TIENWOGIKAL 128 - BUKUIT NE TILIIL Sireet ne Dutero Kanon

Poiboiyetap Kap chii ne po iman

¹ Paibai age tugul ne iywei Kamuktaindet ne Toroor, ne wendote ortinwekyik.

² Amu iame poisyonigap euneguk; ibaibaitu ak italbisi.

³ Igeitu osotyondeng'ung' keetit ne yiei ne po sabibuk, eng' koong'ung' oriit; igeitu lagoguk keetiik che mengeechen che po mseituni che yiemei meseng'ung'.

⁴ Ogeero, kiberuuri ko uu nooto chiito ne iywei Kamuktaindet ne Toroor.

⁵ Iberuurin Kamuktaindet ne Toroor eng' Zion. Ak igeere poroteetap Jerusalem peetuusyek tugul che po sabeeng'ung'.

⁶ Ee, tuun igeere mochogoroniguk. Ingotebee kaalyeet Israel!