TIENWOGIKAL 23 - BUKUIT NE TILIIL Sireet ne Dutero Kanon

Kamuktaindet ne Toroor Mestowondennyu

Tyendap Kalasunet ne po Daudi.

¹ Kamuktaindet ne Toroor mestowondennyu, mararwo kiy.

² Koono arue ole mi susweek che nyalileen; indoiywa awo ole mi peegap kaalyeet,

³ isoobi saboondanyu. Indoiywa abun ortinwegap imanda agobo kainennyi.

⁴ Ee, agot ngabune atebweet ne po urwetap meet, koma ywei yaityo; amu imi kobooto; igaigaa kiroktong'ung' ak siaring'ung'.

⁵ Ichobwoo amitwogik aamis eng' meset eng' ole mi puunikyuk; kaiilee metinnyu mwaita; kagonyi kigombennyu kot kong'irtagei.

⁶ Isubota iman myeeindo ak chamyet ne tala peetuusyek tugul kotee asabe, ak atebee kootap Kamuktaindet ne Toroor koigeny.