TIENWOGIKAL 70 - BUKUIT NE TILIIL Sireet ne Dutero Kanon

Soometap toreteet

¹ Ee Kamuktaindet, sarwo; chokyi toreto, ee Kamuktaindet ne Toroor.

² Ingolilanso ak koteweerogis che cheeng'ei saboondanyu. Ingoweektagei let ak koteweerogis che poiboi amu ng'wanindanyu.

³ Ingeweekta koba let amu teweernatennywa. Che leen, Haa, Haa.

⁴ Ingoboiboitu icheek tugul che cheeng'in, ak kogaskei eng' inyee. Ak ingomwa kotugul icheek che chamei yetuneng'ung', Kole, Ingitoroor Kamuktaindet.

⁵ Ago anee ko aa panan ak ma tinye kiy; Chogu ole ami, ee Kamuktaindet: Ii toretindennyu ak ko ii saruunindennyu; Ee Kamuktaindet ne Toroor, amegagei.