TIENWOGIKAL 130 - BUKUIT NE TILIIL Sireet ne Dutero Kanon

Kagenisyet agobo Yetunet

¹ Ki ariirchin eng' rirosyek, ee Kamuktaindet ne Toroor.

² Kiptaiyat, kas kutinnyu! Ingoepchi iit iting'ung' kutitap soomutikyuk.

³ Ngot iit inyee Kamuktaindet ne Toroor, tengekwogik, ko ng'oo ne imuuchi kotonon, ee Kiptaiyat?

⁴ Ago miitei nyoetap kaat eng' inyee, si kobiit kiywein.

⁵ Ageni Kamuktaindet ne Toroor, igenisyei saboondanyu, ak amang'u ng'olyoondennyi.

⁶ Igeni saboondanyu Kiptaiyat, kosiir riibiik che igeni egonet; ee, kosiir riibiik che igeni egonet.

⁷ Ee Israel, imang'u Kamuktaindet ne Toroor; amu mi rireenet eng' Kamuktaindet ne Toroor, ak mi katyaget ne siirei eng' ineendet.

⁸ Ak kityaachi ineendet Israel eng' tengekwogikyik tugul.