TIENWOGIKAL 29 - BUKUIT NE TILIIL Sireet ne Dutero Kanon

Tweguunetap Kamuktaindet ne Toroor ye mi wasetapkei

Tyendap Kalasunet ne po Daudi.

¹ Ogoochi Kamuktaindet ne Toroor, ee okweek weeriigap che kiimeen, ogoochi Kamuktaindet ne Toroor teegisto ak kimnateet.

² Ogoochi Kamuktaindet ne Toroor teegisto ne nyoljin kainennyi; ogutung'ji Kamuktaindet ne Toroor eng' telunatetap tiliilindo.

³ Miitei tweguunetap Kamuktaindet ne Toroor nyanjosyek; tulei Kamuktaindetap teegisto, nooto Kamuktaindet ne Toroor, ne mi paragutap peek che chaang'.

⁴ Tinyei kimnateet tweguunetap Kamuktaindet ne Toroor; nyiitaat `etunateet tweguunetap Kamuktaindet ne Toroor.

⁵ Iriei `tweguunetap Kamuktaindet ne Toroor taragonik; tonatoni `Kamuktaindet ne Toroor taragonik che po Lebanon.

⁶ Igoochin `Kamuktaindet ne Toroor tuloonoogap Lebanon kotorombenso ko uu moita; ak tulweetap Sirion, ko uu moitap soet.

⁷ Petei tweguunetap Kamuktaindet ne Toroor laletap maat.

⁸ Itumdumi tweguunetap Kamuktaindet ne Toroor surkwen; itumdumi Kamuktaindet ne Toroor surkwen ne po Kadesh.

⁹ Igoochin tweguunetap Kamuktaindet ne Toroor kenyelok koiiyo, ak chorori keetiigap timiin; ak mwaei age tugul ne mi hekalunnyi kole, “Po Kamuktaindet ne Toroor Toroornatet!”

¹⁰ Tebee Kamuktaindet ne Toroor maraneet ko uu laitoryat; tebyei Kamuktaindet ne Toroor kolaitorani koigeny.

¹¹ Igoochin `Kamuktaindet ne Toroor piikyik kimnateet! Ingoberuuri `Kamuktaindet ne Toroor piikyik eng' kaalyeet!