TIENWOGIKAL 46 - BUKUIT NE TILIIL Sireet ne Dutero Kanon

Riibindet Kamuktaindet

¹ Kamuktaindet ole kemwechini ak kimnateennyo, toretindet ne neegit ye mi nyalilda.

² Ma kiyweisyei anyun amu nooto, agot nda walak ng'wony, agot nda pendi tuloonook kwenutap nyanjosyek;

³ agot nda tulei peekwak ak kowasegei, agot nda koroomit potanetap tuloonook.

⁴ Mi aineet, ne kereruusyekyik ko iboiboi nganaseetap Kamuktaindet, meng'ootet ne tiliil ne po Ineendet Ne Toroor Miising'.

⁵ Mi Kamuktaindet kwenutap nganaseet, ama ki istoi; toreti Kamuktaindet yooto ye kaeech.

⁶ Kibolyo pororyosyek, ak kiwaskei laitornatosyek; kitwek ineendet ak kichoot ng'wony.

⁷ Mi kobootech Kamuktaindet ne Toroor ne po lugoosyek; Kamuktaindetap Jakobo ole kemwechini.

⁸ Obwa si ogeer poisyonigap Kamuktaindet ne Toroor, ogeer tuguuk che kikwong'ee che ki yai ineendet eng' ng'wony.

⁹ Igeesu `inee lugoosyek eng' ng'wony; iriei kwanget, ak iriei ng'otit; ak peelei long'onik eng' maat.

¹⁰ “Osisye ak onai ole aa Kamuktaindet! Kitoroora eng' kwenutap pororyosyek, kitoroora eng' ng'wony.”

¹¹ Mi Kamuktaindet ne Toroor ne po lugoosyek kobootech; Kamuktaindetap Jakobo ko ole kimwechini.