Naat Kamuktaindet eng' Judah: Oo kainennyi eng' Israel.

² Miitei koonnyi Salem, Ak miitei Zion ole menyei.

³ Ki iri eng' olooto kipchabonik che po kwanget; Long'eet ak rotwetap chok, ak lugeet.

⁴ Iluu ak itinye telunateet kosiir tuloonoogap che luulsei.

⁵ Kogeluul che nyigoonen, kogoruiyo konuukso; Ak ma mi eng' piik che kiimeen ne kinyoor eunekwak.

⁶ Ee Kamuktaindetap Jakobo, inuuktos kariisyek ak paraisisyek Amu kereng'ung' po kong'.

⁷ Kanyool kiywein inyeendet, inyee; Ak ng'oo ne imuuchi kotonon eng' taing'ung' ko kenereech?

⁸ Ki imwau kirwooget kogasak kobun kipsengwet; Ki iyweis emet, ak ki siis,

⁹ Ye kingo ng'eet Kamuktaindet korwooch, kosar tugul che talaen che po ng'wony.

¹⁰ Iman ilasun nereegegap piik: Irategei nereegek che kang'et.

¹¹ Oarorchi Kamuktaindet ne Toroor Kamuktaindeng'wong', ak oyaakyi: Ingoipchi kagoochinoik, icheeget che mi ole neegitee ineendet, ineendet ne nyoljin kiywei.

¹² Tilei ineendet saboonwegap pounik: Imui ineendet laitorinigap ng'wony.