TIENWOGIKAL 125 - BUKUIT NE TILIIL Sireet ne Dutero Kanon

Piigap Kamuktaindet

¹ Uu icheek che imang'u Kamuktaindet ne Toroor Tulweetap Zion, ne ma kimuuchi keisto, ago tebyei koigeny.

² Ko uu ye kiyiem tuloonook Jerusalem, yiemei Kamuktaindet ne Toroor ko uu nooto piikyik, kobooch nguno agoi koigeny.

³ Amu ma laitorani kirokto ne po tengekto eng' ye mi che po iman; si ma iyogoochi che po iman, eunekwak tengekto.

⁴ Yachi ne myee che myachen, ee Kamuktaindet ne Toroor, ak icheek che lititen mugulelwekwak.

⁵ Ago icheek che mastoi kosubi ortinwekwak che kunuuren, koonei `Kamuktaindet ne Toroor icheek kobooto yaigap tengekto. Ingotebee `kaalyeet Israel!