TIENWOGIKAL 64 - BUKUIT NE TILIIL Sireet ne Dutero Kanon

Saaet kesoom Kamuktaindet ne Toroor riipseet

Po ne oo eng' putiik. Tyendap Kalasunet ne po Daudi.

¹ Ee Kamuktaindet, kas kutinnyu, eng' riirekyuk; riip saboondanyu si ma ywei kamuisetap puunyoot.

² Unya eng' kirwoogutigap ung'oot che po che yaei tengekto; si ma nyoorwo wasetapkei ne po kiptengeginik.

³ Che kagolit ng'elyebwekwak ko uu rotoogap chok, ak komwokto kipchabonikwak, chooto ng'aleek che ng'woneen.

⁴ Si komwok eng' ung'oot ne ititaat, ak kosip komwok ineendet, amaiywei.

⁵ Kicheergei eng' mageet ne ya; kichaamjigei kouny mestonok, ki le, “Ng'oo ne imuuchi kogeer icheek?”

⁶ Cheeng'oti tengekwogik; mwaei icheek kole, “Kogeyai eng' kagiiletapkei kosulda cheeng'sennyo.” Po ung'oot miising', kabwaatetap chiito age tugul, kobooto muguleldanyi!

⁷ Ago mwogei Kamuktaindet icheek; ak koguoten eng' yooto.

⁸ Amu ng'aleegap ng'elyebwekwak komaasi icheek; ak tugul che keerei icheek kolelechi metowek.

⁹ Yeityo koiyweis piik tugul; ak komwaita poisyetap Kamuktaindet, ak korwoochi eng' ng'omnateet agobo poisyennyi.

¹⁰ Ingobaibait ne po imanda eng' Kamuktaindet ne Toroor, ak konyoor ole mwechin eng' ineendet. Ingogaskei tugul che po iman eng' mugulelwek!