TIENWOGIKAL 127 - BUKUIT NE TILIIL Sireet ne Dutero Kanon

Kaberuuretap Kamuktaindet eng' kap chii

¹ Ngot koma teech Kamuktaindet ne Toroor koot, ko poisyei puch che teechei. Ngot koma riip Kamuktaindet ne Toroor nganaseet, kogosu puch riibindet.

² Puch eng' okweek ye ong'eetosi kota ko karon miising', ak otebye keny si obendi oruitosi, ak oame amitwogik che onyaliljini: Igoochin inee anyun chamanennyi rwondo.

³ Lagok ko poroteet ne punu Kamuktaindet ne Toroor; ak konunennyi iyoteetap moet.

⁴ Ko uu kipchabonik eng' eutap ne kiim, ko uu nooto lagogap che ta ko neran.

⁵ Paibai chii ne nyiitaat motyennyi. Ma nyooru kalilanet, ye ng'alaaldos ak puunikwak eng' ormariich.