TIENWOGIKAL 13 - BUKUIT NE TILIIL Sireet ne Dutero Kanon

Saaet ye mi nyalilda

Po ne oo eng' putiik. Tyendap Kalasunet ne po Daudi.

¹ Ee Kamuktaindet ne Toroor, iutyeno agoi au? Agoi koigeny? Iung'ena togeng'ung' kot kotyanit?

² Agereeri met eng' saboondanyu kot kotyanit, komi arageneet muguleldanyu kotugul? Eetu punyondennyu eng' anee kot kotyanit?

³ Ee Kamuktaindet ne Toroor, Kamuktaindennyu, keer si iwolwoo. Ikweny konyekyuk, si ma ru rwondap meet;

⁴ si ma mwa punyondennyu kole, “Kaaterter ineendet!” Si ma poiboitu puunikyuk eng' kabutennyu.

⁵ Ago ki amang'u rireeneng'ung'; igaseegei muguleldanyu yetuneng'ung'.

⁶ Atyenjini Kamuktaindet ne Toroor, amu ki yaiywo ne myee eng' aiyebindo.