TIENWOGIKAL 61 - BUKUIT NE TILIIL Sireet ne Dutero Kanon

Saaet kesoom riipseetap Kamuktaindet

Po ne oo eng' putiik eng' kibugandet ne po inoik. Tyendap Kalasunet ne po Daudi.

¹ Ee Kamuktaindet, kaswa riirekyuk, epchi iit saaennyu.

² Aguurin eng' tabandap ng'wony, ye kagotanui muguleldanyu. Imutya rwandet ne kooi kosiiro,

³ amu inyee ko ii ole amwechini, ii koot ne kooi ne kiim ole aung'egei eng' puunik.

⁴ Amenye koong'ung' koigeny, amweu aung'egei kebebaiguk.

⁵ Amu inyee, ee Kamuktaindet ne ki igas kaarortaosyekyuk, ki igoono poroteetap icheeget che konyiti kaineng'ung'.

⁶ Itesyini laitoryat peetuusyek; tarei kenyiisyekyik ibinwek che chaang'.

⁷ Tebee taitap Kamuktaindet koigeny, chop si koriip ineendet chamyet ne tala ak imanit.

⁸ Si atyenji kaineng'ung' kalasunet koigeny, si kobiit agoito peetuut age tugul che ki aaroorte.