TIENWOGIKAL 15 - BUKUIT NE TILIIL Sireet ne Dutero Kanon

Chorweetap Kamuktaindet ne Toroor

Tyendap kalasunet ne po Daudi

¹ Ee Kamuktaindet ne Toroor, ng'oo ne nyoljin kotebee koong'ung'? Ng'oo ne tos meny tulweeng'ung' ne tiliil?

² Ineendet ne wendoti eng' lititindo ak koyaei imanda, ak komwaei imanit eng' muguleldanyi;

³ ne ma itaami chii eng' ng'elyeptanyi, ama yachin ne ya chorwennyi, ama mwaitoe ne ya chiitap kokwennyi;

⁴ ne sasei ineendet ne eesyoot, ago konyiti icheek che iywei Kamuktaindet ne Toroor, ne ma walei kayosyennyi matiny kanyoor nyalil;

⁵ ne ma pesendoi fedhaisyekyik si kosige che siirtoot, ama taachei tuguugap kagoigoisyet agobo ne ma tinyei tengek. Ineendet ne yaei tuguuchuuto, koma ki istoi agoi.